ديوان الامير / بدر بن عبدالمحسن
http://store2.up-00.com/2016-10/1477777166921.jpg بــــــــــــــدر بن عبـــــــد المحسن (( حسايف )) التفت وتوها ... توها ما اختفت ماكساها الليل ... باللون الحزين التفت ... وتعالت صرخته في نظرته صاح ... لكن بالنظر وانكسر .... شوفه عثر حسايف .. تذبل الضحكه وهى بين الشفايف تذبل الفرحه وتضيع ويصبح الكون الوسيع مايكفي خطوتين .. لاكساه الليل بااللون الحزين يوم مدلها يده كانت الرجفه لقا ودعت فيها الشقا وتركت بين الاصابع عطرها وعمرها ... عمرها ماجت على وقت الوعد إلا ذاك اليوم وعمرها .. مابكت .. وماضحكت ماحكت له .. واسكتت مثل ذاك اليوم كانت اجمل من خياله .. كانت انظر كانت اكثر .. من أماني عمره الظامي حنين واختفت .. من كساها الليل باللون الحزين اختفت في الطريق اللي معه كانت تجيه كيف دربٍ جمعه معها .. خذاه ليتها اختارت سواه تزرع الفرقا لياليها .. عليه وحسايف ... حسايف |
يعطيك العافيه على الطرح ..
دام التألق... ودام عطاء نبضك كل الشكر لهذا الإبداع,والتميز لك مني كل التقدير ...!! وبآنتظار روائع جديدك بكل شوق.. ودي وعبق وردي |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg اخر الصفحة يسار في آخر الصفحه يسار خبر صغير .. حادث قطار .. مات أربعة .. مكتوب في السطر الأخير .. باقي التفاصيل .. في الصفحة العشرين .. على الثرى .. وبين الورق .. أجسادهم امقطعة .. الأربعة .. لجل المساحة ماتشيل .. وفي باقي الصفحة صور .. فنان .. وحصان .. و كور .. وابحث عن الخبر الحزين .. في نهاية الصفحه يمين .. حادث قطار .. ماتوا ثلاثة وطفل .. وباختصار .. شديد .. شديد .. كان القطار .. هو الوحيد .. اللي بأسم .. بلا ملا مح .. أو أسامي .. ليه كلنا نموت .. ليه نهمل الجثه .. ونتذكر التابوت .. لأقدامنا صوت .. من يسمعه .. من يسمع الأقدام.. هم مروا من تحت الكلام.. الأربعة .. وصاروا أرقام .. أرقام .. أنا رقم .. اصقه ضرير .. المشكلة .. مثلي كثير .. يجمعنا حب الهاويه .. احلامنا .. انا نصير .. وقاماتنا متساويه .. نركض على ورق الحياه .. لين ننمحي .. المشكله مانستحي .. إنا نمرّ .. ماشافنا انسان .. ولا سمعنا انسان .. اك***ي يالنسيان .. انا رقم .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg انتي اللي وحدك لي كل الحرير اللي في الأرض .. ما يلمس الجلد .. وكل الرخام ..ما تاطى القدم .. والعطر .. ما طال النسم .. حبيبتي ..واغلى الجواهر جيد .. وكثر الذهب ..والغيد .. انتي اللي وحدك لي .. حبيبتي تغار .. والدر في المحار .. والمحار في اليم واليم في الأعصار .. ومابه شعور اقدم .. من لهفة البحار .. ساعة يغيب النور .. وفي الشط .. خيط اقصور .. لبيت ومره صغار .. جفت حروف الما .. وباقي في صدري الملح .. قومي إغسلي سفري .. إن طال بي الترحال .. كل المواني احبال .. تربطني بعيونك .. وشلون أنا اخونك .. وأنتي اللي وحدك لي .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg أوقات ياخذنا الحكي أوقات ياخذنا الحكي .. وننسى بالحكي أوقات .. واوقات .. يا ليت الكلام سكات .. يجرحنا الحكي .. اسهر .. مع حبيبي .. يا قمر الكلام .. لين يغفى حبيبي .. وجروحي تنام .. ابعد عن حروفي .. وعن المي وخوفي .. وابحر في سفينه .. عن بحر الظلام .. وصلنامدينه .. من عطر وغمام انا وين القى كلام .. ما مر ف كلام اوقات .. يا ليت الكلام سكات .. يجرحنا الحكي .. بغني لعيونك .. في حزني وفرحي وبكتب عيونك .. قصيده لجرحي واخلي ابتسامك .. دموعك كلامك قمر هالسوالف في ليل السكوت .. ولو الف نجمه في عيني تموت .. في حزني أحبك .. ويأسي أحبك .. أحبك .. مأقول أوقات |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg تحت المظله مطر معلق بنصف السما لا ينهمر ولا يرتفع وكل ما بغينا نجتمع تحت المصابيح الزرقا يطيح منه رذاذ اما انهمر فرقا و الا تقطع وصل يا ماطر الليل لا تاقف بوسط السما لك هالشوارع انما تكفيك ساعه ساعتين بنشيب وحنّا واقفين تحت المظله ماهو خوف من البلل لكن حنين للمصابيح الزرقا ولليلةٍ سمراء سماها صافيه وموعد لعيونها والله غرفنا دافيه ولها شبابيك وستايرعلى البروق لكن زهقنا بيوتنا واللي يخليك اما انهمر والا ارتفع تمرّ ساعه الا ربع وتو السحاب ما يدري وش يبي أخاف أسأل صاحبي ويقول خلّنا نسري وين نسري بدري بدري على المسرى ورا السحاب قمرا وقمرا ورا الأبواب تبي المطر يرقا وتهطل نجوم وتظهر علي أنا لو علي تحت المصابيح الزرقا قلبي بيحوم مثل الفراش تحت الرشاش والا الصحو لين أشوفك مقبله والله ضلوعي مبلله بالشوق وما ودي احاكي صاحبي ولا أساله بيقول خلنا نسري وين نسري بدري ساعه وربع وحنا واقفين تحت المظله اما أنهمر فرقا والا تقطع وصل يا ماطر الليل لا تاقف بوسط السماء |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg خضار وملح خضار البحر في عينك وملح البحر في اهدابي .. وعيا البحر لا يسكن أبد في صفحة كتابي .. قصيده من خضار .. وملح يا أول .. وأخر احبابي .. انا من شفتها عيونك ترى ما جفت ثيابي .. ولو آخر قصيدي بيت كتبته حب في عيونك .. ولو يحمل همومي بيت سكنت البحر وعيونك .. ويبقى البحر .. وعيونك وينشف في قصيدي البحر .. ويبقى العشب .. وعيونك ويزهر في متون الصخر .. ويبقى الحب .. وعيونك رغم كل الصحاري نهر .. وانا والجرح والفرقا وهذا الحزن بسبابي .. ولو ادري البكا له بيت اسوق فْ دربه ركابي .. ابي لا غابت عيونك ابل بدمعي ثيابي .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg غربة وليل غربه وليل .. وعمر ضايع .. وحب ضايع .. في مركب أماني .. ماله دليل وانت يا اغلي الحياة .. في الحب ناسي .. ليتك تقاسي .. لو قليل .. يا خطوة دمع فوق الخد.. يا جرح .. يا عمري ماله حد .. يا حب كبير .. يا حزن كثير .. يا ليل البعد والتفكير .. حبيبي .. وكل سنا عمري .. وثواني بسمتك كله عذابي وقلت انا صبري .. اداري لوعتي ف ظله وفات العمر تغريبه .. وضمت بسمتك .. غيبه وعشت الحب في ليلي.. وذاب الصبر من ويلي غربه وليل وعمر ضايع .. وحب ضايع .. في مركب أماني ماله دليل وانت يا .. اغلي الحياة .. في الحب ناسي .. ليتك تقاسي .. لو قليل |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg لاتسرق الوقت لاتسرق الوقت من غيرى انا مابى زمن غيرى لاتسرق العمر ياطيرى مدام قلبك لحد غيرى عطنى من ايامك من نهار وباقى العمر للى تبى مابه فرح يامعذبنى وانت لحد غيرى ناظر وعدنا طال للى درا ومن شاف ياقلبك الخواف ياصاحبى الخوف مايطمن الخوف لاتلمس الجوف وانت ايدينك بارده والفرقاه دايم وارده انت وانا فى نفس الطريق بس الخطا متباعده لاتسرق الوقت يا أجمل الوقت تكذب على واكذب عليك والقى الدفا برعشه ايديك نقضى كل العمر كل العمر نحلم بلحظه شارده |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg ناقش الحنا على الكف الحزين ناقش الحنا على الكف الحزين .. ناثرٍ شعره على شمس الجبين والعيون السود ذبح العاشقين انا دخيل الله وانا الجريح والله لا تناظرني بجفا لا لا يا حسين الوصف وش ذنب القلوب .. ما تعرف العطف يالقاسي اللعوب علّ ماجا منك تكفير الذنوب انا دخيل الله وانا الجريح والله لا تناظرني بجفا لا لا زاهيٍ بالورد خدك يافتون والعطر دمي من رماح العيون احترق قلبي مثل عود الدخون انا دخيل الله وانا الجريح والله لا تناظرني بجفا لا لا |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg ((سارة)) من كتب الحب العتاق ، وتاريخ القراق وستاير الدمع الرقاق .. جمعت قلبي غبار ، وقطع فخار .. ومن على المرمر البارد .. ومن ما نسته النار ، من غيمي المحروق .. وحملت عيوني وركبت أول سفينه تبحر .. على وجهي الاصفر ، خريف طال .. وسلال من رذاذ وملح .. وفي صدري حجارة نسيوها بحاره .. مروا علي ف يوم .. وقالوا تعال معنا ، وما كان يجمعنا .. إلا الضياع والريح .. راجع من الايام ، من الاحلام .. ومن الف سناره ، مغروسة بقلبي لقيت لي بشارة ، ما اغلى عطا ربي .. أثر العمر ساره ، وموج البحر ساره .. وكل المدى ساره .. سافرت كل العمر ، وراجع احب سارة .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg أستبد استبد ، استبد احيان استمد كل هذا الظلم من ألمي اتحد من راسي ، لقدمي واضرب بعواصفي وبزلزالي واهّدم الناس ، واهدّم بحالي لين استرد بعض اثيابي من الريح ولحمي من الشوك .. وابتعد ، ابتعد واحيان ما املك العواصف ، ولا الزلزال ولا حتى ،في الهجير ، ظلال لكن استبد ، استبد باللي عندي اضرب بيدي في الهوى ، بجبيني في الصخر لين اتعب ، اتعب ، وانهمد مثل طفل اضناه البكا ، والسهر وانتي آخر ما أعد في عمري واجمل ما أعد اعشقي ظلم الغصون الخضر للحطاب والجلد للأنياب ، والجفن للسكين اعشقي هالظالم المسكين ... واتركيني انصهر في الشمس والا ارتعد في البرد لكن استبد ، واسترد اثيابي من الريح ولحمي من الشوك وابتعد .. ابتعد |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg أول الناس اول الناس انتي .. وكلهم .. وآخر اللي عيوني .. تملهم .. لو تحبيني .. هذا يكفيني .. اسكني عيني .. ونامي .. انتي يانوري .. وظلامي .. ياقمرهم .. كلهم .. أعدل الناس .. وازينهم خجل .. واغلى من الناس .. في وقت الزعل .. واجمل اللي حصل لي .. وماحصل .. لو تحبيني .. هذا يكفيني .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg تغريد ياللي خذا شعره من الطير تغرد ومن مدلهم الغيث صافيه لا جاد ومن كل روضٍ عله السيل ترديد ريح الزهر ومداعب الريح الأفناد ومن كل صبحٍ بدد الليل تبديد دفا الشعاع وفرحة النور لاباد جاني قصيدك مثل عقدٍ على جيد الجادل اللي كلها زين وعناد ما هي من اللي يدلهون المواعيد حشا ولا هي في الهوي صيد من صاد وتلفتت روحي لحسنا من الغيد واشتب في قلبي من الشوق وقاد ولمست قلبي لين كله تجاعيد شاب الهوى يا ليت ما فات ميعاد يا بو حمد ما عادلي في الهوى سيد وغيره فلا والله ما نقبل اسياد وين الذي وصله على العين تسهيد ( ولا ودي اقطع درب لاماك برقاد ) يابوحمد وين وصلتنا التناهيد ضاع العمر ما بين قرطاس وامداد وانا احسب الشعر صعب المواريد ماهو غديرٍ ينضحه كل قصاد يوم امتلا هالجو حشو ومفاريد راع الجمل معذور لو كسر إشداد |
رد: ديوان الامير / بدر بن عبدالمحسن
http://www.sham-alro7.com/vb/sehamr1...t-top-left.gif اقتباس: http://www.sham-alro7.com/vb/sehamr1...-top-right.gif
http://www.sham-alro7.com/vb/sehamr1...ot-by-left.gif المشاركة الأصلية كتبت بواسطة سهام الروح http://www.sham-alro7.com/vb/sehamr1...s/viewpost.gif http://www.sham-alro7.com/vb/sehamr1...t-by-right.gif http://www.sham-alro7.com/vb/sehamr1...p-right-10.gif يعطيك العافيه على الطرح .. دام التألق... ودام عطاء نبضك كل الشكر لهذا الإبداع,والتميز لك مني كل التقدير ...!! وبآنتظار روائع جديدك بكل شوق.. ودي وعبق وردي http://www.sham-alro7.com/vb/sehamr1...t-bot-left.gif http://www.sham-alro7.com/vb/sehamr1...-bot-right.gif مشكوره على المرورhttp://store2.up-00.com/2016-10/1477778309071.gif |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg خطأ تبخل وانا كلي عطا تبخل .. وأنا كلي عطا .. خطأ .. ضاعت على الدرب الخطى .. خطأ ابتدينا .. وان نهيناها .. خطا !! تزرع طريقي .. بالألم.. يا خوفي .. لا توطاه القدم .. تجرح ظلايل.. فيتك .. وتدمي ..أماني جيتك .. لو فرحت.. بجيتك !! بعد الظما.. وبعد الهجير .. تخفي حنانك .. بالضمير .. لو ما جنت .. عينك علي بنظرةٍٍ .. لو ما جنت ولو ما رضيت .. تحدني .. روح الشقاوي .. ما عنت .. واستهونت درب الهوى .. ولو ما غدى جرحي دوا .. ليته غدا.. عودتني منك الحنان .. عودتني وطال النوى وجار الزمان .. صبرتني .. وإثر الهوى .. مثلك غريب .. ماله .. على نفسه حبيب . |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg قالو حروفي عمي وعيونك بروق قالوا حروفي عمي وعيونك بروق مافي قصيدي جنح ليلٍ وبارق قلت الذي له داخل ضلوعي حروق أقرب من اللي في سما الناس شارق غيري يشوفك وأجود الشعر مطروق وأنا أحسّك وأصدق الحب فارق ياللي عيونك دم وعيونك عروق ولهاث قلبٍ في نواعسك غارق أقول أحبك يخرج البحر صندوق تبرالغزاة وكنز سود البيارق وأقول أحبك صدرالايام مشقوق عن وجه غرناطه وعن مهر طارق وأقول أحبك والله إني من الشوق ألقا طيوفك في جميع المفارق كتبت لك قلبٍ من القلب مسروق ولا طاب لي وصفٍ من الوصف سارق |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg لاتشد القيد لا تشد القيد ... تجرح يدي ... أو تجرح القيد ... قيدك غدى يوجع يدي ... سجني أنا انت ... وسجنك أنا ... والحب ... الحب عبدي وسيدي ... لا ... لا تشد القيد ... دمي ... جرى ... دمك ... همي إني اشوفك في يدي ... وإلاّ يدي همّك ... في معصمي صرت ... إنت السجين في معصمي ... وكانك تصبرت ... أنا مقوى الصبر ... دمعي في عيني ... وصرختي تملا فمي ... سجني وسجاني ... أحزانك احزاني ... وشلون ابنساك ... وشلون تنساني ... محبوس في عيونك دمع ... وزنزانتي ... تقطيبة الحاجب ... وحاول توارى في الجفا ... يا وجهه الصاحب ... بتشوف نفسك في يدي ... قيدٍ رقيق ... قيدٍ سلب حريتي ... ليته طليق ... يا صاحبي ... ما به ابد قيدٍ طليق ... لا ... لا توجع يدي ... سجني انا انت ... وسجنك انا ... والحب ... الحب عبدي وسيدي ... |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg ** أبعتذر ** ابعتذر.. عن كل شئ الا الهوى .. ماللهوى عندي عذر أبعتذر.. عن كل شئ الا الجراح.. ما للجراح الا الصبر ان ضايقك اني على بابك أمر في ليلة ألم.. و اني على دربك مشيت عمري و أنا قلبي القدم أبعتذر.. أبعتذر.. كلي ندم عن كل شئ.. الا الهوى ما للهوى عندي عذر اتصدقي.. ما اخترت انا احبك ما احد يحب اللي يبي سكنتي جروحي غصب يا حبي المر.. العذب ليت الهوى و انتي.. كذب كان اعتذر لك عن هواي و ما اقول انا .. كوني معاي ان ضايقك اني على بابك أمر ليلة ألم واني على دربك مشيت عمري و انا قلبي القدم ابعتذر.. ابعتذر.. كلي ندم عن كل شئ .. الا الهوى ما للهوى عندي عذر |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg اه يالجراح لا جيت أنا بسامحك .. تبكي الجراح ما ودها .. مشتاق ودي أصافحك .. عيت يدي لا مدها ... أه يالجراح راح اللي راح .. وراحتي ، من يا ترى بيردها .. يا حب ، ياذ كرى واسم .. مدري انا ابكي عليك من العذاب اوابتسم .. صدقني في يأسي .. نفسي تبي نفسي تبيك .. لا يا دفا شمسي تبيك .. ليه خنتني ، الله عليك .. آه يا الجراح ، راح اللي راح .. وراحتي ، من يا ترى بيردها .. لا تحاكي عيوني .. يمطر سحاب الملح .. ولا تلمس أشجوني .. ينبت في قلبي جرح .. ناظرني يا خلي ، جرح انا كلي .. وشلون أبرضى الصلح .. فصل الخريف حبي ، حزن وورق أصفر .. ودعني يا قلبي ، وخل العذاب أقصر .. آه يا الجراح ، راح اللي راح .. وراحتي ، من يا ترى بيردها .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg باقي فرح اللحظه اللّي مقبله .. بدري على ... اللحظه اللّي مقبلة ... بالهون يا مستعجلة ... باقي فرح ... لو ما تسرعتي على شمس المغيب ... وقفت ثواني ما اغربت ... وساعة وداعك ما اقربت ... لو ما اختصرتي من السما ... شبر إنتظار ... طال النهار .... ابسألك ... حنا نعيش اللحظه والا نعدها ... نركض على سطور الزمن ... ونقرا من كتاب الزمن ... صفحه ... عشان الصفحة اللي بعدها ... أجمل من نجوم السما ... إني أنا وانتي ... انتساءل ... يا ترى ... يا ترى وش بعدها ... |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg ثلاث جدران المنزل ثلاث جدران ورابع ما بينهم ضايع متشقق وعاري ويميزه شباك ضيق مصبوغ بالأحمر الناري ومحاصرٍ باسلاك علقت بها وردة أوراقها المنزل والبرعم الأفلاك *** وعلى الجدار الثاني وأمثال وأغاني مكتوبة بكسرة فحم وصندوق خشب مزخرف بغير الذهب غير الجواهر تحت الكتابه نافر فوقه ظلالٍ عريق مثل العنيد من الجروح مثل السيوف اللي مقابضها حديد أسرار من ماتوا بعيد وما خلفوا حتى الورق *** أما الثالث من الجدران معلقٍ عليه صورة لإنسان من دفتر نفوس مكبره مدري جفونه مبخره ولال تجاعيد خيوط دخان وفي الركن كرسي خيزران يجلس عليها الوقت وجريدة ٍ عنوانها باهت تغفى على الإسمنت وفوقها كوب فارغ وفتات خبز وأصابع ٍ للجوع صفرا مكسره *** ويبقى الجدار الأول وهو أعرض الجدران وأكثرها وقار وهو الوحيد اللي انبنا ف نور النهار بوابته على الطريق الرملي صَفت أحجار درجها بصبر وش كنها ؟؟ سنونٍ صفر في فمٍ مذهول وظلما تشدك للدخول تشدك وكل ما مسكت اكرة الباب النحاس بيدك تلطخت بدم ٍ طري الجرح نزفٍ يحتري أما الطعون وين الطعون راحت *** البيت ثلاث جدران ورابع مالهم طابع يجمعهم يشبهون أهلهم وما صادفوا غير الحياة |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg رشاش رشاش ... يتساقط على قلب .. هذا عصفورك ... وباقي الصدر اعشاش .. ابتل هالعصفور .. ريشه غدا اثقل وان مرو الاوباش .. أو مرو الاجمل صادوه وما اسهل ... من صيد عصفورك طير.. وعليه رشاش .. وبردٍ على الاحراش .. وفوق الغصن طيرك .. يشكي من الامطار .. مري علي مشوار .. لو جاء احد غيرك .. دفاه بالاخبار .. ولف الجروح ... بشاش غشاش .. غشاش وباشعل الغيره في قلبك البارد .. ماقوى اخونك ماقوى اخونك .. ماش انا قلبي عصفورك وباقي الصدر ..اعشاش |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg كل عام وجرحي بخير ومرت سنه .. على فراقك على صوتك .. واشواقك غريب كيف االزمن يرحل واحلام العمر .. تذبل .. سنه مرت .. وانا أول .. حبيبٍ يوقد الشمعه لجرحه في يوم ميلاده هلا .. بالحب .. واعياده وكل عامٍ .. وجرحي بخير مشيت دروبنا .. خطاوي قلوبنا ومريت الوعد .. وعدنا العام ماكان الوعد .. ولا الأيام .. هي الايام وما ادري ليه هالشارع .. نسوه الناس ومتى هالمقعد الخالي .. يجوه الناس حبيبي .. ليه ف غيابك .. يغيبوا الناس حبيبي .. ايه والله حبيبي .. ايه والله نساني العمر.. لو انساه نساني الفرح .. لو انساه احبه .. ما ظهر نجم .. ونبت عشب .. وسرى براق أحبه .. لا زمن يشقي جروحي .. لا جفا .. وفراق أنا هذا الهوى كله .. وقلبي آخر العشاق .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg من عيوني ياحبيبي من عيوني يا حبيبي من عيوني اطلب والبي لك من عيوني اتبسم انا اجيلك واشعل في قناديلك اماني العمر ونزرع شوق ونجني حب من عيوني اطلب والبي لك من عيوني .. اجيب الليل اجيبه من عيوني .. قبل ميعاده .. من عيوني .. انا والشوق وطيفك نرسم ابعاده بس انا جاوزت حدي في هواك مدري حتى وش ابدي في رضاك واشعل في قناديلك اماني العمر ونزرع شوق ونجني حب من عيوني اطلب والبي لك لو بيدي .. القى مفتاح السعاده كل لحظة .. كنت حبيتك زيادة .. بس انا جاوزت حدي في هواك مدري حتى وش ابدي في رضاك واشعل في قناديلك اماني العمر ونزرع شوق ونجني حب من عيوني اطلب والبي لك |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg أحبابك سروا مابه احد غيري يابنت احبابك سروا لاتسأليني تغيروا يمكن نسوا او مادروا ياحلوتي ضاع الوعد وباكر بعد مري على دروب الجراح وتلقين احد غيري بالله لاتبكين عندي والى رحتي سوى اللي تبين مالك عزى ف قلبي الحزين محتار انا اسكت ومدري ايش اقول لاني سبب جرحك ولاعندي الحلول لكن ابوصيك بصبر لابد للغايب عذر وياحلوتي ضاع الوعد وباكر بعد . مري على دروب الجراح وتلقين احد غيري غطي سنا خدك بشال الليل وغيبي ياشمس اللي ضيها لغيري اه لو تعرفي وش كثر انا احبك لو كنتي تدري بي ياعيونها السود مابه احد موجود غيري انا الموعود جرحي وتعذيبي ياحلوتي ضاع الوعد وباكر بعد . مري على دروب الجراح وتلقين احد غيري . |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg الأربعين ادري ان الوقت يذهب ما يعود اربعينٍ فارقتني يالعنود ماطر الايام من غيم الزمان ما يبل الريق لو مهما يجود كم شربته صافيٍ بارد قراح ما دريت ان الظما سر الوجود كل شمسٍ تلمس اشجار العمر تحرق الاوراق وتجف الفنود وكل ريحٍ تدفع شراع العمر ينقطع به حبل ويميل العمود اربعين مرت وتوني صغير انتظر لعل تصدق لي الوعود والغريب اني على هذا مغبوط ادري اني بخير لا شفت الحسود الزمن يا بنيتي كله زوال ما تخلد كود لحظات السجود |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg اوراق الزمن ادفن يدي .. تحت الثرى .. واسقيها من جفني ارق .. يذبل مابين اصابعي .. عشب و ورق .. ادفن يدي .. فوق الثرى .. يلفها برد وسموم .. واحس بعروقي يبست .. ما توصل عروقي الثرى .. ولا تشرب عروقي النجوم وينبت على جفني سهاد .. يذبل ورا صدري الشجن .. اشقق اوراق الزمن .. وانام .. في حلقي الليله جفاف .. شربت أيامي .. ومضت .. واللي بقى جرحي الوفي .. في خاطري باب يرد .. وسراج دوبه ينطفي .. اغطي الظلمه بظلام .. كل ما اشد اصابعي .. على العيون المتعبه .. جرحٍ ينام .. وجرحٍ شعر بي وانتبه .. قام وتبعني لشرفة ظلمه بعيد .. جاني يقاسمني السهاد .. جاني قصيد .. ادفن يدي تحت الثرى .. فوق الثرى .. واعيش انا بباقي يدي .. نصفٍ يموت .. ونصفٍ درى انه يموت .. يا سيدي .. ربي انا نقطه ف بحر .. علمني كيف اهوى الحياه .. علمني كيف اهوى القدر .. علمني بإماني اكون .. يارب .. اكثر من بشر .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg بيض الردون بيض الردون يبني السراب خيامها وسط الخلا واقدامها تنبت عشب وتمطر غمام لامن لمحت اثارها يطري علي عشق الخلا وقصيدةٍ لبن غيام في حومة العقبان في الازرق ، الازرق شمس الضحى جمره شفت الندى يعرق في وجنة النوار بدخل تحت سدره وما سحت الاغصان من ظلها البارد على الثرى الممطور واطلق عيوني طيور وانا على المشراف ومن حاجر به شيح جول الحباري طار ريشه يخض الريح خض البحر مجداف وين انت يالصقار جول الحباري طار بيض الردون طيري برقة جناحك لي وحتوفك لغيري |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg عتيم الليل عتيم الليل ... قمرنا من زمان والله ... فقد نوره ... عتيم الليل ...احس النظره تتكسر ... على سوره .. سهرنا ... في عتيم الليل ... حزين الهمس ... قدرنا ... ننتظر باكر ... شعاع الشمس ... تعالي ... طالت الغيبه ... وانا مشتاق ... انا مشتاق ... انا الاشواق ... انا العشاق ... تعالي من جسور الليل ... تعالي ضي ... تعالي في هجير العمر .. حنان وفي .. وربي ... طالت الغيبه حنون الليل ... وصوتك همسة التحنان .. حنون الليل .. بيروي بالامل عطشان ... حنون الليل .. وانت بتسمعي صمتي ... تحسي بي ... تقاسي فيّ تعذيبي ... تشديني من الامواج ... ترسّيني على مينا ... وصوتك في ليالينا ... أبد ساري ... حنون الليل ... وانت الريح والساري ... تعالي ... طالت الغيبه وربي طالت الغيبه .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg المسافر لا تلوح للمسافر .. المسافر راح .. ولا تنادي للمسافر المسافر راح .. يا ضياع أصواتنا .. في المدى والريح القطار وفاتنا .. والمسافر راح .. يالله يا قلبي تعبنا من الوقوف .. ما بقى بالليل نجمة ولا طيوف .. ذبلت أنوار الشوارع .. وإنطفى ضيّ الحروف يالله يا قلبي سرينا .. ضاقت الدنيا علينا القطار وفاتنا .. والمسافر راح .. مادري باكر هالمدينة وشتكون .. النهار والورد الأصفر والغصون .. هذا وجهك يالمسافر لما كانت لي عيون .. وينها عيوني حبيبي .. سافرت مثلك حبيبي .. القطار وفاتنا .. والمسافر راح .. |
رد: ديوان الامير / بدر بن عبدالمحسن
http://store2.up-00.com/2016-10/1477777166921.jpg موت وميلاد في عيني تغيب الشمس وتشرق في عيني في ناظري للشمس موت وميلاد لليل في دمعي سنا نجمتين وللصبح في جفني شفق هم وسهاد كن السهر درب عليه اب تجين ولا ودي أقطع درب لاماك برقاد ياللي جميع الناس بينك وبيني وكل لحظة أنا نتظر منك ميعاد عذري لياسي منك إنك تبيني خنت الرجا وان صنت لي عهد ووداد ولمصافحك ربي خلق لي يميني أمدها لك وصل وأمدها بعاد البسمتك ترخص غوالي سنيني جرحي يهون ووجايرالشوق يزداد أنسى عذاب العمر و ما أنسى حنيني تبلى ليالي العمر وجروحك جداد |
رد: ديوان الامير / بدر بن عبدالمحسن
اهنيك ع الطرح الرائع
ابداع في الطرح وروعة في الانتقاء وجهد تشكر عليه دمت بروعة طرحك أكاليل الزهر انثرها بمتصفحك http://sham-alro7.net/uploads/1433944172391.gif |
رد: ديوان الامير / بدر بن عبدالمحسن
|
رد: ديوان الامير / بدر بن عبدالمحسن
لآجَديِد غٌير التَآلقْ بآلطرْحَ
وآنتَقآءْ الأفضًل دوٌماً آشكَر ذآئْقتك اللتِي طآلمَا أمتعَتتنْآ بآعَذبْ الطرح وأرْقهُ لا’حرْمنَآ الله هكْذا جًمآلْ |
رد: ديوان الامير / بدر بن عبدالمحسن
.
دَام عَطَائِكْ.. يَآطُهرْ.. وَلَا حَرَّمْنَا أَنْتَقَائِكْ الْمُمَيِّز وَالْمُخْتَلِف دَائِمَا حَفِظَك الْلَّه مِن كُل مَكْرُوْه .. * تَحِيّه مُعَطَّرَه بِالْمِسْك.., , |
رد: ديوان الامير / بدر بن عبدالمحسن
راق لي ماراق لك
انتقاء راقي ومميز كما عهدناك بمواضيعك دائما مودتي كنت هنا سكون الليل |
رد: ديوان الامير / بدر بن عبدالمحسن
منور الصفحة سكون الليل
|
رد: ديوان الامير / بدر بن عبدالمحسن
http://dl2.glitter-graphics.net/pub/...bw6blkw4gz.gifhttp://dl2.glitter-graphics.net/pub/...bw6blkw4gz.gif
طرح غاية بالجمال يعطيك الله ألف عافية وسلمت الأنـآمل المتألقة على روعه ماسطر به قلمك وأنـتـقائك الـرأقــي والمتميز بإنتظار روائعك القادمة بكل شوق وتقبلـ/ـي ودي مع خالص التقدير والأحترام http://dl2.glitter-graphics.net/pub/...bw6blkw4gz.gifhttp://dl2.glitter-graphics.net/pub/...bw6blkw4gz.gif |
رد: ديوان الامير / بدر بن عبدالمحسن
على الوسادة شرايد نوم
مما ترك خلي الجافي لعل تالي سهرك اليوم ياعين والي مضى كافي هاجرت هم وطويت سقوم ودخلت في المٌخدع الدافي وساعه غفى جفني المحروم رميت حملي على أطرافي أنا أحترق يالله المقسوم وأطفي النار بلحافي يازين للعاشقين سلوم غاديك تحكم بالإنصافي هو ينعدل لمن شكى مظلوم أو يشكي السقم متعافي لا شفت جرح علية هدوم هذا أنا البيّن الخافي كلمات الأمير /بدر بن عبدالمحسن |
الساعة الآن » 02:40 PM.
|
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف