-
›روايات طويلة
(
https://www.sham-alro7.com/vb/forumdisplay.php?f=128)
فارس الشهباء |
10-04-2015 09:44 PM |
رواية يدري أني ما أقاوم ضحكته و يدري أن اسباب ضعفي نظرته
|
فارس الشهباء |
10-04-2015 09:59 PM |
رد: رواية يدري أني ما أقاوم ضحكته و يدري أن اسباب ضعفي نظرته
|
|
|
|
خالد(مكتف ايدينه لصدره) : وبس
فهد(ببلاهه) : وبس
خالد : طيب كيف صحيتني
فهد : قلت خالد خالد قم قم بيت ميثه يحترق وقمت بس (يبتسم كأنه ماسوى شيء)
الأم(تضربه على كتفه) : فال الله ولا فالك ليه كذا
فهد(يحك كتفه): أأأأأأأأأأأأأأأأي أي يمه اهو ما يقوم لا اذا طرينا ست الحسن ميثه
خالد: لا والله تتفاول على الناس بالشر أنا ناقصك يكفيني عمتي عايشه ورفضها أتزوج ماسكه لي تو الناس والبنت بعدها صغيره أففففففففففففففففففففففففففف
فهد(حزن لحالة أخوه اللي مملك على بنت عمته وهي تأجل بالعرس كل ما طلبها خالد يتزوج) : مو قصدي خشمك يا أبو وليد
فهد قرب خشمه من خشم اخوه خالد استغل الفرصه ومسكه من خشمه باصابع يده
فهد(يتوجع من المسكه) : أأأأأأأأأأأي أترك خلود أأأأأأأأأأأأأأأأأأأي خويلد توووووووووووووبه اح اح
ترك خالد خشم فهد اللي صار كانه صفاره الاطفاء
خالد+الأم: ههههههههههههههههههههههههههههههههههههه
فهد(انحول واهو يحاول يطالع خشمه) : الله يسامحك وش يفكني من طنازة سالم وناصر وفيصل
خالد: احسن وحد بوحده
الأم: انزلو للمجلس ابوكم فيه على ما اصحي خواتكم واحضر الفطور لكم
خالد : ابي اتروش واجي
الأم : يمه فهد مر على المطبخ وخذ القهوه لابوك
فهد(يحط يده على خشمه) : من هــ أأأأأي من هل الخشم
صعدت الأم لغرفت سلمى طقت الباب
سلمى(تمسح دموعها) : ادخلي يمه
الأم : سلمى وش بلاك
سلمي ارتمت بحضن امها وصاحت
الأم: سلمى يايمه الخلفه من الله وأنتي وإبراهيم ما بيدكم شيء
سلمى : وش ذنب إبراهيم اهو يحب العيال
الأم : بس إبراهيم يحبك اكثر واهو مقدر الظرف
سلمى تتعدل وتمسح دموعها
الأم(تكمل) : يايمه إبراهيم البارح بعد ما طلع من هنا قعد بسيارته تحت البيت ماراح
سلمى(ترجع تصيح) : يايمه انا احبه بس ودي اسعده بكلمة بابا
الأم: يا يمه تأخر الخلفه شيء وراثه انتي مثلي لما تزوجت ابوكي ما خلفت بسرعه حاولو بأبوك يتزوج علي بس رفض والله رزقنا بسلمى زينة بنات عائلة سالم الـــ........ كله
سلمى( ابتسمت وضمت امها) : تسلمين لي والله يخليك لي
الأم : يله أنزلي لأبوك
سلمى (حبت راس امها) : ان شاء الله رايحه
غسلت وجها ونزلت لابوها وطلعت امها متجهه لغرفة بنتها فرح فرح طلعت من غرفتها حبت راس امها
فرح : صباح الخير
الأم: صباح النور والسرور يمه روحي قعدي اختك
رغد جت بشويش من خلف امها وتضمها
رغد: رغوده صاحيه ماما
الأم:ياعمري هلا بآخر العنقود
رغد(تبتسم ببرائه) : سكر معقود
الأم: صح يلا ننزل نفطر
رغد وفرح : اوكيه
*في هذي اللحظه *
سلمى : السلام عليكم
الأب وعياله : وعليكم السلام
الأب : حياك يبه اجلسي جنبي
وقف خالد وفهد
الأب : وين
خالد: نخليكم على راحتكم
الأب: عادي اجلسوا
فهد: نبي نروح نفطر ولا عصافير الحب اقصد عصافير بطني تصوصو
الأب( يبتسم): روحوا بالعافيه
الأب(يلتفت): سلمى وانا ابوك الأطفال بيد الله ليه كذا تعذبين إبراهيم
سلمى: مو قصدي يبه احسه مكسوره نفسه
الأب:ههههههههههه
الأب : يعني شايلتن همه وخاطره
ابتسمت سلمى لابوها
الأب: روحي يبه دقي على زوجك وطيبي خاطره الله يرزقكم
----------------------
"نعود لبيت ابوإبراهيم"
---------
كانت العائله جالسين سوالف وقهوه بعد الفطور في الصاله وإبراهيم شارد الذهن بسلمى اللي مصره على الطلاق
جوال إبراهيم يدق كانت نغمة جوال سلمى إبراهيم متردد بالرد على اتصالها خايف ترد تطلب الطلاق قرر ما يرد
الأم: إبراهيم بسم الله عليك وش بلاك رد على جوالك
إبراهيم سرحان وما سمع اللي قالت له امه
الأم: إبراهيم علامك
إبراهيم(تنبه) : هاه سلامتك يمه
الأب(حس بشرود إبراهيم) : ياولدي منت على بعضك بعدين انا ما شفت سلمى على الفطور إهي بعدها نايمه
إبراهيم(بوجه حزين) : لا يبه اهي عند اهلها
الأم(بخوف) ليه فيهم شيء
إبراهيم: لاء بس (قطعت كلامه نغمة الرسايل) لحظه يمه
فتح الرساله كانت رسالة الوسائط
اغنيه عبدالله الرويشد(تعال)
تعال ومابقى لي يوم، بغيابك يصبرني
أخاف آموت من شوقي وأنت مطوِّل إغيابك
تعال وكل شيء صار في بُعْدك يذكرني
دروبك ضحكتك طاريك وريح العطر بثيابك
أنا من غبت عن عيني وخياك مايفارقني
تصدق حالتي صعبه وعمري ضاع بأسبابك
ياأجمل من سكن قلبي وعمَّرني ودمَّرني
تعال وشوف إش سوَّى حنين الشوق بغيابك
أنا وين أبتعد عنِّك وعيونك تحاصرني
أنا وين أهجرك وآروح وأنا سجني أهدابك
ياكل إحساس هالدنيا والله الشوق غيِّرني
أحبك ليه لاتسأل وأنا آموت بترابك
إبراهيم بعد ما سمع الرساله فرح ووضحت الأبتسامه على وجهه
الأب: وش فيك رد على امك ليه حرمتك عند أهلها
إبراهيم : سلامتك يمه بس حبت تنام البارح عند اهلها وما رفضت ألحين أروح أجيبها
قبل يطلع ارسل رساله لها
اغنية تستـــاهــل اشـــواقــــي
غناء:عيضه المنهالي
انت من تستاهل اشواقي والخفوق وناظر عيوني
ساكنن في داخل اعماقي راسخ ومشيد ركوني
لك يتوق القلب مشتاقي خذتني عن كل مزيوني
بالجمال وحسن الاخلاقي وانساجمن بدت شجوني
يا رفيع المستوى الراقي فيك انا مولع ومفتوني
بك اتوج قمة اذواقي وأنته انسي وجوي وكوني
يا مخجل شمس الاشراقي يا بديع الحسن واللوني
قول وش خليت للباقي فيك كل الزين مخزوني
فيصل: ياوووووووووووويلي م
سمر:ايه أن غاب القط العب يا ولا بلاها اقول وينك يا سلمى تشوفين رجلك
إبراهيم (التفت لهم ): جب انت وياها
سالم : ههههههههههه فشله لقطوووووو وجيهكم من الارض تعجبني ياخوي
منى: من تدخل فيما لا يعنيه وجد ما لا يرضيه
الكل ههههههههههههههههههههه
إبراهيم: انا رايح اجيب حرمتي مع السلامه
الأم:في امان الله
منى: انا بعد بروح اغير ما بقى شيء ويجون عمامي
سمر(تضرب جبينها وتناظر ساعتها) : ايه الله يذكرك بالشهاده وانا بعد بروح اغير قبل تجي فروحه وعذوره وميمي وليلوه ويطلعن احسن مني
سالم : الحمد لله من زينكن مالت عليكن
سمر: بسم الله كلنا زينات وانا ازينهن
فيصل (باستهزاء يطالع سالم) :مشكلة الحريم الثقه الزايده
سالم اكتفى بهز راسه بالإيجاب
سمر(رافعه خشمها) : انا عارفه ان الغيره عامله عمايلها (مدت لسانها لهم)
ما تركت لهم مجال يردون عليها وطلعت غرفتها
الأب:يلا يا عيال نروح المجلس ما يصير نجلس هنا
فيصل وسالم :ان شاء الله
فيصل : جدي حياك نروح
الجد(يمد يده يتسند على يد فيصل) : تسلم يا ولدي
سالم : يبه انا راح اخذ القهوه للمجلس
في غرفت منى جالسه تتأمل في وجه طلال اللي جالس يلعب بألعابه بالأرض
منى: سبحان الله شكثر انت تشابه ابوك وامك الله يرحمهم (دمعت عينها على ذكرى الغاليه بس مسحتها لما انفتح الباب) |
|
|
|
|
|
فارس الشهباء |
10-04-2015 10:05 PM |
رد: رواية يدري أني ما أقاوم ضحكته و يدري أن اسباب ضعفي نظرته
|
فارس الشهباء |
10-04-2015 10:09 PM |
رد: رواية يدري أني ما أقاوم ضحكته و يدري أن اسباب ضعفي نظرته
|
|
|
|
سالم :أنزلي أنا بالمطبخ نروح لها مع بعض أوكيه
سمر: أوكيه
سكرت الجوال و ألتفت للبنات
سمر :أنا نازله سالم ينتظرني تحت بس لا تخربن غرفتي مره ثانيه
مي وفرح : أوكيه
نزلت سمر و شافت سالم بالمطبخ
سالم : وينها
سمر :أكيد عند المسبح هذي البنت تموت في الماء و البحر
اتجهوا للمسبح فعلا كانت ليالي جالسه تشوف انعكاس صورتها في الماي و تفكر
ليالي (في نفسها): يمكن كلامها صح عمري 22 سنه و ما أعرف أحط كحل أو حمره إيدي خشنه و وجهي حب الشباب
سالم : بووووووووووووووه
ليالي : وجع خرعتني (ليالي ما تتغطى عن سالم بس تتحجب (تغطي شعرها))
سمر :هههههههههههههههههههههههههههههههههههه
ليالي تأخذ ماي و ترش على سمر
سمر: خلاص ما أضحك مالي خلق تخرب كشختي
ليالي ابتسمت لها
سالم : ليالي وش فيك زعلانه
التفت ليالي على سمر فجأه
سمر(ترفع اديها بإستسلام): مالي دخل ما قلت شيء
سالم يغمز لسمر
سالم :وش فيك كنت بالمطبخ أخذ القهوه و شفت سمر تسأل عنك
ليالي :لا أبدا و لاشيء
سالم :أكيد شكلكن زعلانات أنتي قاعده بروحك هنا و البنات فوق
سمر : الله لا يجيب الزعل بيننا ( و حبت ليالي على خدها )
ضمتها ليالي و وقفن
سالم : يا هنيييييييييييييك يا سمر
أنصدمت وخزته بعصبيه ليالي ودفته للمسبح
ليالي سمر :ههههههههههههههههههههههههههههههههههه
سالم (طالع لها وبعصبيه) : ليييييييييييييييييييييييه
ليالي : عشان تنتبه لكلامك سلوم
سالم : و الله ما أخليك
و أهو يحاول يطلع من المسبح و هو مبلل هربت ليالي و دخلت و هي تضحك
سالم (بصوت عالي ) :الأيام بينا يا ليلووووووووووه
سمر : ههههههههه مجانين
سالم (أبتسم) : متعود على هبالها الحماره يالله روحي
صعدت غرفه سمر ودخلت شافت فرح و مي ميتات ضحك على اللي صار بين ليالي وسالم تحت
مي:ههههههه حسبي الله على عدوك ليه سويتي فيه كذا
ليالي : يستاهل عشان يثمن كلامه و يعدله مره ثانيه الحمار
فرح :هذا و أهو يراضيك
دخلت سمر اللى تداركت الموقف و غمزت لفرح و مي
ليالي : يراضيني وش قصدك
فرح : هاه
سمر :تقصد شكله و أهو تحت يوم شافك
ليالي: محد ضربه على أيده أنا أبي أروح أتوضأ و أصلي الظهر صلن
البنات : إن شاء الله
سمر : فروحه ليالي ما تدري أني قلت لسالم كل شيء تعتقد أنه شافها بالصدفه و هي جالسة على المسبح
مي : أها و أنا قلت جالسه تستعبط علينا
فرح : فهمت
سمر : يالله نصلي
مي وفرح : يالله
&&&&&&&&&&&&&&&&&
"في بيت الخاله فضه "
عذاري: أيه حبيبي أدري وربي مو كيفي ظروف
عبدالعزيز: أنا أبي أشوفك بس يا حياتي
عذاري: ما أقدر لا تزعل عزوز
عبد العزيز: ليه تحرقين قلبي أبي أشوفك لو من بعيد
عذاري: أشوف ........ لحظه عزوز لازم أسكر معي خط ثاني
عبدالعزيز: أوكيه أتصلي عليه يا حياتي باي
عذاري: باي
عذاري : هلا سموره هلا و غلا كيفك حبيبتي
سمر: هلا ببنت الخاله أنا بخير و أنتي
عذاري: بخير
سمر: وش فيه جوالك من فتره مشغول
عذاري: هاه أيه هذي عزيزه صديقه لي في الجامعه إذا اتصلت ما تسكر
سمر: إيه عذوره كيف خالتي
عذاري(بحزن) : والله هذي الأيام تتعب بسرعه
سمر: الله يشفيها أوكيه العصر راح نمركم و راح أطلع أنا و أنتي السوق
عذاري (ابتسمت في نفسها) : فرصه و جتني أشوف عزوزي
سمر: عذاري عذاري
عذاري: هلا معاك
سمر: شنو فيك سمعتي شنو قلت العصر نلتقي الساعه 4.30 أوكيه
عذاري :اوكيه
سمر: باي و سلمي على خالتي و جدتي مزنه
عذاري: يوصل باي
*عذاري سكرت الخط من سمر وأتصلت على حبيبها اللي تكلمه بالتلفون صار لها 4 شهور تعرفه بس ما شافها و لا مره *
عذاري :هلا و غلا حبيبي
عبدالعزيز :حبيبك لا مروقه مها
*عبدالعزيز ما يعرف اسم عذاري هي قالت له اسمها مها*
عذاري:إيه عندي لك مفاجئه
عبدالعزيز:والله شنو
عذاري:أنت مو حاب تشوفني
عبدالعزيز:وربي حاب حاب حاب حاب
عذاري :على هونك يا عنتر زمانك ههههههههههههههه خلاص أشوفك اليوم
عبدالعزيز(بفرح) : والله حلفي
عذاري: هههههههههه والله
عبدالعزيز: تسلم لي الضحكه و صاحبتها وين و أي وقت أشوفك فيها يا نور عيني
عذاري:في....... الساعه 5 المغرب لا تتأخر بس مو لوحدي معي بنت خالتي
عبدالعزيز:لا ما راح أتأخر بس كيف أعرفك
عذاري:أمممممممم بينا ألو أوكيه حبيبي
عبدالعزيز: أوكيه حياتي
عذاري:باي
عبدالعزيز:باي
طاحت على السرير تحس بدقات قلبها تتسارع و تكلم نفسها
راح أقابلك ياعزوز و كيف شكلك أسمر أبيض طويل قصير تعدلت عذاري وجلست أمممممم وش راح ألبس مدت يدها و شغلت المسجل وكانت أغنيه
ليه مشتاقه
نوال الزغبي
ليه مشتاقه لك انا ايه غيرلى حالى
منك جرالى انا مالى بيك
من شوقى ومن حنينى
انا ليه منمتش عينى انا ليه حبك مالينى
انا روحى فيك
ياة دا الشوق الى انا حساه
وغرامى الى انا عايشاه
خلانى ادوب فى هواة باحساسى
ليه قلبك شغلنى وغاب
وعذابك دا احلى عذاب
انا قلبى فى غرامك داب وبيقاسى
خدتنى من العالم والدنيا
روحت فى ثانيه حبيبى معاك
نفسى اغمض عينى وافتح
الاقيك جمبى واعيش وياك
و عذاري هايمه في حلم لقاء عبدالعزيز و محتاره و تفكر كيف راح يكون اللقاء
سكر عبد العزيز العاشق و ألتفت على صاحبه اللي جنبه
عبدالعزيز: أبو سلطان طلبتك
أبو سلطان(مغمض عيونه) : أمر وش تبي
عبدالعزيز: راح ألتقي اليوم مها
أبو سلطان : وش أسوي لك أدق لك عود ولا أبعد عنكم الهيئه تصدق ذكرتني بنكته
(في واحد قروي راح يغازل في السوق و خايف من الهيئه كتب على ثوبه الهيئه في قلوبنا)
عبدالعزيز:هههههههههههههههههه حسبي الله على عدوك
أبو سلطان: أخلص يا شينك
عبدالعزيز: رح معي
أبو سلطان : ليه بيبي ستر أحرسك
عبدالعزبز:لا معاها بنت خالتها طيحها و أنا أبي أخذ راحتي مع الجو
أبو سلطان :عاد أنت و ذوقك الحمد لله و الشكر يالله من فضله
عبد العزيز:ها وش قلت
أبو سلطان : عندي خير و بركه من أرقام البنات وش أبي بالزيادة يالله أخلصهن
عبدالعزيز(بخبث) : أبو سلطان والله بنت خالتها حلوه
أبو سلطان (يعتدل بالجلسه): أحلف وش عرفك
عبدالعزيز:مها تقوله
رجع أبو سلطان أنسدح(نام) على وضعيته الأولى و سكت
عبدالعزيز: وش بلاك
أبو سلطان: يعني وش قصدك عشان بنت خالتها مدحتها الطيور على أشكالها تقع أكيد مثل بنت خالتها
عبدالعزيز: عاد في هذي لا
أبو سلطان(يلف له) : لا يعني ما عمرها كلمت أحد
عبدالعزيز: والنبي طازه يا باشا فرفوره نغه >>> أنقلب مصري
أبو سلطان: مالها سوابق
عبدالعزيز: سجلها نظيف على ضمانتي أنا ومها
أبو سلطان: مالت عليك أنت و مها(ابتسم بخبث)بس تدري صار فيني فضول أعرفها خلاص راح أروح معك
عبدالعزيز(غمز له) : أيه كذا يا باشا
&&&&&&&&&&&&&&&&&&&&&&
*في بيت فهد*
سمر تجلس بعد ما الكل راح
سمر(ترمي الكعب )والله اليوم تعبت
الأم:ليه بالله طول الوقت قاعدتن في غرفتك لا طبختي ولا نفختي
سمر: يمه الله يهداك الكلام بروحه يتعب والضحك
الكل : ههههههههههههههههههههههه
سلمى(توقف) :اسمحوا لي بروح ارتاح
الأم:بحفظ الله .... أقول سلمى
سلمى :هلا
الام :بروح العصر لأختي فضه تبين تروحين معنا
سلمى:اسمحي لي يمه تعبانه بس سلمي لي عليها و على عذاري
سمر:أممم سلمى ترى عشان ما تقولين ما قلت لك العصر بروح السوق مع عذاري
سلمى : ما أبي أروح
منى : غربيه سلمى تموت بالسوق
سلمى :راح أطلع مع برهوم حبيبي
ابراهيم(دخل أبتسم) : أيه الكلام الحلو ما يطلع بوجودي
سلمى(ابتسمت له): أنت دوم حبيب وغالي
سمر: هيييه أنتم ترى في عزابيه هنا
الكل :هههههههههههههههه
أشر إبراهيم لسلمى تقرب له قربت و حط أيده في أيدها
إبراهيم : اسمحوا لنا نبي نرتاح
الام : الله يخليكم لبعض
الكل :أميييييين
إبراهيم :أيه يمه ترى الليلة طالع أنا و سلمى بنطلع نتمشى
سمر: إبراهيم طلبتك خذني معكم
إبراهيم : وش أبي بالعذال دام معاي القمر (طالع لسلمى) سلمى حبيبتي
سلمى (طالعت له وابتسمت) : ...............
سمر :لا لا خذني معك
إبراهيم : مره ثانيه
سمر : ما أبي زعلت (بس تحب ترفع ضغطه)
منى : إبراهيم ما عليك تضحك أساسا تبي تروح مع أمي لبيت خالتي
إبراهيم :سمر صدق زعلانه
سمر(تبتسم): أفا عليك و أنا اقدر أزعل من الغالي روحوا و استانسوا
أبراهيم : يلا سلمى تعبان برتاح
سمر : يمه الساعه كم نروح لخالتي
الأم : الساعه 4 أن شاء الله نصلي ونروح أنا قايمه أريح قبل الصلاة
سمر (تلف لمنى) : مناي لو تعرفين وش حصل اليوم
منى(تمسح على شعر طلال اللي نايم جنبها) : وش حصل
سمر : حصل شيء بين ليالي وسالم أنصدمت منه
منى : أهاااااااا
سمر : لا تقولين تعرفين أنتي كل شيء تعرفين عنه أول بأول
منى : ههههههههههههه صدق اعرف عنه سالم قال لي
سمر : متى
منى : يوم راح يغير ملابسه سألته وش صار قال لي ليالي رمته بالمسبح
سمر : هههههههههههههه والله شكله كان نكته
منى : يستاهل
سالم (توه داخل) : استاهل ليه عاد
منى(ترفع راسها له) : ايه تستاهل عن الكلام اللي قلته لليالي
سمر(توقف) : أسمحولي بروح لغرفتي اقرأ شعر
سالم : يا ليل أنتي والشعر يا عنترة
سمر : أموووووووووت بالشعر يالله سي يو ايه صدق مناي حيلك فيه أدبيه
سالم( خزها) : شنو أدبيه روحي لغرفتج لا اقوم أأدبك أنا
سمر : يماااااااااااه أجل الكلام اللي أنقال سهل صح أنت متعود على ليالي ودفاشتها بس ما متعود تتغزل فيها كذا (تقلد سالم بالكلام) يا هنيييييييييييييك يا سمر .. (انبهت لنظرات سالم وخافت) اروح احسن لي
منى (بهدوئها الدائم) : سالم أسمع وأنا أختك ليالي مهما كانت بنت تستحي
سالم : عارف بس أنا أتعامل معاها عادي مثل أي أحد يعني مثل ناصر متعوده هي على كلامي
منى : تتعامل معها عادي وتقول لها يا هنيك يا سمر أظن عيييييييييييييب مفهومه و واضحه وش تقصد مو كلام عادي صح
سالم (خجل من نفسه) : آسف و تطمني ما راح أكررها
منى (ابتسمت لأخوها) : أسمع أنا ما أقول هذا الكلام عشان أحرجك بس لازم تنتبه لشغله (يوم رفع عيونه يطالع لها كملت) ليالي قبل شيء و ألحين شيء أوكيه يعني أهي ممكن تتزوج وأكيد زوجها ما راح يرضى عليها أنها تكلمك حتى لو متربين مع بعض تبقى مو من محارمك .. أنت لأنك متعود عليها وعلى جلستها دائم في بيت عمي و أهي مرات صح تصرفاتها صبيانيه لأنها بين شباب صارت مثلهم وأنت متربي معهم من كنت صغير يا ناصر هنا يا أنت هناك معه مع ليالي بس تغير الوقت كل البنات تغطن عنك يوم صار عمرهن 13 سنه إلا ليالي رفضت ولما وليد كان بيغصبها رفضت وعمي قال بس تغطي شعرها عنك والوجه عادي هي وافقت وتغطت عن الكل إلا أنت لأنها متعوده عليك وعلى وجودك مدري هي تعتبرك مثل ناصر و أخوانها أو لا بس لازم تكون على بينه وتعيش الواقع انها ممكن تتزوج وما تقدر تشوفها بعدها مثل ألحين ما فيه زوج شرقي يرضى حتى لو كان شخص متعوده عليه لأنها مو محرم لك
سالم (حس بغصه بس فكر أنها ممكن تبتعد عنه هو وناصر وأهم دوم صحبه وقف) : خلاص فهمت يالله أنا طالع مواعد ناصر
منى(تطالع ساعتها) : الساعه 2 يعني شمس وين رايحين بهذا الظهر
سالم(أبتسم) : أحنا تماسيح كل شيء عادي
منى : ههههههههههههه روح الله يحفظك (رفعت السماعه واتصلت على الرقم الداخلي) سونيا تعالي للصاله الداخليه
سونيا : يس مدام
منى : خذي طلال تراه نايم وغيري ملابسه ونيميه بغرفته
سونيا : أوكيه
&&&&&&&&&
في بيت ليالي ......
ليالي كانت سرحانة بكلام سالم : وش يقصد يا هنيييييييييييييك يا سمر طيب سمر ليه تقول لي تصرفاتي صبيانيه لهذي الدرجة أنا مسترجله (قامت من السرير ووقفت أمام التسريحة وفكت شعرها اللي كان طويل وهي دايم تلف ما تغير )كل بنات عمامي يقولن للقمر قوم وأنا اقعد مكانك ماشاء الله بس أنا مو مثلهن .. وسالم يمدحني ولا يستهزأ فيني .. يوووووووووه مو عارفه .. بلا سخافة لبس و مكياج أنا مالي شغل بسخافات البنات العبيطات (كانت بتلف شعرها وترجعه مثل حالته دايم طاويته (كبه ) دخلت مرت أبوها)
ليالي (ابتسمت ) : هلا يمه
حمده : بسم الله عليك ماشاء الله شعرك طول ليه ما تفكينه مثل البنات
ليالي(عقدت حواجبها ولفت شعرها كله ورفعته مثل دائم ) : مثل البنات
حمده : ليه منتي بنت مثل بنات خلق الله وأنتي أحلى البنات بعد
ليالي (ضمتها ) : يا ناس من قدي الناس عندهم أم وأنا عندي ماماتين يا حظي
حمده (تمسح على ظهرها) : يمه ليالي وش مكدرك
ليالي (تطالع لوجه حمده ) : ولاشيء يمه
حمده (تمسك يدها تقعد على السرير ) : أنا أعرفك أنا مربيتك مع أمك
ليالي : والله يمه مدري شقول لك بس أنتي دوم كاشفتني
حمده (أبتسمت) : قولي لي بنتي وأعرفك يبان بوجهك
ليالي : يمه أمممممممم أنا تصرفاتي أقصد يعني أنا
حمده : أنتي شنو
ليالي : أني صبيانيه كأني ناصر يعني مثله أسوي
حمده : ههههههههههههههههههههههههههههههههههههه
ليالي : يماااااااااااااااااااه
حمده : ههههههه لولو حبيبتي وش جاب الثريا للثرى
ليالي : من الثريا والثرى مافهمت
حمده : الثريا أنتي والثرى
: عارف ناااااااااااااااصر
حمده وليالي(ألتفتن) : هههههههههههههههههههههههههههههههههههه
حمده : ماتعرف تطق الباب
ليالي : ياشين طبع التجسس والدخول بدون احم ولا دستور
ناصر : آسف بطلع وأصير مؤدب (طلع وطق الباب بأدب)
ليالي وحمده : ههههههههههههههه
حمده (تهمس لليالي ) : شوفي وش أسوي فيه (ترفع صوتها) منو
ناصر : أنا
حمده : أعوذ بالله من كلمة أنا من أنت
ناصر (يرفع صوته) : يمااااااااااااااه حمده حرام عليك هذا وأنا مسوي مؤدب (فتح الباب ودخل) مهضوم حق من يتعامل بأدب أول مره أصير مؤدب وبعد تستهزئون فيني
ليالي وحمده : هههههههههههههههههههههههههه
حمده : حياك يمه تعال نمزح معك
قرب وباس رأسها وشاف أنها متربعه على السرير أنسدح (نام) وحط راسه بحضنها (حجرها) وغمض عيونه
ليالي : هيييييييييييييييييييه أنت نويصر قوم مو تنام بغرفتي
ناصر : أمممممممممم مو غرفة توأمتي كيفي
ليالي : لا والله شنو توأمتك أنا بنت وأنت صبي أبي خصوصية
ناصر (يتعدل ويواجها وجه لوجه ) : أهااااااااا قلتي بنت يعني تصرفاتك طبيعيه مهي صبيانيه مثل ماقالت سمر
أنصدمت وش عرفه ومتى عرف ومن من
ناصر : هههههههههههههه ليلوه لا يطيح فمك من محله سكري فمك
حمده : وش تقصد باللي قالت سمر وش قالت سمر عن حبيبتي
ناصر : قالت أنها تصرفاتك صبياني
ليالي(بلعت ريقها) : وش عرفك باللي قالت
ناصر (أنسدح على وضعه الأول ) : سالم
ليالي (أنصدمت) : سالم قال لك
ناصر : أيه حكى لي عن كل شيء
حمده : قل لي
ناصر بدى يقول وش قال له سالم وليالي تسمع باهتمام وقلبها يرجف خافت قال له عن البوسه بس تطمنت يوم ماذكرها
حمده : هههههههههههه ياحليل سموره هذي دايم لسانها متبري منها
ناصر (مغمض وبهدوء) : ليالي حبيبتي أنتي قمة الأنوثه أنت حلى البنات لا تهتمين
ليالي(تبتسم وقربت وحبته على جبينه) : أفااااااا عليك يا أبو سعد ما يهزك ريح يا جبل
ناصر (يرد على جواله ) : هلا يبه ... موجود عند أمي حمد وليالي بغرفتها .. (يطالع ساعته) ألحين أروح تآمر أمر مع السلامة (يوقف) يله يمه بروح تبين شيء
حمده : سلامتك يمه
ليالي : وين يمه بتروحين
حمده(توقف) : بروح أصلي أنتي صلي وانزلي ترى أخوك وليد بيمشي للشرقية هو وأهله تعالي نجلس معهم لين يمشون
ليالي : حاضر بصلي وأجي
&&&&&&&&&&&&&&&&&&
في بيت سمر ...
الأم : سمررررررررررررررررر سمرررررررررررر وووجع أخرتينا
سمر (نازله على الدرج ) : يمه جيت
الأم : أخلصي تأخرنا صارت الساعه 4 وثلث وللحين ما رحنا
سمر : طيب بلبس النقاب وأطلع
الأم : والله لأخليك ترى لا تحديني يا بنت
سمر : لا لا خلاص يله خلينا نروح كل شيء جاهز
منى(تنزل واهي مستنده على عكازها) : يمه لحظه
الأم : هلا يا عيون أمك
سمر(تتكتف) : أفففففففف راح تعطلونا
الأم : جــــــــب أنتي آخر من يتكلم هلا منى وش تبين
منى(تبتسم) : أبدا سلامتك بس سلمي على خالتي وجدتي و عذاري كثير
سمر(فتحت عيونها) : ألحين ما تقدرين تقولين هذا الكلام من فوق لازم وجه لوجه مع أمك ترى أمي مو صمخه
الأم : صمخ بعينك يا أم لسان سميروه ووجع
سمر(عوجت بوزها(فمها)) : ياشين هذا الأسم وووووووووووووع
منى : هههههههههههههه يمه روحن لا تسكر الأسواق عن البرنسيسة سمر و تزعل
طلعت الأم وسمر ومنى أتجهت للصاله ورفعت السماعه وطلبت لها شاي ويوم سكرت كان سالم توه داخل
سالم : مناي قاعدة بروحك وين الناس عنك
منى(حطت عصاها جنبها وابتسمت) : هلا سالم شسوي أمي وسمر طلعوا و نجود هي وعيالها وزوجها سافروا لجده الله يسلمهم يارب وفيصل فو...
ما كملت الكلام إلا وفيصل نازل ركض وبسرعة من الدرج ينط درجتين درجتين وطلع فجأة من الباب للخارج
سالم (متعجب) : وش فيه هذا طلع فجأة عسى محد صاير له شيء
منى : ههههههههههههههههههههههههههههههههه
سالم : تضحكين علامك اقولك طلعته فجأه تخوف وتضحكين بدل تفكيرين وش طلعه فجأة
منى : تطمن ما فيه شيء أنتظر و شوف
شوي داخل فيصل وماسك يده وعاقد حواجبه
منى(شافت يده مجروحة) : سلامات وش صار صدمت الباب
فيصل : أفففففففففف حسبي الله على شيطانه عليه أسنان لا إله إلا الله مقص مو أسنان
سالم : من هذا
فيصل : الولد مسكته وعضني وهرب
سالم (متفاجئ) : وووووووووووووولد وش تبي فيه تعرفه ولد من
منى : هاه فيصل شنو حصلت هذي المره
فيصل يطلع من جيبه صندوق صغير ويمده لمنى
فيصل : فتحيه وشوفي بروح أغسل يدي وأحط مطهر أخاف أتسمم من بعده أظن أنه قطع قطعه من اللحم المتوحش
منى وسالم : ههههههههههههههههههههههههههههههه
سالم : وش سالفة العلبة وشنو تقصدين بهذي المره
منى فتحت العلبه كان فيها علاقة مفاتيح(ميدالية) وحرف f يتدلى منها لونه ذهبي وعليه كريستال
سالم : وااااااو حلو شكله مع انه مو غالي بس واااااااااااو
منى : والله هذي البنت ذوق لو أنه مو غالي بس واضح أنها ذوق باختيارها
سالم : بنت وش السالفه أنا مو خابر فيصل راعي بنات
منى : لا لا مو السالفة كذا منت فاهم
سالم : طيب فهميني ترى ما بقى عندي صبر
فيصل (طالع من المطبخ) : لاااااااا لا تقولين مناي خليه يذبحه الفضول
&&&&&&&&&&&&&&&&&&
وأنتو بعد حابين تعرفون وش سالفة البنت المجهوله والهدايا
شنو بيحصل لسمر وعذاري بالسوق ومن اهو أبو سلطان بيكون له دور مهم ولا ثانوي بقصتي
خالد وش بيصير عليه بخصوص زواجه بيلقى حل لرفض عمته وهي وش تبريرها بالتأجيل |
|
|
|
|
|
فارس الشهباء |
10-04-2015 10:13 PM |
رد: رواية يدري أني ما أقاوم ضحكته و يدري أن اسباب ضعفي نظرته
هذا البارت الاول من الرواية
وان شاء الله في الصباح نواصل
|
سمو الروح |
10-05-2015 07:09 AM |
رد: رواية يدري أني ما أقاوم ضحكته و يدري أن اسباب ضعفي نظرته
|
فارس الشهباء |
10-05-2015 10:44 AM |
رد: رواية يدري أني ما أقاوم ضحكته و يدري أن اسباب ضعفي نظرته
|
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف