|
رد: رواية صيته ظبي النفود بقلم نبض أفكاري
في بيت حمود البنات مجتمعات عند صيته علشان يحتفلون بملكة هيفاء وصيته متحمسه مره ومن الصبح وهي تجهز للحفله وبما ان التجهيز لحفله يحتاج جهد ووقت قررت تستعين بلعيال علشان يضبطون معها الحديقه الخلفيه الي قررت انها راح تكون مكان السهره والعيال ماقصرو واشتغلو بحماس ركبو اضاءه ملونه ارضيه على احواض الورد وجهزو ركن لشوي وصيته ضبطت الطاولات وزينتها بمفارش وفازات ورد وشموع وطلع معهم مكان رايق وجميل العيال بعد ماشافو نتيجة شغلهم كيف مرتبه وجميله قررو يجهزون لهم حفلة شواء هم الثانين ويعزمون اخوياهم وبمجرد ماخلصو شغل في الحديقه الخلفيه انتقلو للحديقه الأماميه وبالتحديد الجلسه الي امام ملحق الشباب وبدو يبدعون فيها الشباب كلهم كانو موجودين اعيال حمود واعيال محمد وتركي اخو فهد وكلهم شاركو في الشغل والتنسيق باشراف وليد وتصميمه عند البنات بعد العصر صار كل شي جاهز الحديقه جاهزه لحفل الشواء والسهره والصاله العلويه بماء انها واسعه رتبو سفرة الحلويات والمعجنات والقهوه والشاي والمشروبات البارده في جهه وفي الجهه الثانيه ركبو الأستريو علشان يرقصون وطبعا كل البنات لابسات فساتين وصيته لابسه الفستان الي اختاره لها وليد وطالع عليها يجنن اما الحريم اغزيل وقمرا وسلمى لابسات تنانير وبلايز بما انه كل شي جاهز بدت الحفله في الصاله العلويه والحريم جلسو يتقهوون اما البنات ماقدرو يصبرون عن الرقص شغلو الاستريو وبدو يرقصون والحريم يتفرجن عليهن ويعلقن ومرات يشاركن معهن في الرقص صيته بما انها خبيره ومبدعه في فنون المكياج ونصف الجمال خبره واهتمام اذا تزينت ليس لها مثيل في الفتنه وأسر العين التي تنظر اليها وهذا خلا عبارات المديح تنهال عليها من الجميع وهنا تحرك وتر الغيره عند احداهن انا ابي افهم وش الزود في صيته علشان كل من شافها طيرها ل السماء انا ازين منها وجمالي طبيعي وهي جمالها مكياج اذا غسلت مكياجها اتحدا احد يقول انها ازين مني بس القهر انها لاتمكيجت تطلع ازين مني وبفرق ليه مدري ودي اعرف وش السر في مكياجها ام وليد تفكر على كثر ماشفت من البنات ماعمري حسيت ان وحده منهم تناسب وليد كثر صيته المشكله انها كارهته مدري وش فيها عليه انا لازم احاول اقربها منه لو بتلميح يمكن يتغير تفكيرها شوي شوي ولحضتها كانت صيته ترقص الحالها والبنات يشجعونها اول ماخلصت صيته رقص وسكرت المسجل علشان يجلسون يتقهوون ناظرت فيها ام وليد ووجهة كلامها لغزيل لا انا شكلي بخطب لوليد اليله غزيل فهمتها وتعرف صيته ماتحب وليد ردت بنغزه لصيته دوريله وحده تعرف قدره يستاهل وليد الزين صيته من النوع الي يفهم السالفه وهي طايره وشلون عاد التلميحات المكشوفه وردت عليهن بنفس اسلوبهن اكيد ان ولد عمي يستاهل الزين دورن له وانا بدور معتسن هيفاء اظربتها على فخذها بيدها ندورله وبنت عمه موجوده ليه هي عنوه والسلام صيته ردت لها الظربه بنت عمه متنازله عنه زكاه عن العائيله هلا فرطت ضحك قيدنا زكينا العائله يكفي هيا وهيفاء طارو برا العائله ماعدهي زكاه صارت تبرع سخي بعد صلاة المغرب خلصو العيال من ترتيب الجلسه الخاصه فيهم وظهر ابداع وليد في التصميم حمود جاب الذبيحه من عند القصاب مقطعه تقطيع يناسب الشوي ودخلها المطبخ والحريم بدن يتبلن اللحم ويجهزنه لشوي والبنات يقطعن السلطات ويجهزن المقبلات بعد صلاة العشاء وصلو الشباب المعزومين راشد وابراهيم ورائد واخوياء اعيال حمود وتركي ومن اول مادخلو ابهرهم التنسيق الجميل للجلسه بعد ماتقهوو وخلصو دخل محمد وسالم وجابو صواني اللحم من عند الحريم وعدت الشوي قدهم مجهزينها من بدري محمد : ياشباب من يبي يشوي راشد وقف انا وراح لهم رائد وراكان قامو وحنا بعد كلها لحظات وتجمعو الشباب كلهم في مكان الشوي وكل واحد منهم يشتغل في شي راشد : الا وش عندكم محتفلين راكان : تقدر تقول صابتنا غيره من البنات مسويات حفلة ملكه ومن هالخراط الفاضي قلنا حنا بعد بنحتفل بانفسنا رائد : ومن المتملك لاتقول ام السان راشد : انصت باهتمام وليد : لا ام السان محجوزه لي محمد وسالم ماعترضو على كلام وليد واصلا ماعندهم مانع انه ياخذها ومع ذالك يعرفون زين ان ابوهم مستحيل يجبرها على احد وياما قال فهد مثل ماقال وليد وازود ولاحصلها راشد ابتسم على فكره كانت تتعاظم في عقله لاكن كلمات وليد قتلتها قبل تكتمل عند البنات وهم يشوون والحريم جالسات على وحده من الطاولات يتقهوون هيفاء : بنات انتم وش تتمنون في ازواج المستقبل كل وحده تقول اهم شي عندها صيته دامك انتي الي سئلتي البدايه عندك هيفاء : انا اهم شي عندي التفاهم مابي زوجي يكون صعب وتصرفاته ماهي واضحه ساره : انا اهم شي عندي الدلع ابي واحد يدلعني حلا : اهم شي يكون حنون وحبيب هلا : اهم شي الاحترام العلاقه الي مافيها احترام تقلب قرف صيته : اهم شي يكون رجل حقيقي عنده مبادئ واخلاق وتتجسد فيه معاني الرجوله الحقيقيه ابو رعد : ياهلا والله ياعساه فال خير جاينا اليوم بشر عساك نويت تداوم عندنا رعد : الله يبقيك يالغالي ابشرك خير بس بعيد عن الشركه ابو رعد : اسمعك وش بغيت رعد : تعرف فهد منافسي في السوق ابو رعد : شفته كذا مره بس ماحتكيت فيه ابد ليه رعد : جاني اليوم في مكتبي يسئل اذا عندي خوات في سن زواج يبي يخطب من عندنا ابو رعد : نعم جايك يخطب وهو مايدري عندك خوات والا وش اسميه ذا طمع مفظوح ولاتزلف ولا وش ينتسمى بضبط رعد : والا شي من كل الي قلته الرجال جاي على سمعتي انا وياك بين الرياجيل وزي ماقال شاري ارجال وخوال لعياله ابو رعد : ذا صف كلام يقوله اي واحد جاي يخطب رعد : الا ذا انا اظمنه لك اقولك منافسي يعني اعرف عنه كل شي حتى كميه الشامبو الي يتروش فيها ابو رعد : ههههههههههاااا عن المبالغه رعد : مابالغت انا فعلا اعرفه زين لو يموت من الجوع |
رد: رواية صيته ظبي النفود بقلم نبض أفكاري
ماطلب منك فلس رجال ماشي سيده ومن عائله محافظه مالهم في الف والدوران بصراحه انا في البدايه كنت بارفظه مباشره اول ماكلمني علشان مستواهم الاجتماعي مايناسبنا بس جاء في بالي نزوجه وعد هالبنت منفلته بزياده وتبي من يعيد تربيتها وفهد اضمن لك انه يمشيها على البيض ماينخدش ابو رعد : من جدك انت تقول الرجال محافظ بتورطه باختك الي ماهي من نفس تفكيره والا نفس قناعاته اذا انت شايف على اختك شي غلط انت الي تسنعها وتعلم امها بعد تشد عليها وتأدبها موب ترميها على واحد كل ذنبه انه اشترى قربك يبه حنا ماضربناه على يده علشان يجي يخطب منا هو الي جاء وخطب عاد يحمد ربه الي وافقنا ابو رعد : كيف خطب منا وانت تقول محافظ ومن عائله محافظه رعد : قلتلك هو مايعرف الا انا وياك وسمعتنا زي الألماس بس تقاليد العائله وحياتنا الاجتماعيه مايعرف عنها شي علشان كذا انا جيتك اليوم ابيك تحددله موعد في اسرع وقت قبل يوصله اي معلومات عن المجتمع المنفتح الي احنا عايشين فيه اقولك شي حددله موعدين واحد مره قريب وواحد ابعد شوي وباقوله ابوي مايقدر يقابلك الا في واحد من هالموعدين وانت اختر اليوم الي يناسبك وانا متاكد انه بيختار الموعد القريب ابو رعد يفكر ماكنت متوقع انك نذل كذا يارعد الرجال مختارك خال لعياله مستبشر فيك وانت تبيه يحل مشاكل اختك بس ماعليه هالفهد فرصه وجت وماراح اخليه يضيع من يدي خلاص اجل قله يجي في بيت جدتك يوم الاثنين والموعد الثاني خله الخميس او الجمعه رعد ابتسم بانتصار ابشر من عيوني والله وطحت ومحد سمى عليك يافهد |
رد: رواية صيته ظبي النفود بقلم نبض أفكاري
الشرقيه بيت ابو نمر واخته شيخه بعد مانزلت عباتها وبدلت ملابسها اخذت اكياسها الي جابتها من السوق وراحت لمضاوي علشان يشوفون الاغراض مع بعض اطلعت شيخه مع الباب الي في الحوش وعلى دخلتها شافت شنطة مضاوي معلقه في باب الشارع اف الهبله ذي وين ناسيه شنطتها اخذت الشنطه وتذكرة عطري الي صارله يومين معها خلوني اخذه قبل تستولي عليه مضاوي مره وحده فتحت الشنطه باخذ العطر وتفاجأت بعطر نمر يفوح منها وش ذا قلم نمر وش جايبه في شنطة مضاوي ووش ذا المنديل اخذة المنديل وقريت المكتوب عليه وانصدمت في نمر صدمة عمري في اليوم التالي لزيارت فهد لرعد وفي مول الفهد فهد كان جالس على مكتبه الي في المحل حقه وفجأه دخل عليه احسان سواق خاله ومعه عناد وزياد فهد : هلا والله وش عندكم جايين عناد : نبغا نجلس عندك انت ماتجلس عندنا زي دايم فهد : اسف حبيبي بس انا مره مشغول فهد : احسان خالي يدري انهم جايين عندي احسان : عناد قال صيته تعرف فهد : وانت وشلون تجيبهم من غير مأحد كبير يقولك احسان : مادري هو قال صيته قالت خلي احسان يوديكم عند فهد فهد : خلاص احسان انت ارجع للبيت وخلهم عندي احسان طلع راجع للبيت وفهد التفت على عناد صيته تعرف انكم جايين عناد : لا فهد : خالي عناد : لا فهد : عمتي عناد : لا فهد : اي احد في البيت عناد : لا فهد عصب حده وشلون تطلعون من البيت من غير محد يعرف وينكم فيه وكيف تروحون مع السايق الحالكم عناد وزياد ناضرو بعض بخوف ومع بعض اسفين فهد اخذ التلفون واتصل على بيت خاله وردت صيته فهد تكلم من غير مقدمات والاسلام ممكن اعرف ياهانم وين عناد وزياد صيته من الطرف الثاني على الخط قالولي بيلعبون كوره في حديقة البيت فهد بغضب وصراخ نعم في حديقة البيت انتي وش هالاهمال الي عندك العيال عندي في المحل جايين مع السواق الحالهم وانتي مثل الهبله يلعبون عليك بكلمتين وخليتيهم يدجون من غير ماتتأكدين وينهم ووش يسوون صيته :على اساس انت الي مهتم ممكن تقولي انت وش الي خلاهم يطلعون مع السواق ويجون عندك في المحل الا انهم فاقدينك وماعاد تسئل عنهم والاتهتم فيهم فهد : انا رجال مشغول وماني مسئول عن اعيال عندهم ام واب واخوان صيته : ماشي يافهد اسفين لان اعيالنا عطلوك عن شغلك انا جايه الحين اخذهم اول مايوصل عندي السواق جيتكم سكرت صيته من فهد وراحت تقول لأمها عن سالفة العيال وانها بتروح تجيبهم |
رد: رواية صيته ظبي النفود بقلم نبض أفكاري
في مكتب فهد
وصل رعد للمحل وفهد طلب من عناد وزياد يلعبون في مقدمة المحل مع العلم محل فهد من اكبر المحلات الموجوده في السوق من حيث المساحه وتقسيماته كثيره وله عدت مداخل ومكتب فهد في اهدا مكان في هالمحل وقريب من احد المداخل وموقعه يسار الي يدخل المحل ومن مكانه على المكتب يقدر يشوف الي يدخل للمحل بوضوح اما الشخص الداخل صعب يشوفه الا اذا استدار استداره كامله بأتجاه المكتب جلس رعد على الكرسي الموجود امام مكتب فهد على يمناه وفهد طلب لهم قهوه وضيافه وبينما هم يتبادلون المجاملات المعتاده فز فهد على صوت عناد وزياد فهد فهد فهد تركت مكتبي مفزوع هالبزران وش عندهم يصارخون رحت لهم ركض وتفاجأت فيهم يتخبون وراي عناد : صيته صيته جت زياد : لاتخليها تهاوشنا عناد : صح فهد ترا حنا مسيرين عليك فهد العيال خايفين من صيته وانا من شفتها داخله محلي نسيت الدنيا بكل مافيها ياحي هالزول لي زمان ماشفتها مدري ليه عيوني اختصرت النظر كله لها وماعاد اشوف قدامي الى هي المساحات قدامي تلاشت وكل شوفي تسلط عليها مثل شعاع اليزر بقعة ضوء مركزه ومحدوده تحيط فيها هي وبس رعد جالس مكانه بصمت يراقب الي قاعد يصير قدامه بتركيز واهتمام صيته دخلت السلام عليكم فهد : عليكم السلام صيته شافت العيال كيف متخبين ورا فهد تقدمت شوي حتى صارت مقابله لفهد وصارت تتكلم مع زياد وعناد صيته : غلطانين وبعد متخبين وراء فهد هذا الي علمتكم اياه الحين الخطاء صار اثنين غلطانين وماعندكم شجاعه تعترفون بغلطكم عناد وزياد ناظرو بعظ وكأن كل واحد فيهم يقول لثاني اطلع انت عناد بادر وطلع قدام فهد وزياد قلده وطلع وقف جنبه عناد : موب غلط حنا جينا عند فهد من زمان ماشفناه زياد بتذمر بس يشتغل ويدرس ويشتغل صيته : الغلط انكم طلعتو من البيت من غير ماتستأذنون والغلط الثاني ركبتو مع السواق الحالكم الغلط الثالث ماعلمتو احد انكم طالعين الغلط الرابع للحين ماعترفتو بغلطكم عناد : طيب الحين عرفنا ليش غلطانين اسفين مانعرف انه كذا غلط فهد : لو ماتعرف انه الي سويته غلط كان ماخفت من صيته وجيت تخبى وراي عناد : ماعاد يعرف وش يقول ناظر في زياد زياد : ناظر في عناد ورجع يناظر لصيته خلاص مانعودها عناد : صح مانعودها صيته ناظرت لرف الي ورى فهد وكان عليه جزم فهد موكنه الرف الي وراك موب مرتب فهد التفت على الرف وفهم قصدها ابتسم لها بقوه صادقه هالرف حوسه وبحركه سريعه اتجهو فهد وصيته بانسجام تام لرف وبدو من اطراف الرف كل واحد مد يده وكنس فيها الجهه الي يمه لحد مالتقو في النص وطيحو كل الجزم الي على الرف رعد يراقب حجم السعاده الي ظهرت على وجه فهد من اول مادخلت هالبنت وشاف كيف كانو فاهمين بعض وهم يعاقبون الصغار وتأكد ان فهد يحب هالبنت بس ليه ماتزوجها ووش تقربله فهد : الرف ذا ابيه يترتب وبسرعه لايجي احد من الزباين ويشوف الحوسه ذي ثم ماعاد يجون يشترون من عندنا عناد وزياد اتجهو لرف وهم ندمانين على هالجيه وبدو يرتبون صيته : فهد انا بطلع اخذ لي قهوه على بال مايخلصون ربع ساعه وارجع لهم فهد : لحضه انتي من جايه معه صيته مع السايق فهد : نعم لايكون جايه معه الحالك انتي الثانيه ماشوف شغالتك معك صيته : الى جايه معي بس خليتهم يرجعون البيت فهد : خلاص اجل روحي والاتطولين صيته :ابشر وطلعت فهد رجع لمكتبه وانصدم من الي جالس على الكرسي قدامه اف كيف نسيته ذا جلس على الكرسي المقابل لرعد فهد : اسف ازعجناك بمشاكل العائله رعد : لا عادي كلنا عندنا مشاكل ماشاء الله هذي اختك فهد : بنت خالي رعد : وذولا اعيالها فهد تضايق من اسئلته عن صيته بس مجبور يرد لا ذولا اخوانها الصغار رعد لمعت في ذهنه فكره بس تظاهر ان اسئلته مجرد فضول عادي وبدا يتكلم في الموضوع الي هو جاي علشانه الوالد يقول تقدر تزوره يوم الاثنين او يوم الخميس الوقت الي يناسبك فهد : خلاص اجل خلها يوم الاثنين يوم الخميس مرتبط بمناسبه لواحد من المعارف رعد : اتفقنا اجل واعطى فهد عنوان بيت جدته وطلع من المول عند عناد وزياد شافهم واحد من الموظفين كيف حايسين الترتيب جاء يساعدهم الموظف : اخذ جزمه بكعب عريض ورفعها قدامهم شوفو الجيب ذا وين اخوه استانسو العيال وصارو يفتشون عن الفرده الثانيه من الجزمه لقاها زياد والموظف اعطى عناد الفرده الي معه وروني كيف توقفونا في المواقف صح وكمل معهم على نفس الطريقه كل جزمه يسميها باسم سياره ويقولهم ان الرف موقف السيارات والعيال انبسطو معه وصارو يرتبون بأهتمام صيته رجعت لهم بعد عشر دقايق لقتهم يرتبون اخر فرده مع كل واحد منهم : عناد زياد تعالو نمشي فهد جاء عندهم اوصلكم صيته : لا موب رايحين الحين بنات عمي كلموني قبل اطلع من البيت ولمى اعرفو اني باجي للمول قالو انتظرهم بيجون يتسوقون ونرجع معهم على نهايت كلامها دخل وليد ومعه خواته سلمو وردو عليهم فهد وصيته السلام وليد : وينك يارجال ماعاد تنشاف فهد : شوفت عينك مشغول هيفاء : فهد توص فينا خل موضفينك يطلعون لنا البضاعه الجديده موب زي كل المحلات يطلعون شي صارله في دواليبنا سنين ويحلفون انه نازل امس فهد ضحك حنا بضاعتنا كلها نازله امس كلهم ضحكو وردة صيته معناته لاتشترون من عنده شي هلا : ليتنا جبنا عمتي قمراء معنا واسطه عناد : انا اتوسط لكم فهد : وزين الواسطه وراعيها اجل علشان عناد بخلي الموضف يطلع لكم كتالوج البضاعه الي باقي ماعرضناها في السوق اختارو الي تبون وقبل تطلعون من السوق تعالو خذوها لان يبيلها وقت عشان يطلعونها من المخازن |
رد: رواية صيته ظبي النفود بقلم نبض أفكاري
في الشرقيه
شيخه اخذت شنطة مضاوي ورجعت لغرفتي بسرعه قبل يشوفها احد طلعت قلم نمر والمنديل الي معه وخبيتهم في دولابي ويوم بغيت اسكر الشنطه لاحظت ريحة العطر باقي تفوح منها تذكرت ان هالشنطه شاريتها انا ومضاوي سواء وعندي وحده نسخه منها دورت شنطتي ولقيتها في دولابي من فوق اخذتها ونقلت اغراض مضاوي فيها ورحت لمضاوي وأول مادخلت عليها حذفت الشنطه عليها هذي وين ناسيتها يالفاهيه مضاوي : وين لقيتيها مدري ويني ناسيتها يمكن في السياره شيخه : لقيتها معلقه في باب الشارع مضاوي تذكرت يوم تنزلها جنب الكفر اكيد ان نمر هو الي علقها في الباب خلوني افتحها اشوف لايكون حاطلي بصاق الحين والاصرصور كل شي يطلع من الوصخ ذا فتحت الشنطه بحذر وانا اتوقع يطلعلي اي شي يفجعني لاكن الحمد لله الشنطه سليمه بس لحظه وينه عطر شويخه شيخه انتي ماخذه عطرك الي كان بشنطتي شيخه اما عاد ماخذ عطري يحسبه لمضاوي هين يانمير :ايه اكيد هذا اول شي سويته يوم لقيت الشنطه ومن زود الحرص وديته دولابي قبل اجي مضاوي : انتي مرات يطلع عليك بخل مدري كيف هالحين العطر صارله عندي يومين لو ابي اخلصه يمديني خلصته ورميت قارورته بعد تروحين تراكضين وتخبينه في دولابك ليش شيخه هههههههههههههاااااا تصدقين مافكرت فيها ذي انا شفت العطر من هنا واشتغلت كل رادارات القعطنه من هنا |
رد: رواية صيته ظبي النفود بقلم نبض أفكاري
في الشاليه من ارجعو من المول وام صالح جالسه مع نوير في غرفتها تقراء عليها قرآن لحد مانامت ام صالح قامت بدلت ملابسها ورجعت تنام عند نوير الي حالها مايسر ولاحد يعرف وش السبب صالح عجز ينام افكار توديه وتجيبه وقلق غير طبيعي بعد اذان الفجر قامت ام صالح قومت صالح وابوه يصلون وصلت هي ثم ارجعت تصحي نوير نوير قومتني امي من النوم وحسيت جسمي كله مكسر وراسي مصدع تذكرت الي صار البارح وكيف انهرت اكيد امي الحين قلقانه علي رفعت انظري لامي بسرعه شفت وش كثر هي قلقانه وخايفه علي من قلب ابتسمت في وجهها اطمنها : صباح الخير يمه ام صالح : ياصباح النور والسرور وشلونك الحين نوير : الحمد لله يمه بخير ام صالح : قومي صلي وبعدها تعلميني وش صار معك البارح نوير : ابشري يمه ام صالح راحت تسوي لهم فطور البارح نامو من غير عشى بعد الي صار لنوير محد قدر ياكل شي بعد مافطرو وخلصو التفتت ام صالح على نوير ها يمه وش الي صار معك نوير : ابد يمه ماصار شي يوم مشيت يمكم باجيكم سمعت واحد ينادي سعد وتذكرت سعد اخوي ومدري وش صابني من سمعت طاري سعد قمت امشي وراء الولد وخويه كني مهبوله لين وصلو سيارتهم ومشو وانا بقيت مكاني ماقدرت ارجع واصلا ماكنت حاسه بالي يصير حولي كل الجالسين حزنو على حالها وحسو وشكثر هي فاقده اهلها ام صالح : الحمد لله انك رجعتي سالمه لاعاد اشوفك تمشين الحالك هالشباب الي لحقتيهم لوهم خاطفينك محد درى عنك والاقدرتي تدافعين عن نفسك وانتي بذيك الحاله نوير : الحمد لله ربي ستر بس ماكان فيدي شي اصلا الي اسمه سعد ماهو بحول اخوي والايشبهله بس مدري وش صابني من سمعت طاري سعد اختفى كل شي من عيني وماعاد اشوف الاسعد وذكرايات سعد صالح يفكر هالبنت تكسر الخاطر راحت ضحية انانية اب مافكر في مصير بنته ولاحسب احساب لحاجاتها ومشاعرها اه منتس يانوير انا لازم ادور اهلها على الاقل اجيبلها اخبارهم تطمن عليهم شوي |
رد: رواية صيته ظبي النفود بقلم نبض أفكاري
*** الحين عرفت ليه جاي تدور لعيالك خوال على قولتك اثاريك مغرم وعايف كل البنات وجاي تتزوج والسلام بس ليش ماتزوج بنت خاله يمكن خاله ارفضه او يمكن امها بصراحه استبعد تكون هي الي ارفضته لان الانسجام كان واضح بينهم ياترى وش السبب الي منع هالاثنين انهم يتزوجون مصيري اعرف بطريقتي المهم الحين لازم ادق الحديد وهو حامي واخطف العصفوره من يد فهد وأولع في قلبه حريقه على هالفكره شغل المسجل على اغنيه ورفع الصوت وصار يردد الاغنيه بحماس واتجه لقصر ابوه لازم يقابل ابوه فورا وينهي الموضوع معاه |
رد: رواية صيته ظبي النفود بقلم نبض أفكاري
في الشرقيه الشاليه
صالح جالس على الشاطي قريب من الموج ويفكر في حياته انا لازم انهي الموضوع اليوم واعرف راسي من رجلي قام راح لأمه وابوه وكانو جالسين في صالة الشاليه الحالهم ونوير في غرفتها سلم على الجالسين وردو السلام جلس مقابل لهم صالح : يبه يمه انا صراحه تعبت من الوضع الي انا فيه نوير زوجتي وانا ابيها وماني مجبور اعيش عزابي وانا متزوج ابو صالح : اذا من جد تبيها لازم نشاورها قبل صالح : نشاورها وش نشاورها فيه ان شاء الله البنت زوجتي من سنه ونص ام صالح : عاد يوم زوجناك اياها ماشورناها في زواجك منها حنا زوجناك نوير علشان تصير محرم لها ابو صالح : صادقه امك واذا كانت في ذمتك فهذا مايعني انا نستضعفها وندخلك عليها من غير شورها ابو صالح نادى يانوير نوير جت نوير على صوت ابوها وهي لابسه نقابها وعباتها كعادتها في وجود صالح نوير : هلا يبه ابو صالح : صالح يبيك تكونين زوجته وام اعياله وش رايك نوير : يبه صالح شايب وانا توني صغيره مايصلح لي صالح طارت اعيونه فيها وكان بينفجر عليها لولا نظره ناريه من ابوه اجبرته يتصبر ويسكت ام صالح : يامي يانوير هو صحيح انه صالح اكبر منك بس ماعليه احسن لك من هالشباب الطايش الي مايعتمد عليه في شي وبعدين انا مقدر اعيش من غيرك وانتي ان تطلقتي من صالح بتزوجين غيره ويجوز انه يحرمنا منك صالح : شبت داخله حريقه ياناس زوجتي زوجتي ذي وقاعدين يكلمونها عن الزواج من غيري قدامي وكأني اجدار قدامهم اسغفر الله يارب تصبرني لايزل الساني بكلمه اعقهم ابها نوير : لايمه انا من غيرك اموت خلاص اجل انا موافقه بس عندي شروط صالح : اي شروط ان شاء الله لاتنسين انه العقد موقع من سنه ونص نوير : العقد يوم انعقد ماكان بنية زواج حقيقي ابو صالح : اشرطي الي تبين نوير : مهري سبعين الف هذا الشرط الاول صالح : نعم اي مهر انا دافع مهرك من اول ماعقدت عليك نوير : حطيت في يدي شي صالح : اعطيتهم امي ومتاكد مليون بالميه ان امي شرتلك فيه ذهب نوير : امي ماخلت علي قاصر جهزت جناحي باحسن وافخم الاثاث وشرتلي الذهب الي كل الحريم يتمنن زيه الله يخليها لي هي وابوي كل ذا جاني من عند امي اذا هي اخذت من ولدها وعطتني شي مايخصني هذي امي ومن حقي ادلع عليها واطلب منها الي ابي ابو صالح ابتسم : صادقه نوير تبي البنت ادفع مهرها يوم عقدت عليها محد منا سئلها وش تبي مهر صالح حده مقهور بس وش يسوي دام امه وابوه في صفها ماله الايكسب رضاهم لو يدفع الي وراه ودونه صالح : موافق غيره نوير : تدور اهلي قالتها بغصه وسالت دمعتها صالح وابوه وامه انصدمو صالح اهلك اقدر اطلع مكانهم خلال اسبوع بس كيف نتواصل معهم وهم متبرين منك ومهدرين دمك نوير اخنقتها العبره وبدت تبكي وتشاهق حتى ولو مو لازم ادخل بيتهم بشوفهم من بعيد ابي اتطمن عليهم واعرف اخبارهم صالح ناظر في ابوه وامه الي التزمو الصمت وملامح الحزن واضحه عليهم : صار غيره نوير : بس هذا كل شي |
رد: رواية صيته ظبي النفود بقلم نبض أفكاري
الشرقيه بيت ابو نمر شيخه من يوم اخذت قلم نمر من شنطة مضاوي وانا اتحين الفرصه المناسبه علشان اتكلم مع نمر في الموضوع واليوم امي وابوي وحتى عمتي ومضاوي بيروحون يتعشون في بيت عمي الكبير العائله مجتمعه هناك ومن حسن حظي ان ماعلي صلاه اليوم وامي تعرف وش كثر اتعب في هالوقت عشان كذا سمحتلي اجلس في البيت وتكفلت هي باقناع ابوي اني ماحضر اجتماع العائله نمر مازال في البيت وماراح يروح الابعد صلاة العشاء وانا للحين متردده كيف ابتدي معه الموضوع شيخه شيخه هذا هو نمر يناديني الظاهر المواجهه قربت قمت وطلعت لنمر لقيته في الصاله جالس ومتكي على المركى ويتفرج على التلفزيون رحت عنده وجلست على المركى المقابل له علشان اشوف تعابير وجهه عدل نمر : ليش مارحتي معهم شيخه : لاني ابي اتكلم معك في موضوع نمر تعدل في جلسته امري وش موضوعك شيخه طلعت القلم والمنديل الي كنت مخبيتهم في جيب بلوزتي ورفعتهن في وجهه ممكن اعرف وش ذا نمر انصعقت يوم شيخه طلعت اقلمي والمنديل الي كتبته لمضاوي هالحين وش افهم من هالحركه معقوله مضاوي عطتها القلم والمنديل والا هي لقتهم قبل مضاوي حاولت اسيطر على انفعالي وابين انها ماتقدر تحاسبني على شي رديت ببرود : اول شي هاتي الي في يدك شيخه : ماني بجايبه ووالله لو تحاول تخاذه غصب اني لأعلم ابوي وامي وعمتي وفوقهم ام صيته نمر : انتفض بغضب وفز واقف ماعاد يقدر يجلس ويمثل البرود هذي صيته الي طاريها يولع في قلبه حرايق وصرخ على شيخه باعلى صوته : وش دخل صيته في الموضوع شيخه فزت من مكانها هي الثانيه وقربت منه وواجهته بشجاعه : لاتحسبني هبله وماافهم يانمر صحيح ان الالغاز الي دارت بينك انت وصيته في ذاك اليوم حيرتني كثير بس يوم لقيت المنديل الي انت حاطه لمضاوي فهمت كل شي وهذا يعني انك تعاملت مع صيته بنفس الطريقه نمر يحاول يستر على نفسه : ماهو صحيح ومابيني وبين صيته شي شيخه : الا بينكم لاتكذب علي انا اختك ومابيلك الا الخير يومنك تبيها ليش ماجيتني وعلمتني وانا اجيبلك خبرها من غير ماحد يحس ومن غير ماتغلط عليها نمر وهو يغلي غضب وقهر من انكشاف اوراقه قدام اخته : انا ماغلطت عليها انا كنت بتأكد اذا هي تبيني او لا شيخه : انت مجنون والاوش والناس يتأكدون برسايل وقلت الادب نسيت منهي هاذي صيته بنت حمود الي رباها ابوها على العز والطيب وكلن يتمناها تبيها تخون اهلها وتنزل من قدر نفسها وتقبل في واحد يراسلها من ورى اهلها نمر : بقهر هالحين انا صرت انزل قدر الي ترتبط فيني شيخه : نمر اصحى على نفسك افرض محمد ارسلي زي مانت ارسلت لصيته وش موقفك انت نمر قطع المسافه الي بينه وبينها في خطوه وحده ومسكها بنحر بلوزتها ونفضها بعنف اذبحك انتي وياه شيخه : بتهكم هذا انت الي تراسل بنات الناس بتذبحني اجل حمود وش بيسوي فيك محمد وش بيسوي خل ذولا كلهم فهد وش بيسوي اذا عرف ان صديق عمره خان ثقته فيه وطعنه في ظهره نمر اه يالقهر شيخه ذبحتني بكلامها انا مدري كيف مافكرت في ذا كله قبل هالمره بس انا ماكان قصدي الا اني اتجنب المشاكل مع فهد والظاهر اني طحت في مصيبه موب بس مشكله اه يالقهر هالحين تذكرت كلام صيته يوم قلتلها يهون عليك تروحين من غير ماتودعيني وقالت تهون انت والايهون ابوي الي رباني يالله كيف مافهمتها ذيك الحظه من جد هذي بنت حمود هذي بنت الرجال الي تعز الرجال الي من وراها انا اشهد ان خسارتي فيك ياصيته مالها عوض اه من القهر الي اكل قلبي وهد حيلي ارجولي ماعاد تشيلني خلوني اجلس على المركى قبل اطيح من طولي شيخه شفت نمر كيف راح يجلس على المركى بتثاقل وشكله يخوف من الهم الي ظهر عليه عرفت ان نمر ندم على الي سواه قلت ازيد عليه العيار علشان ماعاد يتعودها التفت عليه وكملت كلامي : انت تدري وش سويت انت طيحت نفسك من عين صيته انا كنت اضنها تحب فهد وتبيه بس يوم ارفضته عرفت انها كانت تبيك انت وانت خربت على عمرك بسواتك العمياء نمر توسعت عيونه وانتي شلي يخليك تظنين انها كانت تبيني شيخه : تذكرت مواقف قديمه وسوالف بينا توني ركزت فيها والحين انا متاكده انها كانت تبيك بس بعد الي سمعته منها يوم نمشي من عندهم اغسل يدك منها البنت عافتك من سواياك معها لو انك خاطبها سيده مثل الناس ماتسوي من غير هالخرابيط كان وافقت عليك نمر اه وش الي اسمعه يعني انا الي طيرتها من يدي يعني انا الي خربت على نفسي بنفسي اه يالقهر اه راسي ظرب فيه صداع فضيع وصدري احسه بينشق من القهر حطيت راسي بين ايديني وقمت اصيح من غير شعور اه يالقهر اه اه ياصيته اه منك اه شيخه ياويل حالي نمر انهار وقام يصايح باعلى صوته يارب سترك لايصير في اخوي شي واكون انا السبب رحت عنده وهو جالس على المركى وطحت في حظنه اترجاه تكفى يانمر لاتسوي في نفسك كذا تكفى ياخوي مالنا غير الله ثم انت نمر اه ثم اه ماعاد اقدر اسيطر على نفسي وشيخه زادت همي هم يوم طاحت علي تبكي وتترجاء يارب رحمتك يالله ماحسيت بنفسي الاوانا احظن شيخه وابكي مثل البزران وهي تبكي معي مدري لمتى استمرينا على هالحال لاكن الي اعرفه ان طاقتي انفذت وماعاد فيني حيل لأي شي سمعت اذان العشاء قمت توضيت ورحت اصلي شيخه الحمد لله ان المذن اذن ونمر توضى وراح يصلي اكيد ان الوضوء والصلاه بيهدون نفسيته شوي |
رد: رواية صيته ظبي النفود بقلم نبض أفكاري
قصر ابو رعد المجلس
رعد : ابشرك فهد واهله بكره بيكونون عندك في بيت جدتي يخطبون وعد ابو رعد : ليه انت سميتله وعد رعد : لا بس على اتفاقنا انا وياك ابو رعد : اتفقت معك على انه يجي يخطب وحده من بناتي بس ماقلت اني باعطيه وعد ومن الاخر فهد بزوجه الجازي رعد : يبه انا ماعطيته وجه ورضيت انه يجي يخطب منا الاعلشان اعطيه وعد ابو رعد : البنات بناتي وانا قررت ازوجه الجازي البنت محافظه زيه وصعب نلقى لها عريس من جماعتنا الي كلن يطب ويتخير على كيفه واياني واياك تدخل في هالموضوع رعد ماجاء في بالي ان ابوي بيلعب معي لعبته ويزوجه الجازي والاكان رديته من ساعة ماجاني بس ماعليه يافهد مجبور امشيها علشان اكسب دعم ابوي واخذ بنت خالك صيته : يبه انا يوم رحت لفهد في محله جت عنده بنت اعجبتني وابي اخطبها ابو رعد : نعم بنت شفتها في محل وبتروح تخطبها رعد : يبه هذي تصير بنت خال فهد وكانت جايه تاخذ اخوانها الصغار من عند فهد الي فهمته انهم جايين عند فهد مع السايق من غير مايعلمون اهلهم بصراحه عجبني تعاملها مع اخوانها وطريقة تحاورها معهم وحتى عقابها لهم تخيل رمت البضاعه الي مرتبه على واحد من الرفوف في الارض وخلتهم يرتبونها من جديد وقبل تطلع فهد سألها اذا جايه مع السايق الحالها او الشغاله معها يعني البنت متعوده انها ماتطلع مع السايق الحالها واذا هذا ولد خالها يحاسبها كذا اكيد اخوانها احرص ابو رعد : بنت خال فهد يعني محافظه زيه وشلون بتجيبها لمجتمع منفتح مثل مجتمعنا لاهي والااهلها راح يرضون وبعدين حتى انت كيف بتتزوج وحده محافظه وانت تحظر اجتماعات رجال الاعمال ومناسباتهم ومحتاج تكون زوجتك جنبك في مثل هالمناسبات رعد : يبه انا حاسب لكل شي احسابه تعرف هالمطنوخه ذي ابيها لي انا يعني مراح اخليها تدخل مجتمعنا ابد بخليها ام اعيالي وراعية بيتي ومن البيت لأهلها وبس اما الواجهه الاجتماعيه الي بتحظر معي في كل مكان راح اختارها من بنات العز والدلال شيخه بنت شيخ ابو رعد : ههههههههههه ومن قال ان هالبنت راح ترضى انك تتزوج عليها وبنت الشيوخ بعد وش يحدها تاخذ واحد متزوج رعد : يبه تكفى لاتسكرها في وجهي انت بس همتك معي واقنع اهلها اني ماخذتها الا لاني مابي البنات المتفتحات واني راح ابعدها عن الاختلاط نهائي ابو رعد : مع اني ماني مقتنع لاني سبق وعشت نفس التجربه وشوفت عينك ام الجازي هجت عني واحرمتني من بنتي طول السنين الي راحت بس اذا انت مصر بكيفك من حقك تعيش تجربتك بنفسك رعد قام وقبل جبين ابوه الله لايحرمني منك يالغالي اجل بدخل اوصي خالتي ام يزن تحضر بكره الخطوبه وتظبط الوضع مع اهل البنت لو جاء منهم احد مع فهد يوم خطوبة فهد بماء ان عبد الكريم شخصيه معروفه وله وزنه الاجتماعي حب ابوفهد ياخذ حمود وابو وليد معه كتقدير لمكانة ابو رعد حمود وافق وبياخذ اهله معه اما ابو وليد كان مشغول مع ابو ابراهيم يدورون شقق مفروشه لاهل الجنوب الي تعودو انهم اذا انزلو لرياض ياخذون شقق مفروشه وابو مطلق يجي عند بنته سلمى لانه مايحب ام ابراهيم ولا الجلسه عندها وبكذا اعتذر عن حظور الخطبه رعد جمع جدته وعمته والجازي قبل يجون الناس وعلمهم باسم البنت الي يبيها ونبه عليهم مايجيبون سيرة الحياه المتفتحه الي هم عايشينها اما خالته ام يزن كان له معها ترتيب ثاني وطبعا خواته ماراح يحظرون عشان مايزلون بكلمه كذا والاكذا وتنحاس السالفه كلها ابورعد دخل عند الجازي في غرفتها ياخذ رايها قبل يجونه الناس جلس على السرير وجت الجازي جلست جنبه ابورعد مسح على راس بنته بحنيه ماشاء الله بنتي اليوم عروس الجازي نزلت راسها مستحيه ابورعد ابتسم لها افهم من كذا انك موافقه على فهد الجازي جمعت شجاعتها واسئلت ابوها يبه انت متاكد انه هو واهله ماعندهم اختلاط ابو رعد : اي نعم متاكد بدليل توصيات رعد لكم من اليوم علشان ماتجيبون طاري الاختلاط قدامهم لانه ناوي يخطب بنتهم وفهد رجال والنعم فيه ومانك محصلتن احسن منه والحين ابي اسمع رايك النهائي لان الناس قربو يوصلون الجازي يوم ابوي قالي انه ملتزم دينيا حسيت ان الفرج جاني كنت خايفه يورطوني بواحد من الي ماعندهم غيره ولاحميه سمعت ابوي يستعجل ردي ومدري وشلون تهورت وقلت موافقه يفشلتي من ابوي الحين بيقول البنت ماتستحي ابو رعد اول ماسمع رد بنته قام وطلع للمجلس لان الجرس ظرب ووضاح الخطاب اوصلو رعد استقبل ابوفهد وحمود واعيالهم بترحيب وحفاوه وانبسط يوم شاف زياد وعناد هذا يعني ان الي مع فهد وابوه خاله ابوصيته قلطهم في المجلس الي كان ينطق فخامه واستقبلهم ابو رعد بنفس الحفاوه الي استقبلهم فيها رعد الجده تسكن في فيلا متوسطة الحجم لاكنها شديده الفخامه وسبب تواضع حجم الفيلا بنسبه لمستواهم المادي هو رفض الجده السكن في القصور حتى انها ماكانت راضيه عن حجم هالفيلا وتتمناه اصغر من كذا لان مايسكن معها الابنتها وصايف وطاقم الخدم وهي تحب المكان الملموم وصايف وام يزن استقبلن الحريم بالترحيب ودخلوهن في مجلس واسع وفخم والمهم انه بعيد عن الممرات وطريق المطبخ مماسمح للحريم انهم ياخذون راحتهم وينزلون اعبيهم وانقبتهم صيته كانت لابسه فستان مورد بالوان زاهيه وجميله وحاطه مكياج مبرز جمالها وفي نفس الوقت معطيها مظهر طبيعي كانت هي الوحيده الي لابسه فستان والباقيات بلا استثناء لابسات تنانير اطوال وبلايز انيقه كل وحده بالالوان والموديل الي يناسبها الجازي لابسه تنوره وبلوزه فخمه من اختيار ام يزن الجده لابسه جلابيه ناعمه بعد ماتقهوو الحريم وخلصو خمنت قمراء ان الرجال الحين قيدهم تكلمو في الخطبه فتكلمت هي موجهه كلامها لام عبد الكريم بما انها الكبيره قمراء : يام عبد الكريم حنا جايينكم نخطب بنتكم لولدنا فهد ام عبد الكريم : الله انه يحييكم وعبد الكريم قيده نشد عن ولدكم وماسمعنا عنه الا كل خير والكلمه الاخيره لابوها كانه عطاكم الله يبارك لكم قمراء : ياعساك سالمه وحنا ماجابنا لكم الا طيبكم ام يزن : اذا سمحتن لي ودي اسئل بنتكم صيته سؤال واتمنى انها هي تجاوبني على سؤالي من غير ماحد يتدخل في جوابها غزيل : عادي اسئلي الي تبينه وهذي صيته ماهي محتاجه احد يجاوب عنها صيته استغربت وناضرت ام يزن بابتسامه ام يزن : ياصيته حنا سئلنا عن فهد وامدحوه الناس لنا لاكن في نفس الوقت سمعنا انه خطبك صحيح صيته : اي نعم صحيح ام يزن : اذا انتي بنت عمته رفضتيه وش افسر رفضك ووش السبب الي خلاك ترفضينه انا مقصد اني اتدخل في خصوصياتك بس بعد انتي اكيد تعرفين ولد عمتك اكثر منا وحنا نبي نطمن على بنتنا وهذا من حقنا صيته ابتسمت لام يزن بثقه : اسمعي ياخاله انا اشهد انا ماجيناكم الا بالي نعده شيخٍ علينا رجال قايد ماينقاد الي يحتاجه يلقاه وكاني رفضته رفضي له مايعيبه وانا رديته وانا متأكده ان ماجايني بعده احسن منه ولولا اني رابيتن معه واعده واحدن من اخواني مارفضته ان قبلتوه ياكبر ربحكم وان رديتوه ياكثر روس العرب الي تمناه لبناتها |
الساعة الآن » 02:58 PM.
|
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف