صفحة 3 من 18 < 1 2 3 4 5 13 > Last » عرض 40 مشاركات من هذا الموضوع لكل صفحة

فارس الشهباء 09-20-2015 10:28 AM رد: رواية رماني وقال ما ابيها   هنآدي : يايمه داخ رأسي وأنتي تقوولين لي السالفه أم سلطان : أنا متأكده أنها جايه تتسمع لنا هنآدي : أنا بطلع أخذ شاور أحسن لي أم سلطان : إيه رووحي وخليني لحالي أحترق من القهر هنآدي : يايمه الله يهداك مالي داعي تكبير السآلفه أم سلطان : كل هذا وماله داعي أكبر السالفه هنادي صعدت لجناحها وهي تاركها أمها تأكل بنفسها من القهر عند منال منال وهي جالسه تتابع التلفزيوون أم منال كانت بغرفتها : منال يامنال منال : اووووف لحظه يمه راحت عند أمها : ها يمه وش تبين أم منال : وش فيتس تكلمي زي النآس منال : حاضر يايمه وش تبين أم منال : أبي منتس فلووس منال : وليه أم منال : أنا أمتس المفروض ماتسأليني هالأسئله طلعت منال من جيبها 200 ريال ومدتها لأمها أم منال : بس هذي منال : يايمه الله يهديك أنا وراي شغل ومصاريف << إيه هين وطلعت من غرفة أمها مامداها تجلس على التلفزيون ألا دق جوالها منال بدون نفس : خير راكان : افا نستك الفلوس اللي بينا منال : مو قلت لك لا تدق علي أنا بتصل عليك راكان : تعالي لبيتي وبلاش كثرت حكي منال : ماأقدر الجامعه ماباقي عليها شي ولازم هاليومين أنزل لسووق راكان : متى يعني منال : أصبر علي كم يووم وأنا بنفسي بتصل عليك وصكرت الخط بوجهه راكان وهو يطالع جواله بعد ماصكرت الخط منال : الله يأخذك عزام : وش فيك ؟؟ راكان : هالعله منالوه أدق عليها مره ماترد ومره تعطي مشغوول ومره تقفله وآخر شي تصكر الخط بوجهي عزام : تستاهل راكان : أنا عزام : إيه البنت وراها زباين غيرك عند نواف وعبدالله لحالهم بجناح نواف نواف : إنت تتكلم جد ولا قاعد تستهبل عبدالله : باأخي والله ماأكذب كم مره يعني بحلف لك نواف : أحس سالفه ماتدخل العقل عبدالله : إذا كنت مو مصدق أتصل على فهد وهو يخبرك كل شي نواف : طيب البنت وينها الحين عبدالله : أتوقع راحت اليوم لبيت عمي أبو فهد دخلت عليهم دانا فجأه : نواف بابا جاء تحت رووح سلم عليه قام عبدالله وقرب لها وعفس شعرها : مره ثانيه إذا بتدخلين طقي الباب زين ولا لا دانا : نواف شوفه خرب شعري نواف : هههههه خلها يابن الحلال يالله أنا بنزل لأبوي تحت عبدالله : ترى هاذي بدت تتدلع من يوم جيت نواف قرب لدانا وحط يده على كتفها : خلها تدلع علي عبدالله : افا يعني ضاع كرتنا يادندوون دانا : إيه ههههههه عبدالله : إيه هين نواف : يووه أنا تأخرت على أبووي وأنتم تسولفوون فوق رأسي نزل نواف لأوه ولحقووه دانا وعبدالله وهم يتهاوشون بمزح دخل نواف لصاله وأبووه أنصدم وقام من الكنبه أبو نواف : نواف ؟؟ جاء له نواف وباس راسه وباس يده نواف : هلا فيك يالغالي أبو نواف : هلا هلا بولدي جلس وجلس معاه أبووه أبو نواف : وشلوونك و أنا وأبووك ومتى وصلت نواف : أنا تمام ,, مالي ألا تقريبا ساعتين واصل أم نواف : شوف ياأبو نواف مدام نواف جاء بزوجه الجميع : ههههههههههه أم نواف : الحين أنا ودي أفرح بولدي ليه تضحكوون نواف : حرام عليك يايمه ماصار لي أربع وعشرين ساعه عندكم عبدالله : نواف أمي أستلمتك من هالحين خخخخخ دانا : إيه نواف تكفى تزووج نواف : اهاا شكلكم متفقين علي (و طالع لأبووه ) : وأنت يبه أبو نواف : والله ياأبووك أنا ماعندي مانع الشوور شورك أم نواف : يايمه لا تحرمني هالفرحه نواف عشان يفرح أمه : بفكر أم نواف : أستعجل وأنا أمك عندي لك عروووس تقول للقمر قم بقعد مكانك نواف : إن شاء الله يمه أنا بطلع لجناحي أرتاح من يوم جيت وأنا ماغفت لي عين أم نواف : نووم العوافي وأنا أمك نواف : يعافيك صعد نواف لجناحه بينااااااام بعد إرهآق السفر عبدالله بنفسه أمي بتزووج نواف ماشاء الله عليك يانواف آآآهـ بس وأنا متى يجي اليووم اللي أشوف يدي بيدهآ أحاول أخفي احساسي ولكن بالعشق مفضوح!!! تشوف الفرحة في عيني وأحبك بالعقل والروح... أحبك حب ما أقدر أعاند فيه احساسي!!! لقيت الحب شي أكبر من اني اخذ انفاسي... وعمري ما ابتدى قلبك وعيدي في الهوى عيدك... معاك الدنيا شي ثاني .. معاك الدنيا ذي أحلى!!! ومهما كانت الدنيا معاك أحلى وأكيد أحلى... تخيل دنيا من غيرك أو لحظة من غيرك!!! أنا ما أشوف في الدنيا وفي قلبي أحد غيرك عند غلا ورؤى رؤى كانت تكلم سمر : بطلع لسووق معاك بكرا ترى ماباقي شي للجامعه ولازم نتقضى لها سمر : اووكي بس مو بكرا رؤى : ليه ؟؟ سمر : مالي خلق وبعدين بنأخذ دانا وخزامى معانا وأكيد بكرا مو رايحين خزامى تقووله رؤى : اووكي بس هالأسبووع نرووح وكملوا سواليفهم بالجووال وغلا تتطالع رؤى وهي تكلم صار لهآ أكثر من نص ساعه والجوال بيدها طفشت وهي بجناح رؤى بعد ماصكرت رؤى من الجوال ألتفت لغلا رؤى : آآووه نسيتك آسفه ياقلبي غلا : لا عادي رؤى : اللي أكلمها سمر بنت عموو هالأسبووع متفقين نزل للسووق وأبغاك تروحين معانا غلا : لا ماله داعي رؤى : وشو ماله داعي ألا على فكره سمووره مبسوطه إنك معانا غلا : ماأبي أرووح تعبانه رؤى عذرتها يكفي إن البنت تعبانه رؤى : طيب أمشي ننزل الحين بيحطوون الغدا غلا : ماأبي رؤى : أنتي كل شي ماأبي غلا أسكتت وهي مالها خلق لشي رؤى : غلو لا يكون زعلتي غلا هزت رأسها بلا رؤى : امممم طيـ.. قاطعها صوت الباب رؤى : أدخل دخلت الشغاله : مدام رؤى بابا كبير يبقى مدام غلا رؤى : جدي يبي غلا ألتفت غلا بسرعه : أنا رؤى : الشغاله تقوول كذا غلا : لالا رؤى : وش فيك جدي هو جدك ويالله بنزل معآك غلآ : بس أنــ قاطعتها رؤى وهي تمسكها بيدها : أمشي بس نزلت تحت رؤى ومعاها غلا أم فهد وهي تطالع غلا : على وين ؟؟ رؤى : ماما جدي يبي غلا أم فهد سكتت وهي تطالع غلا بنظرات غريبه خلتها تستفز غلا غلا بنفسها هذي وش فيها علي كأني ذابحه أبووها قاطع أفكارها صوت رؤى : يالله يمكن جدي يبينا بشي ضروري مشت معاها غلا للمجلس ودخلوا وكان أبو محمد موجود فيه غلا كانت منزله راسها رؤى : جدي هذي غلا أبو محمد أبتسم على لقافة رؤى : أنتي وش تبين ؟؟ رؤى : امممم ماأدري أبو محمد : روحي لغرفتك يالله رؤى بطفش : طيب وصعدت لغرفتها وتركت غلا خلفها أبو محمد : غلا وأنا أبووك تعالي جنبي غلا منزله راسها ومو راضيه تتكلم تحس إنه رجآل غريب عنها أبو محمد : أنا أدري باللي فيك تعالي وأنا أبووك جنبي أستسلمت غلا وراحت عند أبو محمد وجلست بالكنبه اللي بجنبه أبو محمد : وشلوونك ؟؟ غلا : تمام أبو محمد : عظم الله أجرك بجدتك غلا بحزن : أجرنا وأجرك أبو محمد : غلا يابنتي أنا جدك أبو محمد أخو سلمان جدك غلا طالعت فيه وهي ساكته أبو محمد : أنا مثل أبوك طيب آي شي تحتاجينه قولي لي تكلم أبو محمد مع غلا كلام كثيير وغلا عرفت من كلامه أنه حنون وطيب ومتواضع وصفاته نفس صفات جدها عند خلود وفارس فارس : بتأكلين ولا شلوون خلود بقهر : أنت مو تقوول إني سمنت فارس : ياحبيبي كنت أمــزح خلود : إيه بس رحت وقست بالميزان وطلعت سمنانه كيلوين فارس : أنا عاجبني خلود : وأنا مو عاجبني مسك فارس الملعقه وفيها رز ومدها لخلود : حبيبي يالله أفتحي فمك وأكلي هاللقمه مني عشاني خلود : اممم ودي بس ماأقدر فارس : يالله عشان خاطري أكلت من الملعقه شووي ورجعتها لفارس فارس : كملي خلود : مو مشتهيه فارس : آآآهـ بس اووكي على راحتك خلود : فارس غلا ماجت للبيت؟؟ فارس : ألا جايه من الصبح خلود : الله يهديك كان قلت لي فارس : ليه وش تبين فيها خلود : فارس البنت تعبانه وبروح أشوفها وأكيد أنها مو مرتاحه بالبيت فارس : خلاص رووحي بس أنا بنام الحين قوميني بعد ساعتين اووكي خلود : من عيووني و نزلت خلوود تحت عند أبو محمد وغلا أبو محمد : خلاص وأنا أبووك غلا : خلاص ياعمي أبو محمد : أنا وش قلت ماقلت لك لا تناديني ألا يبه غلا بتردد : طيب يايبــه أبو محمد : إيه هذي بنتي أبتسمت على حنانه اللي غمرها بعد مافقدت جدها من 7 سنين لقت لها الحنان اللي تبحث عنه أبو محمد : يالله أنا بمشي الحين تبين شي يابنتي غلا : سلآمتك أبو محمد وهو يطلع من المجلس : الله يسلمك طلعت غلا من المجلس وراه رؤى طلعت لها فجأه وهي جايه تركض : وش يبي منك جدي ؟؟ غلا : يمه خوفتيني رؤى بلقافه : قووولي وش يبي منك جدي غلا : طيب ( وحكت لها كل شي ) عند ريم وعآدل ريم : مو رايح للشركه عالد : لا حبيبي بجلس عندك ريم : عادل بطلب منك طلب عادل : أمريني ريم : أنا أبي نسكن أنا وياك ببيت بروحنا عادل : يعني نطلع من بيت أهلي ريم بتردد : إيه عادل : ريوومه حتى لو أنا وافقت أهلي مو موافقين ريم : طيب بس عادل أنـ .. قاطعها : أدري إنك مو مرتآحه في بيت أهلي ريم : بصراحه إيه عادل : ريوومتي تحملي عشآن خاطري سكتت ريم وهي أصلاً ماتدري وش تقوول بعد كلآم عادل لأن خاطره يسوى عندها مليوون خاطر خاطرك عنّدي ترى مو مثل غيرك خاطرك يسوى ترى مليون خاطر..~ في جناح رؤى جالسه بغرفة نوم رؤى وطفشت من هالقعده رؤى مخليتها بالغرفه وعند أمها بصاله الجنااااح غلا : اووف لمتى بظل كذا وهذا هو أول يووم أجل بعده الله يستر نزلت دموعها على ذكرى أمها طلعت سلسال أمها وبدت بسرحانها في صالة جناح رؤى أم فهد : أنتي ماتفهمين رؤى : يمه بصراحه مالقيت سبب لكرهك لهالضعيفه أم فهد : أنتي الظاهر إنك بتجننيني قلت لك لا تمشين معاها ولا حتى تعطينها وجه رؤى : يايمــ .. أم فهد : ولا كلمه أشووف هالعله سلبت قلوبكم من أول يوم مره ريم وبعدين أبوووك وبعدين جدك وآخر شي أنتي اللي توقعتك توقفين مع أمك رؤى : وش فيك عليها أبي أفهم أم فهد حاولت تمسك أعصابها شووي : ياماما هذولي الناس أعرفهم زين وأعرف كذبهم وخرابيطهم رؤى بتساير أمها عشان ماتسمع غلا كلامهم فجأه : اووكي اووكي أم فهد : المهم أنا وراي شغل الحين بطلع بس ياويلك لو ماسمعتي كلامي رؤى إلى الأن تحاول تسايرها : طيب طيب طلعت أم فهد من جناحها ورؤى دخلت لغرفتها شافت غلا حاطها راسها بحضنها وتبكي رؤى يووه لا يكون سمعت الكلام راحت لها تركض رؤى وهي تهز كتفها : غلا وش فيك رفعت راسها وهي تمسح دمووعها اللي أنطبعت على خدها تاركه أثر مؤلم لها : مافيني شي رؤى : كل هالبكاء ومافيك شي ( أنتهبت لسلسال بيدها ) رؤى وهي تأشر عليه : هذا لك غلا ورجعت الدمووع لها : لا لأمي رؤى حزنت عليها حييل :الله يرحمها غلا : آمين يمه..يمه يمه وينك,,؟!! يمه وينك,,؟!! وينك,,, أشتقتلك,,, فقدتك,,, ماأبي أبقي أبرحل معك,,.؟!! ليه رحتي وتركتني بدونك..؟!! ليه يايمه ماأخذتني معك..؟!! ماأبي أبقى أبرحل معك..؟!! يمه,,, والله إشتقتلك,, نفسي أشوفك وأحضنك,,, طق الباب عليهم رؤى : ميـــن ؟؟ خلود وهي تدخل : أنا رؤى : هلا خلوود .. غلا هذي خلوود مرت أخووي قامت غلا وسلمت عليها خلوود : كيفك ؟؟ غلا : تمام رؤى : تعالي أجلسي خلوود خلوود : لا بطلع برووح أسبح بنتي يلا سلام رؤى : اووكي بااي بعد ماطلعت خلووود غلا بتردد : هذي زوجت فهد رؤى : ههههاي غلا : ليه تضحكين رؤى : على كلامك غلا : أحس مافيه شي يضحك رؤى : هههه اوووكي لا مو زوجت فهد زوجت فارس أخوي الثاني غلا : اهاا يعني فهد مو متزوج رؤى : آخر واحد يفكر رؤى بخبث : ليه تسألين ؟؟ كشررت غلا : ولا شي ولا تفكرين إنه من أفكارك اللي مدري وش تبي رؤى : هههههه وربي إنك تووحفه تذكريني بسمر بنت عمي غلا : سمر ؟؟ رؤى : إيه إن شاء الله بكره تتعرفين عليها عند هنادي كانت رايحه وجايه بجناحها من يوم وصل لها خبر وصول غلا لبيت عمها وهي مو مرتاحه هنادي : اووووف ياربي دقت على وسن وسن بصوت كله نووووووم : همممم نعم هنادي : أنتي نايمه وسن : وش رايك يعني هنادي : أمشي بنرووح لبيت عمي بو فهد وسن : مجنوونه أنتي هنادي : لا مو مجنوونه بس أبي أرووح وسن : ماله داعي لأن بكرا أو بعده بنرووح هنادي : وش دراك ؟؟ وسن : سمعت أمي تقوولي كذا هنادي : مو قادره أنتظر لبكرا عند نواف نواف : دروا عماني إني جيت يبه أبو نواف : توني قايل لهم أم نواف : رووح سلم عليهم أبو نواف : أبووي بيسوي عزيمه بمناسبة رجووعك هاليومين نواف : يايبه أحس مالها داعي أم نواف : لا وأنا أمك لازم نفرح لك أبو نواف يطالع ساعته وألتفت لدانا : عبدالله عط دانا أبرتها الحين موعدها نواف : لا يبه أنا بعطيها قرب منها وطلع الأبره مسح على يدها ودخل الأبره فيها بشويش نواف : هاه خلصنا أوجعتك دانا : لا نواف طالع نظرة الحزن فيها وهو مو قادر يسوي لها شي مسح على شعرها بحنان وقام من عندها وهو متضايق على حالها عند فهد خلص شغله وهو طالع من الشركه أبو سعود : طال عمرك فهد : هلا أبو سعوود أبو سعوود : طويل العمر البيت عندي قايم ويبون الأهل يتطمنون على غلا بنت المرحومه فهد : لا تخاف هي عندنا الحين وطلع من شركته متوجه للسيارته ركب سيارته وراح للبيت في بيت أبو سعوود رنا واقفه عند شباك غرفتها : آآآه ياغلا ووينك أشتقت لك حييل أحس القريه مالها طعم من دووونك ودي أتطمن عليك بس وإذا كنتي بخير صدقيني بكوون بخير وبتطمن عليك أم سعوود : رنا يارنا رنا : نعــم يمه أم سعود : تعالي أبوتس بيجي من الدوام وحنا ماسوينا له أكل رووحي حطي له لقمه بسرعه رنا : حاضر يمه دخلت المطبخ وبدت تشتغل تحاول تنسي نفسها اللي صار بأعز صاحبه عندها أو بالأصح أختها عند غلا كان تفكيرها نفس تفكير رنا غلا بنفسها يالله يارنا ودي أجلس معاك وأقوولك وأفضفض لك ودي أرتاح ودي أتكلم معاك وطالعت جدران الغرفه وعلى كثر ماهي واسع ألا أنها تخنقها رؤى دخلت وبيدها كوبين كووفي رؤى : غلوو خوذي غلا : وش هذا رؤى : كوفي غلا : كوفي ؟؟ رؤى : ماتعرفين الكووفي هزت راسها بلا رؤى : أجل وش تشربين الصبآح غلا : قهوه رؤى : شوفي هذي قهوه بس من نوع ثاني غلا : امممم مو مشتهيه رؤى : غلوو يالله ولا ترى بشربك بنفسي راح يعجبك كثيرر مسكت غلا الكوفي بيدها وشربت شووي منه رؤى : وش رايك ؟؟ غلا : يعني حليوو رؤى : مع الأيام بتعودين عليه وحطي ببالك هذا أشربه قبل الفطور وبتشربينه معااي عساك بخير كثر ما بقلبك الطيب نوايا خير .. وكثر مالك غلا عندي وذكرى خير .. عساك بخير كثر ما مالت الأغصان وغرد عليها الطير .. عساك بخير كثر ماهلت الأمطار ولمع نجم سهيل .. كثر القلب ودقاته سألت المولى تكون بخير .. ••.•°¯`•.••••.•°¯`•.••••.•°¯`•.••••.•°¯`•.•• أنتهـــى البارت توقعاتكم وصول غلا إلى بيت العايله أخذ منحنى أخر بمجرى حياتها ؟؟ أيضا وصول بطل آخر من أبطالنا ( نواف ) وكيف سيكوون دوره بالروايه ؟؟ الصدمات اللتي تتوالى على بطلتنا هل يمكن أن تتوقف أم تستمر باللعب بها ؟؟ وماهي الصدمه الكبرى لها في البارتات القادمه ؟؟ جنى وسلطان ؟؟ << أإترك لكم التعليق عنهم بعض أبطال الروايه لم نراهم اليووم لكن يوجد لهم الكثير من ما يقدموون بالبارتات القادمه ؟؟

فارس الشهباء 09-20-2015 10:39 AM رد: رواية رماني وقال ما ابيها   البارت التاسع ودي أضمك على الصــدر لحظات تحس بدقات القلب شلون تناديك ودي تعرف إن الحب مو شوّية كلمات على ضحكه ومزحه بليلك تسلّيك الحب مشاعر وأحاسيس بالذات إنولدت فيني لأجلك وصارت بين يديك حبي لك تعدّا كــل المساحــات حبي لك أكبر من قولة (أموت فيك ) كل ما أسمع صوتك وكل مافات يملكني إحساس رهيب وتحمل مايجيك أوقات أسرح بك وأتخيل أوقات إني بأحضانك ومن الشفه أرويك وأرطب إيديني بأعذب أنواع اللمسات من أقصى جبينك لأطراف أياديك ويطلعني من عالم خيالي أصوات أبوي وخالتي يقولون وش فيك ؟ عسى ماجاك من هالدنيا عثرات إبتسمت وتذكـــرت كل حكاويك وضاق الخلق يومه بيننا مسافات وصاح بي صوت ٍ يقول تعال أبيك... عند رؤى وغلا الساعه تشير الى 12 صباحا كانوا جالسين يسوولفوون رؤى : كم كان عمرك يوم توفوا أبوك وأمك غلا : كان عمري خمس سنين رؤى : يالله كل هذا صار لك وأنتي حتى ماكملتي 18 سنه غلا : اللهم ولا أعتراض رؤى : اممم طيب كملي بعد ماتوفوا وش صار غلا : جدي شرى مزرعه وبدا يشتغل فيها ويبيع منها وكنا عايشين بعد الله ثم هي بس ماكتملت فرحتنا وتوفى جدي رؤى : وليه ماأشتغلتوا بالمزرعه غلا : مين يشتغل أنا ولا جدتي أنا كنت صغيره وجدتي كبيره بالعمر وينا ووين الشغل رؤى حزنت عليها حييل مره قصتها محزنه رؤى : اللي فهمته منك أنك متعلقه بالمزرعه ليه غلا : فيها كل ذكرياتي الحلووه وفيها ريحة جدي رؤى : اهاا لاتخافين جدي بيسويها ونرووح لها رفعت راسها لرؤى : بتروحون لها ؟؟ رؤى : إيه جدي شراها منكم صح غلا : صح رؤى : وهو بيسوي فيها إستراحه وبنرووح لها ويمكن نترك مزرعتنا القديمه غلا : عندكم مزرعه قديمه رؤى : إيه بس جدي مايبيها لأنها صغيره شووي وخلاص أحنا أحفاده كبرنا ويبيلنا مزرعه كبيره ننبسط فيها غلا : اهااا رؤى ـألتفت لساعه وصرخت صرخه أرعبت غلا غلا : يمه وش فيك رؤى : يووه الساعه ثلاث بنااام غلا : يووه بالعاده ماأتأخر لهادرجه رؤى : وراااي شغل كثير بكره غلا : وش شغلتك غير هالتلفوون ( تقصد الجوال ) وغير هذا (وهي تأشر بيدها على اللاب ) رؤى : ههههههه الله يقطع بليسك << قطت الميانه خخ بكرره بروح السووق بنشتري فساتين وحركااات عشان نواف جاء من السفر وبيسوي له جدي عزيمه سمعت بابا يقوول كذا غلا : مين نواف ؟؟ رؤى : نواف أبن عموو غلا : اهاا رؤى : يالله نامي جنبي على السرير سريري يكفي خمس أشخاص ههههه غلا : ههههه رؤى بمزح : بلاش ضحك وخلينا ننام أنسدحوا على السرير وتغطوا بالفراش وهم جنب بعض كأنهم يعرفون بعض من سنين غلا بنفسها أنا ماأدري ليش حكيت لرؤى كل شي مع إني بحياتي ماحكيت لأحد غير رنا يمكن عشاني أرتحت لها وأحسها مره حبوبه أو يمكن عشانها هي الوحيده اللي تعاملني زين وبطيبة قلب إن شاء الله ماتتغير علي ولا أنا أتغير عليها رؤى قاطعت تفكيرها بسؤال فجأها : غلا تحبيــن ؟؟ غلا : لا من وين أحب رؤى أبتسمت لها غلا : وأنتي رؤى : أيه ههههههه غلا : ليه تضحكين رؤى: حبيت يوم كنت بزر حب أطفال غلا ورؤى : هههههههههه غلا : طيب قولي لي عنه وبعدها بننام شوقتيني لها رؤى : حبيت فيصل ولد جيراننا بس بعدها كرهته غلا ورؤى : ههههههه رؤى : كان عمري 13 وهو كان عمره تقريبا 19 كرهته يوم صار عمري 15 لأنه راح بعيد ونقل من حينا غلا : بس عشان كذا كرهتيه رؤى تهز رأسها بإيه وهي مو قادره تتكلم من الضحك غلا ضحكت على شكلهاا رؤى وهي تمسح دموعها من الضحك وتتذكر سوالفها مع فيصل : أكثر شي يضحكني رسايلنا لبعض غلا : كنتوا تتراسلون رؤى : إيه أخته كانت تدرس معاي وتعرف قصة حبنا و هي اللي تجيب لي رسايل منه وتودي رسايلي له غلا : اهاا بس مو معقوله كرهتيه بسرعه هههههه رؤى : ماكرهته بس تقدرين تقوولين زعلت عليه راح من حينا ولا عطاني خبر ولا حتى أخته قالت لي عنه شي غلا : اهااا بس تبقى ذكرى حلووه رؤى : ذكرى رووعه ومستحيل أنساها رؤى أبتسمت على ذكرياتها الحلوه مع فيصل واللي مستحيل تنساها يكفي أنه أول حب لها عندها تصرررخ بقووه وتضرب خدها بإيدها بدون ماتحس بألم ؟؟ : حرااااام عليك تسووي كذا فيني حرام عليك ياسيف سيف : اششش ولا كلمه أنتي جيتيني بنفسك لشقه ياعبير عبير بتردد وخوف : ماتوقعت تسووي فيني كذا أنت قلت تعالي بوريك شقتنا اللي بنتزوج فيها قلته صح ولالا أطلق ضحكه ساخره منها ومن تفكيرها الغبي على قولته : قلته بس أنتي غبيه وش أسووي لك عبير بتهديد : تتزوجني ياسيف غصبن عنـك سيف صرخ : مافي شي غصب عني ولا أحد يقدر يهددني أنا سيف الــ.. ولا نسيتي عبير : حقيـــر رفسها مع بطنها بقووه وسحبها من شعرها : قوومي بسرعه وطلعي براا عبير جمعت بقايا لبسها والبست عباتها وطلعت وهي فاقده أغلا ماتملك سيف : اوووف فكه طلع دخان من جيبه وقعد يشرب منــه ولا كأنه مسووي شي << ذكرت من قبل إن سيف يلعب على بنات خلق الله بس لا تخافون بيصير شي خطنطير وبيعجبكم أكييييد سيف : يووه الساعه ثلاث ونور نسيتها بالبيت راح لغرفته بالشقه أخذ شاور وبدل لبسه وطلع متوجهه لبيته عند ريم وعادل ألتفت لها وشافها بسابع نوومه عادل بنفسه يابعد عمرري ياريم اليوم كانت تعبانه حييل وزادتها سالفة العروس اللي مدري منين جايتها أمي آآه بس موقادر يجيني النووم وأنا أشوف أمي تخطط لزواجي وريم ماتدري عن شي الله يعين بس لاحظ عبوس ريم وهي نايمه قرب منها وباسها على جبينها وأنسدح على السرير وهو يحاول ينام عند نوور مانامت وهي تنتظر سيف كان مواعدها يطلعون يتعشوون برا بس ماوفى بوعده نوور : اووووف شي يقههر دخل سيف عندها بعد كلمتها صدت عنه نوور عرف أنها زعلانه سيف : افاا دلووعتي زعلانه نور : ....... سيف : نوارتي نور : سيف أنت دايم تقوولي بنطلع اليوم وماتأخذني سيف : ليه ماطلعتي مع صديقاتك و السواق يوصلكم نور بدمووع : أنا أبيك أنت أنا ماقصدي من يوصلني قصدي إني أبي أطلع معاك من بعد ماجيت من السفر وأنت ماتهتم لي ولا حتى تشوفني وتشووف وش أبي ولا تأكل معاي ودايم عندك شغل سيف أنا مالي ألا الله ثم أنت ودي أحس بوجودك حوولي سيف تأثر بكلامها قرب منها وضمها لصدره وخلاها تفرغ كل ضيقه فيهاا سيف : بس ياقلبي أوعدك من بكره أجلس معااك واللي تبينه نسوويه نوور وهي تمسح دمعها : وعد سيف أبتسم : وعــد نور : تراك وعدتني سيف بمزح : بلاش كثرت حكي ويالله روحي نامي نور : هههه طيب ضحك على شكلها وصعد لجناحه يناااااام من بكره اليوم الجمعه راحوا الشباب والشياب للمسجد يصلوووون صلاة الجمعه ألتقوا مع نواف بالمسجد الحي اللي هم فيه وبعد ماطلعوا سلمو عليه وتحمدوا له بالسلامه أبو محمد : نواف وأنا أبوك أبيك تجي لمي شووي بعد العصر تسلم على جدتك وأبيك بموضووع نواف : تأمر أمر يبه وكان يسولف مع عمانه وجده سلطان همس فهد : فهد أبيك بمووضووع ضروري فهد : مو الحين في شركتي بعد العصر اووكي سلطان : اووكي ركبوا سيارتهم وكلهم متوجهين للبيووتهم عند غلا ورؤى توهم قايمين من النوووم غلا بعد ماأنتهت من صلاتها ألتفت وشافت رؤى وراها توها مخلصه من الصلاه فكت جلالها وأنثر شعرها حووول كتفها وظهرها رؤى : وااااو غلا شعرك يجنن غلا وهي تلم شعرها : تسلمين رؤى : أنا من جد أتكلم وربي جناااااان اممممم بس ليه ماتقصينه غلا : لا مستحييل رؤى : هو طووويل لآخر ظهرك على الأقل قصي منه شوووي غلا : لا ماأبي أنا عاجبني كذاا رؤى : طيب قوومي تروشي وبدلي ملابسك غلا : صادقه محتاجه أصحصح وأذا تسبحت بصحصح زيين وبريح أعصابي شووي عطتها رؤى ملابس من عندها ودخلت الحمام ( أكرمكم الله ) وتسبحت بعد نص ساعه تقريبا طلعت ولبست بيجامه من عند رؤى كان لونها تفاحي وعليها رسمة دب كبير بلون الرصاصي رؤى : شفتي شكلك طلع جنااان مو مثل البيجامه اللي معطتك ريم ههههه غلا : هههههه كنت مرتاحه فيهاا رؤى : المهم بنزل تحت غلا : لا أخوانك تحت رؤى : عاااااادي وبعدين بتظلين حابسه نفسك هناااا خلود شوفيها تلبس لثمه وتنزل وماتقوول لا غلا : إيه بس خلود بنت عمكم وزوجة أخوووك رؤى : وأنتي أختــي وبنت عمي أنصدمت من كلمة أختي ماتوقعت أحد يقوولها هالكلمه غير رنا غلا : ذكرتيني برنا رؤى : منهي رنا غلا : صديقتي بالقريه رؤى : اووكي وأحنا نازلين خبريني عنها يالله ألبسي لثمتك وبننزل غلا : لا رؤى : غلوووو غلا : ماأقدرر رؤى : بطـــه غلا : ههههههه أنا رؤى مبووزه : إيــه عند عادل نزل من الدرج رايح لشركه قبل مايطلع سمع أحد يناديه أم سلطان : عاادل عادل : هلا يمه أم سلطان : فكرت بالموضوع اللي قلت لك عنه عادل : لا ولا ودي أفكر فيه أم سلطان : أنا أمك وأعرف مصلحتك المفروض تسمع كلآمي عادل : وليه ماتزوجين العرووس سلطان أخووي أم سلطان : سلطان أخووك بحياتي ماقد شفته ألا باليل ماأدري وين يرووح هالأدمي يجي ينام بالبيت وبس معتبر البيت فندق حتى أكل ماصار يأكل معاانا عادل طفش من هالمووال : أنا طاالع أم سلطان بعد ماطلع عادل : أنا أدري أنه مو منك من هالزفت اللي فووق جات لها هنادي ومعاها عبايتها أم سلطان : على وين هنادي : برووح لوسن أم سلطان : الحين الظهر هنادي : أدري بس بجلس عندها وبعدها بننزل لسووق نتقضى للجامعه ولعزيمة نواف ولد عمي أم سلطان : طيب الله معك طلعت هنادي لسايق اللي ينتظرها براا صعدت أم سلطان لجنااح سمر ودخلت من دوون ماتطق الباب عليها سمر اللي كانت جالسه على اللاب قامت من عنده : هلا يمه أم سلطان : توك قايمه سمر : لا قايمه قبل صلاة الجمعه أم سلطان : غريبه مارحتي مع هناجي سمر شهقت : هئ هناديووه وين رايحه ومخليتني أم سلطان : عند بنت عمتك وسن سمر بعفويه : ووووووووع من زينها هي وهناديووه إذا أجتمعووا أم سلطان : أحترمي أختك سمر بطفش : طيب أم سلطان : المهم يمكن أنزل لسووق وبأخذك معي سمر : لا مامي بنزل مع رؤى أم سلطان : طيب طيب كيفك وراحت وتركتهاااا عند هنادي وصلت لبيت عمتها هنادي وهي تسلم على عمتها : كيفك ياعمتي أم وسن : تمام وأنتي كيفك هنادي : زينه عمتي وين وسن أم وسن : بغرفتها فوووق هنادي : اووكي أنا طالعه لها أم وسن : إيه هي تنتظرك صعدت لغرفة وسن فتحت البا ودخلت من دوون ماتطقه وسن : بسم الله الرحمن الرحيــم هنادي : يقالي خايفه يعني وسن : كنت أكلم عزام وخفت اللي دخلت علي تكوون أمي مو أنتي هنادي : اهاا ألا وش أخباره عزامووه وسن : فديته رووعه هنادي : وأنا جايبه لك واحد أرووع منه وسن : نعــم مافهمت هنادي تبتسم بخبثها : نواف ولد عمي جاء من السفر وسن بلا مباله : اووكي الحمدالله على سلامته هنادي : ياهبله أنا ماقلت تحمدي له بالسلامه وسن : طيب وش قصدك من هالكلام هنادي : لفي ودوري حوول نواف ألين يحبك ويتزووجك وسن : خيرر هنادي : لا يكون مو عاجبك نواف تراه جاااي دكتووور قد الدنيا وسن : ماقصدي نواف قصدي كلامك اللي ماأدري وش يبي وش علي من نواف أنا هنادي : غبيه وبتظلين طووول عمرك غبيه نواف الحين دكتوور يعني له منصب وفلووس وسن : الحمدالله ماأبي فلووس أحنا نفسهم معانا فلووس الدنيا هنادي : أدري بس بتصير أحلى لو كثررت وسن : أبي أسألك سؤال واحد وأبيك تجاوبيني بصراحه هنادي تحسب أنها وافقت وبإبتساامه : قوولي وبجاوبك ياقمرر وسن : أنتي تحبين فهد ولا تحبين فلووسه ومناصبه وشركته ومحلاته هنادي بتردد : هاه أحبه كله وسن : هنادي مو علي أنا هنادي : تبين الصراحه وسن : أكيد ماطلبت غيرها هنادي : بالبدايه حبيت فلووسه مثل ماقلتي بس بعدها حبيته هو حبيت شخصيته وكله وسن : هناادي ؟؟ هنادي : وربي إني صاادقه بعد العصرر في بيت أبو محمد نواف : أمرني يبه أبو محمد : وأنا أبووك أنا مجهز لك عزيمه بمناسبة رجووعك وبتكوون بعد أربع أياام نواف : إيه بس يبه مو بهالسرعه خلوها بعدين أبو محمد : لا خلاص أنا حجزت وخلاص وبعدين بتكوون العزيمه لغلا توها طالعه من المستشفى نواف : حاضر اللي تامر فيه يبه جلسوا يسولفوون شوي ودخلت عليهم أم محمد نواف قام : هلا بالغاليه باس راسها ويدها أم محمد تمسح دموها بطرف شيلتها : الحمدالله على سلامتك ياولدي نواف وهو يبوس يدها : الله يسلمك يمه عند غلا كانت تلاعب ساره بنت فارس غلا : وهـ ياناسو عليها تجنن رؤى : بس دلوووعه وماتحب ألا فهد أخووي وإذا شافته تقعد تدلع غلا نزلت سارا من حضنها : فهد يحب الأطفال رؤى : مره يحبهم غلا بنفسها هذا فهد مافي أقسى من قلبه وشلوون يحب الأطفال صحاها صووت رؤى وهي تصررخ : سارونه تعالي وين راايحه غلا : وين راحت رؤى : ماأدري عنها برووح أشووفها غلا : فديتها أخذت مني الورده اللي جبتيها لي من حديقتكم وأنحاااشت رؤى : ههههه بروح لها الحين أخاف تطيح عاد فهد بيقوم الدنيا مو مقعدها إذا صار لسارونه شي راحت رؤى وتركت غلا غاارقه بأفكارها عند سارا كان شايلها فهد شافها وهي طالعه من جناح رؤى وأخذها بحضنه فهد : سارونتي سارا كانت تضحك ومستانسه عليه كان يبووسها على خدها ويلاعبها مسك يد سارا وشاف بيدها ورده لونها أبيض فهد : الله من معطي سارونه هالورده أخذ الورده منها وشمها وأعجبه ريحة الورده عطر الورده كان رووعه ورايق جات رؤى وشافتهم : فهد عطني سارا هالخبله فشلتي قدام غلا أخذت وردتها وأنحاشت ههههه فهد عرف إن الورده لغلا رجع يشم الورده بقووه وأعجبه أكثر وأكثر عطرها أستوعب اللي قاعد يسوويه ونزل سارا وعطاها الورده وراااح بسرعه هوهو يفكـر باللي صاار ويحاول يبعد هالتفكير عنه رؤى أستغربت منه وماأهتمت شالت سارا وراحت لجناحها دخلت الجناح وطالعت غلا السرحانه رؤى : أنتي دااايم تفكرين وسرحاانه ألتفت لها غلا : وين لقيتي سارا رؤى : لقيتها مع فهد المهم خلينا من سارا وقولي لي وش كنتي تفكرين فيه يابطه غلا : ولا شي نزلت رؤى سارا اللي كانت شايلتها وجلست بجنب غلا سارا على طوول جات بحضن غلا : هههه فديتها سارونه حضنتها غلا وشمت معاها عطر رجالي قووي وحلوو عرفت على طوول أنه فهد وألتصقت ريحة العطر بملابس سارا يوم كان شايلها فهد أبتسمت لسارا ونزلتها من حضنهااا رؤى : غـلا من اليوم أناديك وماتسمعيني غلا : هاه هلا وش تبين رؤى : اممممم وش كنتي تفكرين فيه ولا تقوولين ماكنت أفكر بشي مو أمس أتفقنا نكون صاحباات ونقول كل شي لبعض غلا أبتسمت : صدقيني رؤى مافيني شي بس أفكر بجدتي وزعلانه على موتها إلى الأن رؤى : غلو خلاص ياقلبي لا تزعلين وربي الدنيا كذا تكلمت رؤى مع غلا كلام قدر ينسيها حزنها وهمها شووي بجناح فهد أخذ شاور وبدل ملابسه بيطلع لشركته وهو يفكر بسلطان وموضوعه المهم فهد : ياترى سلطان وش يبي مني لايكون عنده مشكله ههههه ياأكثر مشاكلك ياسلطاان أخذ عطره ورشه على ملابسه وأخذ نظارته الشمسيه ولبسها ونزل تحت دق على سلطان فهد : سلطان أنا بروح لشركت الحين تعال عندي هناك طيب سلطان : إن شاء الله بمرك الحين فهد : يالله سلام سلطان : مع السلامه ... وصكر الخط فهد وهو يمشي متوجهه لسيارته مر من عند حديقة الورد اللي عندهم ألتفت عليها وشاف نفس الورده اللي كانت مع سارا نزل نظارته الشمسيه وأبتســم يوم شاف الورد مايدري ليه أبتسم يمكن من ريحة عطرها الجذاب ~ أو من شكل الورد الحلوو لبس نظارته وطلع وهو يبعد عنه الأفكاار الغريبه اللي زايرته اليوووم و آآآه ..........من ريحة ................... عطـــــرها بالفعل أكـــــبر خرافة .. عند هنادي ووسن هنادي ووسن رايحين لسوووق هنادي : شوفي ذاك المحل خلينا ندخله وسن : اووكي ماورانا شي دخلوا وشافوا فيه الفساتين هنادي : طيب شووفي هالفستان أكيد بيطلع عليك حلوو وسن : امم حلو بس مشكلتي ماأحب اللون الموف هنادي : الحين من اليوم ندور بالأسواق ولا شي معجبك وسن : هذا حلوو كان فستان لونه لحمي لركبه وعاري الأيدين وعليه شريطه تحت الصدر بلون الأسوود هنادي : خلاص حلوو أخذيه ووسن : اووكيه حاسبت عليه وطلعت هي وهنادي هنادي : واخيرا خلصتي شكلك مابغيتي تخلصين وسن : خلينا نرووح نشرب لنا آي شي وربي هلكــت هنادي : اووكي راحوا أشتروا لهم عصيرات وجلسوا يشربوون هنادي : ووسن ألتفتي شووفي من وراك وسن ألتفتت وشافت نواف مع واحد ماتعرفه صدت وسن ورجعت مكانها هنادي : وش فيك أقولك شوفيه وسن : شفته نواف ولد خالي هنادي : أدري بس قصدي ماتوقعت يكون بالسووق وسن أنتي غبيه إذا راح من بين أيديك شوفي هيبته وجماله وسن تشرب العصير وماعطت هنادي وجه

فارس الشهباء 09-20-2015 10:45 AM رد: رواية رماني وقال ما ابيها   عند نواف وكان اللي معاه صاحبه وليد << تتذكرونه وليد نواف : وش الأغراض اللي ناقصتك وليد كان جاي لسووق لأغراض ناقصته وجاء معاه نواف : بشتري لي جوال جديد غير جوالي هذا نواف : إيه وليد نسيت أقوولك متى نقدم للوظيفه وليد : هالأسبووع أنا بقدم للمستشفى وأنت معااي نواف : إن شاء الله وليد : وش أخبار عبدالله من زمااان عنه ماشفته من يوم جيت من السفر ولا حتى اليوم يوم كنت عندكم نواف : الله يعينه أبووي مكلفه بشغل الشركه وليد : يعين الجميع .. وش فيك يانواف حاس فيك شي نواف : لا ولا شي وليد : نسيت إني أعرف متى تكون متضايق ومتى تكون أنا مبسووط أنا صاحبك يانواف نواف متضايق عشان دانا : يحلها ربك ياوليد وليد : صدقني الوقت اللي تبي تتكلم فيه أنا موجود نواف أبتسم لصديق عمره وأخووه اللي ماجابته أمه عند سلطان وفهد بشركته فهد : وشو موضوعك ؟؟ سلطان : بعترف لأهلي بزواجي من جنى فهد : على راحتك بس مو الحين سلطان : ليه ؟؟ فهد : نسيت سالفة غلا وجدي ولا نسيت نواف وعزيمة الأستقبال له يعني الوقت مو مناسب سلطان : مشكلتي مع جنى تبغاني أعترف اليوم قبل بكرره فهد : ماعليه أكيد متضايقه سلطان : إيه يمكن أنا بروح البيت الحين تبي شي فهد : لا سلآمتك سلطان : سلام فهد : مع السلامه طلع سلطان وفهد بدا بشغلــه عند غلا ورؤى رؤى : يالله ألبسي وبنروح للموول غلا : لا ماأبي أعذرني رؤى :لا وشو ماأبي غصب عنــك غلا : بس يارؤ. قاطعتها رؤى : يالله عااااد قوومي ولا بزعل عليك قامت غلا وهي مغصووبه على هالرووحه بس يمكن هالطلعه تخفف عنها وتبسطها لبست عباتها هي ورؤى ونزلووا لتحت عند أم فهد كانت تقهوه تحت بالصاله وقفهم صوتها أم فهد بحده : على وين إن شاء الله رؤى : بنطلع للموول يمه أم فهد وهي تطالع غلا : لا تتأخرين رؤى طيب رؤى : طيب يالله غلا مشت معاها غلا وطلعوا لسوووق وهم بسيارة السايق غلا كانت تطالع مباني الخبر وعجبتهاا حيل المباني وأنوارهاا وكل شي فيهااا رؤى : غلوو وصلنا أنزلي نزلت غلا ومعاها رؤى وأنبهرت من شكل المول كااااان وااو خرافي بالنسبه لهاا رؤى : وش فيك أمشي غلا : هاه إيه طيب ودخلوا للموول عند جنى جاسه بغرفتها ومعطيه الباب ظهرها وتحط مناكير على إيدها جنى : وهـ يالبى إيدينى طلعت كشخه مع هالمناكير سلطان : وهـ يالباك كلك جنى ماتوقعته يجي وبصرخه : سلطااااان ونطت له وحضنته بقووه سلطان بعدها عنه : لو أدري أنك بتسوين كذا كان جيت كل يووم جنى : ههههه فديتك سلطان : فديتك أنتي ( وقرب وباس خدها وقرب أكثرر ) جنى : لالا سلطان برفعة حاجب : ليه جنى : لأنك مزعلني ولا نسيت ( وعطته ظهرها ) ضمها من ورا وباس رقبتهااا وهمس لها : وأنا جاي أرضيك جنى ذاابت من همسه لها وأنفاسه الحاااره على رقبتها : وش تراضيني فيه سلطان بهمس ذوبها أكثرر : بطلعك أحلى طلعه جنى : جد سلطاان سلطان : إيه بس بشرط جنى مدت بوزها : وشو شرطك سلطان : أول شرط هاتي بووسه كبيره وبعدين أقولك الشرط الثاني يالله تعالي ( وأشر على خده ) : وبوسيني قربت جنى بتبوسه على خده بس هو ألتفت وباسها على شفايفها وبعد عنها وشاف وجهها المحمر من الحياء أطلق ضحكه على شكلهاا جنى دفته من صدره : أنت دوووب سلطان بغمزه : باقي الشرط الثاني جنى بدلع طبيعي : لا ماأبي ولا شي سلطان وهو ذاب من دلعها : حبيبي الشرط الثاني مره سهل جنى : يالله قوول سلطان : دلعيني جنى : امم شلوون سلطان : قوولي سلطووني جنى : هههه مو حلو سلطان : وهـ يالبى الضحكه بس آآهـ شكلك بتجنيني جنى : سلطوني بنطلع ولالا سلطان : ألا بنطلع رووحي بدلي يالله جنى : دقاايق وجاايه ودخلت غرفة الملابس بتبدل أما سلطان أنسدح على السري ينتظرهاا عند غلا ورؤى غلا : رؤى حرام عليك كل هالملابس لي أنا تكفيني كم لبسه بس رؤى : لالا لازم أشتري لك ملابس ولا نسيتي بتظلين معانا طوول العمر ولازم تطلعين داايم كشخه غلا : إيه بس عاد مو لهدرجه رؤى : أمشي وأسكتي تونا ماخلصنا لازم أشتري لك أكثرر غلا مشت معاها غلا وهي ساكته ماتدري وش تسوي برؤى عند جنى وسلطاان جنى طلعت من غرفة الملابس وكانت لابسه برمودا جينز ومعاها بلوزه حمراء سلطان : الله الله ( وحاوط خصرها بأيديه ) : وش رايك نكنسل الطلعه وأم الطلعه أستحت من نظراته الحارقه لها : لا سلطووني بلييز سلطان : بكرا نطلع جنى وهي تلعب بأزارير بلووزته بدلع : لالا تكفى ذااب على حركتها : طيب بطلي دلع ونرووح جنى : خلاص مو متدلعه يالله نطلع وأخذت عبايتها ولبستها ومسك يدها سلطان ونزلوا من الشقه احبك كثر ما قد صار احبك رغم ما قد ما صار احبك كثر ما دنيا الزعل والصد مهجورة احبك كثر ما تمطر بصدري من غلاك أمطار احبك كثر ما صارت أراضي العشق ممطورة احبك كثر ما تفتح شبابيك الربيع أزهار احبك كثر ما غنت عشان الصبح عصفوره احبك كثر ما تاقف على جنب الطريق أشجار احبك كثر ما يقسى الشتاء وتهاجر طيوره احبك كثر ما في الأرض بنت تلفت الأنظار احبك كثر ما يرتاح عطر بصدر مغرورة احبك كثر ما جاب المساء في معطفه زوار احبك كثر ماجانا الصبح يشبهك نوره احبك كثر ما تهدي كفوف الوصل من تذكار احبك كثر ما شالت يدين العاشق زهوره احبك كثر ما نقراء عن الفارس عن المغوار احبك كثر ما نسمع ولا شفنا ولا أسطوره عند هنادي ووسن بعد ماأرجعوا من السووق هنادي : تدرين وش أفكر فيه وسن : بأيش هنادي : أفكر ببنت القريه وشلون رايح يكون شكلها بالحفله وربي بتفشلنا وسن : تبين الصراحه بهاذي معاك حق هنادي : والمصيبه الكبرى تقرب لنا وسن : هههههههه هنادي : ليه تضحكين وسن : واضح أنك مقهووره منهاا هنادي : هههه مرره وسن : لا تخافين أكيد بتطلعين أحلى منهاا هنادي : أكيد مايبيلها سؤال عند رؤى وغلا رؤى : وااااااااو وربي أنك جنااااااااان مرره رووعه غلا كانت لابسه فستان شاريته لها رؤى غلا : ماتعودت ألبس كذا رؤى : غلا وربي أنتي تزعليني منك غلا : أنا ؟؟ رؤى : إيه خلاص المفروض ماتعشين حزينه وماتتكلمين كثير ودايما مكتئبه غلا : بس أنا رؤى : إذا تغيرتي تعالي قولي لي مشت رؤى ودخلت للحمام ( أكرمكم الله ) بتأخذ شاور بعد تعب السووق غلا بنفسها يااربي وربي البنت طيبه معااي ومره عسل بس أنا كلش ماأبي أتكلم ولا أسووي شي أكيد تضايقت مني ومن كئابتي وربي أنها غاليه علي صارت صاحبتي مرره بهاليومين وماقصرت معاي بآي شي وأنا ماجازيتها غير بالحزن آآهـ بس طلعت رؤى من الحمام ( أكرمكم الله ) وهي تجفف شعرها بالمنشفه شافت غلا جالسه على السرير ولابسه الفستان إلى الأن راحت للمرايه ومشطت شعرها ومو معطيه بال لغلا غلا قامت وتوجهت لها غلا : رؤى زعلانه مني رؤى : .... غلا : خلاص رورو وربي آسفه ألتفت لها رؤى وقالت : بسامحك بس بشرط غلا : وشو ؟؟ رؤى : إنك تبطلي هالحزن وتكووني مثلي مبسووطه وماتزعلي ولا تبكي من آي شي غلا : من عيوني بحاول علشانك بس رؤى صدت عنها يوم قالت بحاول غلا فهمتها : هههههه طيب بسوي اللي تبينه بس خلاص بلاه هالحزن ألتفت عليها وضمتها رؤى : إيه هاذي صاحبتي غلا : هههههه إلى الأن زعلانه رؤى : لا ياقمر خلاص رااح الزعل وااو غلا وربي الفستاان روعه عليك وين مخبيه كل هالجمااااال كان الفستان لونه أسود مااسك على جسمها وكأنه مفصل خصيصا لها وعاري الأدين شووي وفيه 3 كرستالات على الصدر وحده بالبرتقالي والثانيه بالتفاحي والثالثه بالذهبي وكل كرستاله ينزل منها قماش شيفون بنفس لون الكرستاله وطالعه روووعه فيــه رؤى : أجلسي بقولك شي غلا : قوولي رؤى : أنا أدري أنك زعلانه عشان جدتك وكمان مو مرتاحه عندنا بس غلا أحنا أهلك وربي لو جدتك تدري باللي قاعد يصير ماتسامحك لأنها تبيك تعيشين أحلى عيشه وتكوني مبسووطه ( قالت لها كلام كثير خلى غلا تندم أنها زعلت بيووم أو بكت ) غــلا الجديده << براااااا أمبراطوره هع تحس أنها صحت على نفسها وماعاد فيه مكان للحزن بقلبها ودها تفرح عشان ماتزعل جدتها ودها تعيش ودها تحس بالدنياا ودها تكون قوويه ومصره تسووي هالشي كله عشان أمهااا عشانك كل شي يهوون عشانك أنسى من أكووون عشانك ساكن بقلبي عشانك بداخلي موجود عشانك أنت فاهمني ولا لي غيرك يسمعني .. بقلمي ~ رؤى : فهمتي ليه أنا أسوي كل هذا غلا : إيه .. رؤى الله لا يحرمني منك رؤى : ولا منك ورجعت ضمتهااا بعدت عنها رؤى شووي قالت بمزح : يالله نزلي الفستان شكلك مبسووطه فيه غلا : ههههههه لا والله مرره ضيق رؤى : بتعودين بعدين يالله قومي وألبسي من البجايم اللي جبتها لك عند سلطان وجنى يتمشوون بالكورنيش وأيدينهم محتضنه بعض جنى تلعب برمل وترمي فيه ههههه سلطان : مبسوطه قلبي ؟؟ جنى : مره مبسوووطه حضنها على الخفيف جنى : حبيبي الناس يطالعونا سلطان : عااادي جنونتي زوج وزوجته وش يبووون جنى : أدري بس قاطعها سلطان : لا تخليني أسووي أكثر من كذا جنى خافت : لالا ياماما تخووفني سلطان : إذا تدلعتي مره ثانيه برجعك للبيت جنى : ههههه لا خلاص سلطان : حريم مايجون ألا بالعين الحمراء جنى : ههههههه سلطان : وش قلت أنا جنى حطت يدها على فمها تحاول تكتم ضحكتهاا تدلع عليا ياحبيبي ما دام أنا المولع تدلع تجنن وحق ربك وربي بعذابي إنت تفنن أحبك وأحب اللي يحبك وأموت أنا بقربك تجمل بنفس ميتة فيك وبعادك ما تحمل عيونك فديت أنا عيونك أنا ما أصبر بدونك عيوني إنت تسوى عيوني كيف تصبر بدوني تدلل إنت تامر عليا من غيرك يتدلل ياخلي لا شفتك أهلي ولا من رحت من لي عند خزامى جالسه على اللاب ومندمجه فيه قاطع أندماجها أمهااا أم خالد : خزومه أنزلي تحت وسلمي على خالك ينتظرك توه واصل من السفر خزامى : طيب ماما بس شووي أم خالد : لا بسرعه أنزلي خزامى : اووكي حاااضر طالعت المرايه وكان حلو لبسها ونزلت مع أمها تحت دخلت للمجلس وخجلانه شووي خالد : هلا هلا بخزوومتي << مسمين أخو خزامى عليه سلمت عليه خزامى وهي ساكته خالد : كيفك وأنا خالك خزامى بحياء : تماااام خالد : ماشاء الله ماشاء الله صايره عرووس سمعت كلمة عرووس وطلعت بسرعه من المجلس من الحياء خخخ سكت خالها وهو عارف طبع الخجل اللي فيها قامت أم خالد ولحقت خزامى دخلت عليها : فشلتيني مع خالك ليه ماتسولفين معااه خزامى : أستحي أسولف مع أحد من زمان ماشفته أم خالد : افف الله يعيني عليك طلعت أم خالد من جناحها خزامى بعد ماطلعت أمهاا : طيب أنا وش أسووي طبعي كذا تذكرت موقف عجزت تنساه كان فيه حفله ببيتهم بمناسبة سلامة خلوود وبنتها سارا لأنها كانت توها طالعه من النفاس المهم خزامى كانت تضبط شكلها في دورات المياه ( أكرمكم الله ) دخلوا عليها وسن وهنادي هنادي : يقولون إن فيه بعض الناس فيهم مرض نفسي وسن بصوت عالي : إيه ولا في بعض الناس لهادرجه مايقدر حتى يسولف من الحياء هنادي : ههههههه كلامك بمحله فديتك ضحكت معاها وسن وهي تطالع خزامى عرفت خزامى أنها المقصوده من كل هالكلام بس ماقدرت تقوول شي لأن تعتبر نفسها مالها شخصية ودمعتها قريبه منها وخجووله حتى من أبوها وأمهاا وسن وهنادي يسون كذا بس نذاله بخزامى يكرهونها لأنها جميله حييل وأحلى منهم وكلن يحبها وكان جدهم أبو محمد يفضلها عليهم كلهم من يوم كانت صغيره عشان كذا كبرت غيرت هنادي وووسن وحتى وهم صغار كانوا يسببون لها مشااكل نزلت دمووعها على هالذكرى الكئيبه بالنسبه لهااا مسحت دموعها بسرعه ورجعت للاب يمكن تنسي حالها شووي << الله يعينك على الجااي ياخزامى عند سلطان وجنى وصلوا شقتهم بعد ماتمشوا وأنبسطووا وتعشوا براا جنى : مشكوور حبيبي مرره أنبسطت سلطان : تشكريني بفعل مو قوول ( وغمز لها ) جنى أبتسمت له وعرفت قصده وعالطوول هربت منه وهي تضحك أستوعب اللي قاعده تسوويه ولحقها : جنوو تعالي ومسكها وشالهاا فووق : آآآآآه نزلنـــي سلطان : لا ليه تسوين كذا جنى : آخر مره وربي نزلنــي نزلها وهي الى الأن بين أيديه جنى : أتـــركني سلطان : لا أخاف تهربين مثل قبل وسحبها معاه ودخلوا غرفتهم ... وطردوني هههههه أبيك وأنتظـــــرك ..! .................. تدفيني بصرك الحاني مر الأسبووووع بسرعه أختصار اللي صاار في هالأسبووووع البنات أكثر الوقت كانوا بالموول والأسواق وخرابيطهم ويجهزوون للحفله والشباب شغل الشركه وكمان تنظيم الحفل وو إلى مالا نهايه سلطان وجنى : هالأسبووع كان أسعد أسبووع مر عليهم مرره مبسوطين لدرجة إن سلطان ماينام بالبيت ينام عند جنى وصار قليل جيته للبيت وجنى مبسووطه معااه وأمه سألته ليه مختفي وكذب عليها بأن ينام عند صاحبه بأستراحته فهد : تفكيره بين المزرعه وبين شركته ويطري على باله العطر أحيانا بس يبعد هالتفكير من باله إلى أن قدر يتخلص من هالأفكار << بس ماندري ترجع له ولالا غلا : كانت رؤى معاها طوول الأسبووع لدرجة ماعاد تنزل من جناحها ويجبون الأكل لهاا ولغلا علمت غلا عن كل شي اللبس ووو أشياء كثيرره ومبسوطه بوجود غلا وغلا قدرت تبعد الهم والحزن عنها بس مانست صاحبتها رنا وودها تشووفها وتلتقي فيهاا خزامى : صراع مع نفسها يجيها كل ليله ويبعثر كيانها ويشتت أفكارهاا زعلانه على نفسهاا وعلى خجلها اللا منتهي بالنسبه لهاا سمر : أخذه الدنيا الونااسه هههه كعادتها هنادي ووسن : تحاول هنادي الى الأن تزرع أفكارها الخبيثه في وسن بس وسن مو مقتنعه ولا حابه فكرت أنها تجذب نواف لها وماتعطيها آي أهميه نواف ماقدر يتحمل يشوف دانا كذا وخبر صاحبه وليد عن معاناتها لأنه يبي يفضفض لأحد وفجأه لقى نفسه ببيت وليد وهو يحكي له كل شي وحتى يوم طلع من بيت صاحبه أستغرب من نفسه وليه هو سوى كذا بس شال هالفكره من بااله عبدالله ودانا وراكان وعزام ومنال ماجوا بالبارت بس صدقوني لهم حضورهم بالبارتات الجاااااايه سيف ونور : لا جديد بحياتهم ماعدا إن سيف ماعاد يتكلم مع بناات كثير وخلى وقته لنوور وبس ونور تتجهز للحفله لأنها معزومه ريم وعادل : ماخلصوا من مشاكل أم سلطان بس متمسكين ببعض حييل ،، اليوم يـــــوم الحفـله ,, نكمل بالبارت الجاااااااي البارت الجاي بيتكلم عن الحفله واللي صار فيها توقعاتكم لهااااا ؟؟ غلا بتلتقي مع العاااايله كاامله وش راح يصير باللقاء ؟؟ خزامـــى إلى آي مدى بوصلها خجلها وبسبب لها مشاكل كثيرره تتوقعون أيش ؟؟ سيف بتتغير حياته جذريا بالبارتات القادمه على يد إحدى بطلاتنا كيف ومنهي البطله ؟؟

فارس الشهباء 09-20-2015 10:53 AM رد: رواية رماني وقال ما ابيها   البارت العاشر ودي اجيك من التعب ثم أضمك وتشوف أنا وشلون عايش بلياك .•:*¨`*:•. .•:*¨`*:•. قربك عطر ودي من البعد أشمك أخاف يبرد مابقى لـي بذكـراك .•:*¨`*:•. .•:*¨`*:•. أبنثرك في عروق قلبـي ولمـك وأحسسك بالحب في يوم لقيـاك .•:*¨`*:•. .•:*¨`*:•. باقي معي أغلى هديـه تهمـك صورتك كاتب فوقها مقدر أنساك .•:*¨`*:•. .•:*¨`*:•. متى يزين الوقت وأكـون يمـك اقلها اعرف ظروفـك ودنيـاك .•:*¨`*:•. .•:*¨`*:•. ياليتني في أنفاس روحك ودمك أبقى معك وأعيش الأيام ويـاك .•:*¨`*:•. .•:*¨`*:•. ياكثر ماني بغربتي شلت همـك انشد نجوم الليل من عقب فرقاك .•:*¨`*:•. .•:*¨`*:•. عليك أخاف أكثر من أبوك وأمك والله ماتلقى قلب مثل قلبـي أغـلاك .•:*¨`*:•. .•:*¨`*:•. مارتاح أنا من الوله لين أضمك وأعلمك وشلون حالـي بليـاك عند رؤى وغلا الساعه 2 الظهر رؤى تكلم الكوافيره : يعني متى تجين ؟؟؟ الكوافيره : بجي الساعه خمسه أو أربعه رؤى : لا.. امممم تقريبا أربع ونص تعاالي اووكي الكووافيره : اووكي حبيبتي رؤى : يالله بااي وسكرت الخط رؤى : اووف تقهر اقوله تعالي في الوقت الفلاني تقوول لا بجي كذا وكذا غلا : ههههه أهم شي بتجي رؤى : إيه والله أهم شي بتجي وترى حسبت حسابك عند الكوافيره غلا : أنتي علمتيني عالمكياج وصرت أعرف منه بس شووي خلني أصلح لنفسي رؤى : لالا غلوو مايصير حتى أنا بسوي عند الكوافيره غلا : طيب على راحتك طق الباب عليهم رؤى : تفضل دخلت الشغاله : مدام رؤى ماما يبي أنتي رؤى : ماما تبيني ماتدري ليه غلا نغزها قلبها وتحس بالشي يخصها هي ألتفت رؤى لغلا وقالت : غلو بروح لأمي شوي وبشوف عندها وبرجع طيب غلا : طيب حياتي طلعت رؤى وتركت غلا بغرفتهاا قامت غلا ووقفت على البلكونه حقت غرفة رؤى وكانت البلكونه مطله على الحديقه كانت تطالع الحديقه لمحت سياره جايه من بعيد وقفت السيار ه عند بيتهم وغلا عالطوول تخبت خافت يشوفها فهــد وقف سيارته ونزل وقفلهااا ونزلت معاه وحده وراح لها تكلم معااه شووي وأخذها داخل للبيت غلا بعد مادخلوا كانت تراقبهم : هذا فهد اممممم مين البنت اللي معاه ؟؟ يالله وأنا وش علي منهم ؟؟ عند أم فهد ورؤى أم فهد : لا تظنين إني ماشفت حركاتك طوول هالأسبووع رؤى : يمه وش تقصدين أم فهد : أنا وش قلت لك أول ماجتنا هذي ( تقصد غلا ) هاه وش قلت ؟؟ رؤى بتوتر : ماأدري نسيت أم فهد : أذكرك قلت لك لا تماشينها وبعدي عنها طوول الأسبوع شايفتكم مع بعض بس ماكنت فاضيه جات لنا عزيمة نواف فجأه ولا كان أقدر أتصرف معاكم رؤى : يمه أنا مستحيل أسووي اللي قلتيه أم فهد : تعصيني أنا عشان هالزفت رؤى : يايمه حرام عليك أنتي ظالمتهاا أم فهد : لا ظلمتها ولا شي وبتسمعين كلامي غصبٍ عليك رؤى : مو سامعه كلامك أم فهد بصراخ : والله يارؤى لـ... أبو فهد قاطعها و بصرخه : نووره أم فهد سكتت وهي متفشله أبو فهد : رؤى بابا أطلعي لغرفتك أمسحت رؤى دموعها اللي نزلت غصب وراحت تركض لغرفتها أبو فهد قرب لها أم فهد خافت ينفذ تهديده أبو فهد : وش قلت لك أنا ماقلت لك أتركي البنت براحتها ( وبصراخ ) : قلت ولا ماقلت أم فهد : الا ياأبو فهد بس أنـ.. أبو فهد قاطعها من جديد : حتى بنتك ماسلمت منك ومن تهديداتك أم فهد أستجمعت قوتها وقالت : إيه بس أنا صاادقه بكل شي أبو فهد : أسكتي وأسمعيني زين والله ثم والله لو تعرضتي لها ياأم فهد بيتي يتعذرك والباب يوسع جمل أم فهد بصدمه : بتطردني أبو فهد عطاها ظهره : أفهميها مثل ماأنتي حابه أنا بطلع الحين طلع وتركها بصدمتها أم فهد جلست على سريرهم وهي مو مستوعبه بيطردها عشان وحده مثل غلا مو معقووله بالنسبه لهاا إزداد كرهها وحقدها على غلا تعتقد إن غلا سبب كل هالمشاكل وودها تبعد بناتها عنها بآي طريقه وهي خايفه من أن غلا تفشلهم قدام صديقاتها على حسب تفكيرها الغبي عند فهد والبنت اللي معااه ؟؟ : فهد وين أمك من أول ماجيت ماشفتها فهد : بتجي الحين قبل ماأجي متصل عليهاا أنا .. المهم جوري وش أخبار شغلك جوري : تمام بس متعبيني هالأطفال هههه فهد : هههه عادي بالعكس يجننون جوري : إيه يهبلون فديتهم دخلت عليهم أم فهد وسلمت على جووري أم فهد : وش أخبارك ياجووري جوري : تمام الحمد الله فهد : يالله بتركم أنا طاالع جوري وأم فهد : فماان الله طلع من عندهم فهد وهم كملوا سواليفهم ( جوري أخت أم فهد الصغيره عمرها 23 ساكنه بالرياض بس جات تحضر العزيمه تشتغل دكتورة أطفال مالها دور أساسي بالروايه ) عند رؤى وغلا من يوم رجعت رؤى لغرفتها وهي ساكته وشكت غلا فيهاا غلا : فيك شي رؤى ماتبيها تدري عن اللي صار هزت راسها بلا وهي ساكته وواضح عليها السرحان غلا تأكدت الحين من شكوكها تدري إن أم فهد مكلمه رؤى ومهاوشتها بسببها غلا : أدري عن كل شي رؤى ألتفت لهاا واضح الصدمه بعيونها : تدرين ؟؟ غلا هزت راسها بإيه وكانت واثقه من شكوكها عشان كذا أعترفت لرؤى رؤى بإستغراب : شلون عرفتي؟؟ غلا نزلت راسها وقالت : لاحظت مراقبة أمك لناا وشكيت يوم نادتك لغرفتهاا رؤى : غلا ترى أنا مالي ذنب بــ .. غلا قاطعتها وهي مبتسمه : لا أنا أعرفك رؤى أدري بكل شي وأدري إني مو مرغوبه من قبل أمك رؤى : لا تزعلين قلبوو غلا سكتت وماقالت شي ماقدرت ترد وماتدري يحق لها تزعل أولا في بيت سلطان سلطان : وليه مو رايحه جنى وهي تعطيه ظهرها: جمعتكم عائليه وماأقدر أروح بيسألوني من أنا سلطان : حبيبي من قالك إنها عائليه في ناس كثاار بيجوون وحتى صاحبات خواتي بيحضرون جنى : لا قلبي الله يخليك ماأقدر أنت ماتدري وش يمكن يصير صح سلطان بقهر : كاان ودي تروحين جنى : ماعليه مره ثاانيه قلبي سلطان : اوكي غلاي على راحتك جنى : أنت متى بتروح سلطان : على المغرب إن شاء الله جنى قربت له ومسكت يده : بشتاق لك سلطان ذاب : وهـ بس خلاص مو راايح ليش أرووح والقمر عندي جنى : هههههههه عند سمر كانت جالسه وجنبها كريماتها تحط منهم دخلت عليهاا هنادي من دون ماتطق البااب سمر تطالعها بإستغراب ؟؟ سمر : هييه مافي شي أسمه بااب هنادي : أسمعيني بس بقولك حاجه سمر بطفش : وشو أتحفينا من عندك هنادي : أمس سمعتك تكلمين رؤى عن غلا سمر : وطيب ؟؟ هنادي : بصراحه ماأبيك تماشينهاا سمر : لا والله أنتي بالأول شوفي من تماشين وبعدين هنادي قاطعتها : سمر أحترمي نفسك ولا تتكلمين معاي كذا سمر : أقوول هنوده الباب ينتظرك هنادي : طيب يا سميراان بتحتاجيني يوم من الأيام وطلعت من الغرفه وسمر تضحك عليهااا دخلت لغرفتها وأتصلت عالطول على وسن وسن بعد كم رنه ردت : هلا هنادي هنادي : قلت لسمر كل شي ومو فاهمه وسن : عادي بعدين بيسمعون مناا وكملوا سوالفيهم اللي مالها داااعي خخ في جناح خلود وفارس كانوا جالسين يتغدون بالجناااح فارس : متى بتروحين المستشفى خلود : ليه أروح ؟؟ فارس بعصبيه : يعني ليه وربي مدري وشلون صايره هالأيام تسوين نفسك ماتدرين أكيد عشان تكشفين عن الحمل خلود أستغربت صراخه عليها وقالت له بهمس : بروح هاليومين تحس أنسدت نفسها من العشا وقامت منه فارس : على وين خلود : مو مشتهيه بروح أشوف سارونه وبقومها من النووم راحت لغرفة سارا بنتها وكانت في وسط جناحهم دخلت عليها وشافتها نايمه خلود وهي تجلس عالسرير : سارونه ياماما سارا نايمه ومو راضيه تقووم خلود شالتها غصب عنها وصارت تقوومها قامت سارا وهي مبوزه خلود : فديت بنوتي شالتها معاها ودخلتها للحمام ( أكرمكم الله ) عند فارس يااربي شكلها زعلت اففف أنا ضروري أصرخ عليها طيب ماأدري وش فيني هالأيام أبيها تحمل بسرعه وهي المسكينه تعباانه شافها طالعه من الحمام ( أكرمكم الله ) وماسكه سارا بيدها بعد ماغسلت وجهها دخلت لغرفة سارا بتبدل لها لبسها مشى فارس ودخل ورااهاا شافته خلود يوم يدخل وصدت عنه بسرعه ماتبي تحط عينها بعيونه فارس تأكد أنها زعلانه قرب منها وقال : سارونه عمك فهد يبيك برا روحي له يابابا سارا على طوول نطت بتروح لفهد مصدقه هههه خلود عارفه ليه سوى كذا وماعطته وجهه قرب لها وجلس جنبها وحط يده على كتفهاا فارس : قلبي أنا أدري أنك تعباانه وأنا أتعبتك زياده بسالفة الحمل وكنت أناني شووي بس صدقيني كل هذا ماكان من قلبي بس كان ودي بولد يفرحني خلود قاطعته : وأنا ماأهمك وصحتي ماتهمك فارس ضمها : حبيبي من قال هالشي أنتي صح تعبتي بسارا يمكن لأنها جات بالشهر السابع بس ولأنها بكرك وكنتي صغيره بس الحين الوضع تغير وهذا مولودك الثاني ( بعدها عنه شوي وقال ) : لو يخيروني بين الدنيا كلها وأنتي وربي بختارك فديتك لو الحمل صدق يتعبك أنا بنفسي بجيب لك اللي يمنعه عشان ماتحملين وأفقدك بس ياقلبي هو مو خطر عليك والحمد الله ...! خلود أقتنعت بكلامه شووي بس ساكته ومو رايضه تتكلم معاه فارس : وش فيك حياتي ليه ساكته خلود : ولآشي بس هالأيام صاير عصبي حيل حتى سارونه ماعاد تتكلم معاها كثير ولا تلاعبها مثل قبل فارس بمزح : سارونه بنتك تحب فهد أكثر مني وأنا أبوها خلود : هههههههه فهد مدلعها فارس : وأنا وش ذنبي خلود : ذنبك إنــ ( ماكملت كلامها وهي تطالع الساعه اللي بالجدار وشهقت ) فارس : بسم الله وش فيك ؟؟ خلود : الكوافيره بتوصل بعد شوي وأنا ماجهزت شي قامت بسرعه وأتجهت لجنااح رؤى وهي تاركه فارس فارس بعد ماطلعت : افف يوم بدينا رومانسيتنا من دون سويره طلعت لنا الكوافيره عند فهد وكانت سارا عنده يلاعبها فهد شالها ونزل هو وياها تحت لعند أمه وخالته جوري وهو نازل سمع سواليف أمه مع خالته جوري وهي تقوول أم فهد : أنا ماأبي رؤى تماشيها بتفشلني قدام صاحباتي جوري : صراحه يانوره البنت من كلامك عنها ماأشوفها سوت شي وبعدين أنتي ماعرفتيها عشان تكريهينها ومافي سبب مبرر لكرهك لهاا أم فهد : حتى أنتي ياجوري وأنا كنت أقول أختي جت وبتوقف معاي وطلعتي ضدي جوري : مو ضدك أفهميني أم فهد : أنا ماأبيها ببيتي ويا أنا ياهي بنت القريه و هذا مختصر الكلام عند فهد زفر بقهر من كلآم أمه الللي مافي سبب يخليها تتكلم كذا عن غلا وهي ماسوت شي لها نزل سارا ومسكها بيدها وراح لهم أم فهد يوم شافته قرب حست أنه سمع كلامهم من نظرات فهد لأمه فهد يكلم جوري : جوري هذي سارونه بنت فارس ماشفتيها من زمان جوري : وهـ ياناسو عليها تجنن كبرت بسم الله عليها ( أخذتها من فهد وحطتها بحضنها وصارت تبوسها ) أم فهد : يمه فهد متى جيت مو قبل شوي كنت طالع فهد من دون مايطالع لها : رجعت من ربع ساعه أم فهد الحين تأكدت إن فهد سمعهم من طريقة كلامه معاها وأنقهرت الوحيد اللي ماتبيه يسمع فهد لأنه بيسوي براسه وعنيد مرره طلع فهد من عندهم وهو معصصب من ظلم أمها لهالمسكينه غلا وهو مايدري وش يسوي في بيت أبو نواف في جناح دانا كانت تكلم خزامى دانا : خزامى الله يخليك إنسي السالفه خزامى : عجزت إلى الآن كلامهم يرن بإذني دانا : وسن وهنادي كلنا عارفين أنهم كذابات قلبي الله يخليك تعالي وأنبسطي خزامى : بحاول أتجنب وسن هنادي دانا : لا مو تتجنبينهم واجهيهم كفايه اللي يسوونه فيك خزامى : إن شاء الله أقدر دانا : طيب أنــ .. قاطعها صووت الباب دانا : لحظه خزوومه خزامى : خذي راحتك نزلت جوالها عالسرير و راحت بسرعه تفتح الباب دانا : نواف ؟؟ نواف : هلا قلبي بغيت اللاب حقك دانا : وين لابك نواف : طفى شاحنه وماجبت له شاحن بسرعه دندونه أبيه ضروري راحت بسرعه تجيب لابها أعطته اللاب وقال لها : شوي وأرجعه لك زين دندونه دانا : زين طلع من عندها نواف ورجع لغرفته وراحت دانا تكمل مكالمتها دانا : سوري تأخرت خزامى : مين ؟؟ دانا : نواف يبي اللاب حقي خزامى : اهااا وكملوا خرابيطهم وسوالفيهم اللي ماتنتهي في جناح رؤى خلود كانت جالسه عندهم وتطالع غلا وتقول بنفسها وربي البنت مره حلوه كانت مخفيه جمالها بالحزن وشعرها واو قصه ثانيه ماشاء الله الله لا يضرها رؤى بصرااااخ : هييييييييه خوووخه من اليوم أناديك ماتسمعين خلود أنتبهت لها : خير لا تقولين خوخه رؤى : وليه إن شاء الله هذا مو دلعك خلود : ألا دلعي بس مايناديني كذا ألا فرووسي رؤى فطست من الضححك عليهاا وغلا وخلود ـأستغربوا منها وش فيها أنهبلت خخخخ رؤى وقفت عن الضحك وقالت : غلا تراها تسذب مايدلعها ولا شي قبل أسبوعين كاذب عليها ويقول أنتي سمينه ضحكت غلا غصب عنها من شكل رؤى وهي تضحك خلود : إيه هين يارؤى ( وقامت لها جايه تركض بتضربهاا) رؤى : اشش جوالي يدق ( ردت على جوالها كلمتها شوي وصكرت ) خلود : مين ؟؟؟ رؤى : الكوافيره جايه بالطريق وكملوا سوالفيهم إلى إن جات الكوافيره وبدت تشتغل فيهم في بيت أبو سلطان بالتحديد بجناح ريم وعادل خلصت ريم شغلها من الكوافيره وكانت تحط اللمسات الأخيره بنفسها على المرايه حست بيد على خصرها عادل : الله على هالحلا كله شكلي بخطفك وماراح أخليك تروحين ريم : هههههه تسلم حبيبي عادل باسها على خدها وقال : بس تسلم طيب عطيني بوسه ريم بترجي : لالا تكفى عادل بتعفس شكلي خليها بعد مانرجع عادل : اوكي قلبي عشان خاطرك بس طق الباب عليهم عادل بصوت عالي : مين ؟؟ دخلت سمر عالطووول وهي تركض ريم : بسم الله وش فيك سمر : ولا شي بس بسألك جاء عادل لها وعفس شعرهااا : جايه عشان كذا خوفتينا سمر : يووه خربت شعري طلع وماعطاها وجه وهو منقهر منها قطعت جوهم الحلو هو وريم ريم : هاه سموره وش تبين سمر : محتاره أحط العدسات الخضراء ولا الرصاصي ريم : فستانك وش لونه سمر : لونه فوشي ريم : لا أجل حطي الرصاصي سمر : اووكي باااي ( وطلعت من غرفتهاا ) ريم : بايات ريم شافت جوالها عالطاوله وأخذته بتتصل على رؤى عند رؤى كانت تستشور شعرها الكوافيره رؤى : اووف جوالي يدق تكفين خوخه ردي عليه خلود أخذت جوالها وشافت الرقم وعرفت أنه ريم وردت عليهاا خلود : ألو ريومه ريم : هلا خلود كيفك ؟؟ خلود : تمام هلا فيك ريم : وين رؤى عن جوالها خلود : عند الكوافيره ريم : اها خلود ياقلبي عطيني غلا ماعليك أمر خلود بلقافه :ليه وش تبين فيهاا ؟؟ ريم : بتطمن عليهاا خلود : اووكي ( نزلت الجوال من يدها وقالت لغلا ) : غلا تعالي ريم تبي تكلمك غلا : أنـا خلود مدت لها الجوال وقالت : إيه كلميها تنتظرك غلا أخذت الجوال منها بتردد : هلا ريم ريم : هلا غلو كيفك غلا : الحمدالله وأنتي كيفك ؟؟ ريم :زينه .. غلوو طمنيني عنك إن شاء الله مرتاحه غلا طالعت خلود ورؤى وقالت : الحمدالله ريم : زين يا قلبي حبيت أتطمن عليك إذا كنتي محتاجه شي لا يردك ألا لسانك طيب غلا : طيب ريم : تبين شي غلا : لا سلامتك ريم : يالله مع السلامه وسكرت منهااا رؤى بلقافه : غلو وش تبي منك ريووم وليه ماكلمتني البطه ؟؟ خلود : أنتي ماتبين تكلمين أحد رؤى : أسكتي خلودوه خلود جت بتتكلم بس قاطعتها غلا : كانت بس تطمن علي رؤى : اهاا عشان كذا .. المهم غلا مو ناويه تقصين شعرك خلود : لااااااا حرام عليك شعرها رووعه رؤى : يمه بسم الله علي ضحكت غلا عليهاا وقالت : لا رؤى ألا شعري رؤى بطفشش : طيب على راحتك

فارس الشهباء 09-20-2015 10:58 AM رد: رواية رماني وقال ما ابيها   في بيت أبو نواف أم نواف كانت بالصاله شافت نواف نازل من الدرج ومشخص بالثوب والغتره وطالع شكله واااااااو رووعه أم نواف : ماشاء الله يايمه صاير معرس نواف ضحك عليها : شكلك تبيني معرس صدق يالغاليه ( باس راسها ) أم نواف : إيه يايمه أنتظر هاليووم دانا وهي نازله : وحتى أنا أنتظره نواف : ماشاء الله أتفقتوا علي دانا : إيـه .. المهم ماما شووفي لبسي حلوو ( لابسه فستان أحمر لفوق الركبه بشووي وإكمامه طوال وشفافه ومن تحت الصدر حزام أسود ) أم نواف : إيه يايمه تهبلين يالله ألبسي عباتك بنمشي لبست دانا عباتها وطلعوا رايحين بسيارة نواف اما عبدالله وأبو نواف سبقووهم بربع ساعه بسيارة عبدالله علــى وقت المغرب تقريبا خلصوا كل العائله من التجهيزات وتوجهوا لمكان الحفل بقصر جدهم الواااسع وبدوا المعازيم يجووون لمكان الحفل البنات ماشاء الله كاشخين وكل وحده تقول الزين عندي ( غلا لابسه فستانها الأسود وصفته البارت اللي راح وفاكه شعرها كله وماسكه بعض الخصل ومنزله بعضها على وجهها ومكياجها كان مره خفيف ومع ذلك طالعه مـلاك ) ( رؤى لابسه فستان موفي طووويل وله ذيل من وراء وعاري الأيدين ومن عند الصدر فيه فصوص فضيه مسويه تسريحه شينون ومكياجها حلو ومو خفيف كثير ) ( دانا وصفت لبسها بس باقي المكياج كانت حاطه كحل أـسود مره غامق محددها فيه عيونها وموسع عينها حيل وحاطه روج أحمر صارخ ومخليها بيضاء أكثرر أما شعرها فاكته كله وحاطه ورده على الجنب حمراء ) ( سمر لابسه فستان فوشي صارخ لفوق الركبه مزين بكرستالات آخر الفستان لونها فضي ولابسه شوز يربط إلى الركبه وفاكه شعرها القصير وعليه طوق فوشي أما المكياج بس كحل وروج صارخ فوشي لأن سمر ماتحب المكياج الكثير وأكتفت بروج والكحل ) ( خزامى لابسه فستان سماوي لنص الركبه جدآ نااعم الفستان وزايدها نعووومه وحاطه كحل أزرق غامق وروج وردي خفيف وشعرها ماسكه نصه والباقي فاكته وملفوف من تحت بطريقه حلوه وناعمه ومنزله بعض الخصل على وجهها ) ( خلود لابسه فستان عنابي طووويل مرره ضيق وجسمها عليه روووعه حاطه كحل وروج خفيف وبلاشر أما شعرها مسويه فيه تسريحه حلوه وبنتها سارا لابسه فستان وردي بأبيض قصير وطالع شكلها مره كيووت ) (ريم لابسه فستان تفاحي لتحت الركبه ضيق من فوق ألى الخصر ومن تحت يوسع حاطه كحل أخضر وروج فوشي صااارخ وفاكه شعرها كله ) ( هنادي لابسه فستان برتقالي فااتح مرره وضيق وحلو على جسمهاا وحاطه روج برتقالي شوي غامق وكحل ثقيل أسود ورافعه كل شعرهاا ومنزلها بعض الخصل ) ( وسن لابسه فستان رصاصي لنص الركبه موديله جنااان ضيق حييل ومن تحت يوسع شوي وحاطه روج أحمر صارخ وكحل أسود والظل فضي وشعرها مسويه فيه بف من قدام ومن ورا فاكته ) في مكان الحفــل بدو يسلمون المعازيم ويرحبوون فيهم عند هنادي وهي تنزل عبايتها : متى جيتي ؟؟ وسن : مالي ألا خمس دقايق هنادي : شفتيهاا وسن : منهي ؟؟ هنادي بهمس وهي تجلس بنفس الكنبه اللي جالسه فيها وسن : غلا يعني من ؟؟ وسن : اهاا لا والله يمكت متأخريـ... ( ماكملت كلامها ألا بدخووولها ) هنادي : وش فيك وسن تأشر لها : شوفي اللي دخلت مع رؤى هنادي ألتفت وشافتهااا غــلا كانت واقفه مع رؤى تسلم على سمر رؤى : هذي سمر بنت عمي اللي كلمتك عنهاا سلمت عليها غلا : شلونك غلا غلا بخجل : تمام الحمدالله جاتهم خزامى ودانا وسلموا عليها وتعرفوا عليها بمساعدة رؤى هنادي وهي تطالع فيهم : مستحييل وسن : وشو المستحيل هنادي : بالله عليك هالقمر تكون بنت القريه وسن : يمكن مو هي يمكن وحده من صاحبات رؤى هنادي أنصدمت من جمالها وشعرها المنتثر على ظهرها بنعوومه ولا جسمها قصه ثاانيه والميك آب كان مرره قليل ومع ذلك طالعه خياااال وسن : هناادي بروح أشوف يمكن ماتكون هي هنادي وهي تقووم : لحظه بروح معاك دانا : اوف شوفوا مين جاء ألتفتوا البنات ويوم شافوا هنادي ووسن أنقلبت وجيههم مية لوون غلا أستغربت منهم وماحبت تسأل هنادي ووسن : سلام البنات : وعليكم السلام هنادي : رؤى ماعرفتينا على صاحبتك رؤى بإبتسامه : هذي مو صاحبتي هذي بنت عمي غــلا هنادي سكتت ماقدرت تقول شي تمنت ماتكون غلا ماتوقعتها أبد كذا وسن أنقذت الموقف وأخذتهاا وراحت وسن بعدت عنهم وهي تسحب هنادي معاها وسن : وش فيك ساكته ساعه هنادي : ولا شي بس مقهووره وسن : من أيش من هذي هنادي : لا تخسي بس بنت الذينا ماتوقعتها بهالجمال وسن : شوفي وين راحوا رؤى أخذت غلا تسلم على جدتها أم محمد ( منيره ) رؤى : يمه هذي غلا بتسلم عليك سلمت عليها الجده وخلتها تجلس بجنبهاا أم محمد : وشلونتس وأنا أمتس غلا تذكرت جدتها : تمام أم محمد : مرتاحه هنا يايمه غلا بتردد : إيه ياخاله أم محمد : أنا أمتس لا تناديني ألا يمه أبتسمت لها غلا وهزت راسها بإيه جلست تسولف معاها شوي وبعدين راحت للبنات جلست مع البنات وهي سااكته وكانوا يسولفون ودخلت معاهم بجو سوالفيهم عند أم فهد وصديقاتها تطالع غلا وهي مقهووووره وخلاص بتنفجر ماتبي رؤى تمشي معاها أم معاذ صاحبتها : ألا ماقلتي لي هذي البنت الللي كلمتيني عنها ( تقصد غلا ) أم فهد بقههر : إيه هذي هي أم معاذ بخبث : قلتي أنها مو حلوه بس أشوفها قمر أم فهد بغرور : احنا اللي منظفينها من هالزباله اللي جايه منهااا << حقيره خخخ أم معاذ سكتت وهي مو مصدقتهااا عارفه غرور أم فهد عنـد البناات رؤى : بنات ترى الجامعه ماباقي عليها شي وأنتوا حتى ماتقضيتوا لهاا سمر : اووف لا تذكرين المطعسه قدامي خزامى : ياماما خلاص أنتي الحين بالجامعه فضحتينا لا تقولين مطعسه دانا : هههههههه سمر : بكيييفي دانا : غلا أنتي تدرسين غلا : لا خزامى : ولييه تركتيها غلا : ماتركتها بس احنا بالقريه بس البنات يدرسون المتوسطه ويوقفون رؤى : طيب ليه غلا : ماعندنا مدرسه ثانويه اللي تبي تدرس الثانوي تروح للخبر رؤى : اهااا عشان كذا سمر : رؤى ترى نور جت رؤى قامت بسرعه لنوور وسلمت عليها ورحبت فيهااا دخلت نور لهم وسلمت على البناات دانا : نوير وش عندك متأخره نور بقههر : ولي يرحم أمك لا تقولين نوير دانا ترفع حواجبها وبتقهرها زياده : نوووير ضحكووا البناات علي شكل نوور غلا : عن أذنكم رؤى : ووين غلا : عطشانه بروح أشرب لي موويه البنات : إذنك معااك طلعت تشرب لها مويه من عند المطبخ وأم فهد لمحتها يوم ترووح من عند البنات ولحقتها للمطبخ عند غلا بالمطبخ غلا تكلم الشغاله : لو سمحتي عطيني موويه فهمت عليها وراحت تجيب لها مويه من الثلاجه وغلا كانت معطيه الباب ظهرها حست بأحد يمسكها على كتفها ألتفت بقووه واللي صدمها أم فهــد قدامهاا غلا بإستغراب : نعم ؟؟ أم فهد : لا تحسبيني ماأعرف ألاعيبك على بنااتي وجدهم وعمانهم غلا : آي ألاعيب أم فهد : لا والله ياالبريئه ولا حنا فجأه تطلع لنا وحده تقرب لنا مستحييل أصدق السالفه يكوون بعلمك يابنت الفقر لا تظنين إن الكل مصدقك لا أكيد بيوم من الأيام بيعرفونك على حقيقتك غلا : مو فاهمه عن أيش تتكلمين وربي ماسويت شي أم فهد بصراخ : مو لازم تفهميـن أهم شي تاخذين قشك وتطلعين برا البيت غلا : أنتي بآي يحق تصرخين علي أنا ماأسمح لأي أحد يهيني حطت غلا يدها على خدها من قوة الكف اللي جاها من أم فهد أم فهد : وترادديني بعد نزلت دموعها غصب عنها وصدت عن أم فهد ماتبي أم فهد تشوف ضعفهاا طلعت أم فهد من المطبخ بعد ماأشفت غليلها من غـلا اما غلا مسحت دموعها وأخذت المويه اللي نزلتها الشغاله على الطاوله بتشربها لعل وعسى تبرد النار اللي جواها بس وقفها الصوت الغريب هنادي : ههههههه ألتفت غلا لها هنادي : وش فيك تطالعيني كذا ماسمعتي خالتي أم فهد وش تقوول كلامها واضح ضفي قشك وطلعي ( هنادي كانت تتسمع لهم من قبل ) طلعت غلا من المطبخ ودموعها تسابقهاا شافتها رؤى ولحقتها رؤى : غلا غلا وقفي وش فيك وقفت غلا ومسحت دمووعها اللي نزلت غصب قربت منها رؤى : غلا وش فيك غلا بصوت مخنوق : ولا شي رؤى : وهالدمووع غلا نزلت دموعها من جديد يوم تذكرت الموقف رؤى أخذتها وطلعت فووق وجلست هي وياها بغرفة من الغرف دمعي فضحني لو آخفيتــــه ~ دمعي فضحني لو أخفيته ~ زولڪـ ـ على الدوم يبرالي~ ماأنساه مهما تناسيتة~ واطوح الصوتبالعالي ~ وين إنت ليتڪـ ـ توحيته~ مانيب للصبر محتالي ~ ومن الضنا البعد مليتة ~ رؤى : قولي لي وش فيك ؟؟ غلا ماقدرت تتحمل وقالت لها كل شي رؤى أنصدمت من الي سووه أمها وهنادي وجلست تواسي غلا شووي غلا : أنا مو راجعه البيت رؤى : أيش أنتي مجنونه غلا : إيه أروح بكرامتي أحسن رؤى : غلوو بلييز لا وين بتروحين يعني غلا : لقريتنا لآي مكااان ماأدري رؤى : غلوو بلييز بلاش هالحركاات الله يخليك غلا : وش تبيني أسوي أنهان وأسكت وأرجع لبيتكم ولا كأن شي صاار رؤى : أنا ماقلت كذا بس بلقالك حـل غلا : وشو أتحفينا رؤى : امممم أجلسي هنا ببيت جدي غلا : لا شلون أجلس مستحييل رؤى : بقول لجدتي وبعدين بس يومين وبلقالك حل غلا : لالا رؤى الله يخليك شلون أجلس ومالي مبرر رؤى : قولي ماأرتحت هناك وصدقيني جدي يبيك هنا عنده سكتت غلا وماقالت لها شي رؤى : أمشي ننزل تحت نزلت معاها وهي ساكته رؤى راحت لجدتها وقالت لها عن غلا بتجلس عندهم هاليومين لأن هناك ببيتهم ماترتاح بوجود فهد وفارس وافقت أـم محمد وبالعكس رحبت بالفكرره حييل عشان أبو محمد يجلس مع غلا هاليومين وعشان غلا المسكينه من يوم أنزلت غلا وهنادي نظرات الطنازه لها ملاحقتها وتضحك عليها وغلا ساكته متحمله هالليله وتدعي أنها تمر على خيرر البنات لاحظوا التغيير على غلا دانا : غلا فيك شي ؟ غلا : هاه لالا مافيني شي خزامى : متأكده غلا : إيه بس دايخه شووي خزامى : سلامتك غلا : الله يسلمـك عند هنادي ووسن وسن : من جدك قاعده تتكلمين هنادي : إيه وعطتها كف وربي مستحييل تنساه وسن : مدري احس رحمتها هنادي حطت يدها على خصرها : لا والله وليه رحمتيهاا وسن : اووف ليتني ماقلت شي خلاص أسكتـي هنادي : تتوقعين تطلع من بيت عمي بو فهد وسن : ماأدري على حسب كرامتهاا دانا : بنات شغلوا الدي جي قومي نرقص سمر : اووكي ماعندي مانع ( وقامت ترقص وأخذت معاها رؤى ورقصوا مع بعض ) دانا : خزووم يالله قوومي خزامى : هاه لالا ماأحب دانا عرفت ليه ماتبي وأسكتت دانا : وأنتي غلوو غلا : لا ماأعرف خلي نوور نور : هههههه وربي لو أرقص يمكن يهجون الناس دانا وغلا : ههههه دانا : اوكي بروح أرقص وماعلي منكم قامت غلا ونور يصفقوون لهم ومره مبسوطين البنااات وغلا تحس رفهت عن نفسها شوي وأرتااحت عند الشباب الساعه وحده بالليل وأكثر المعازيم طلعوا والشباب جلسوا بالمجلس اللي بالحديقه عبدالله : ياأخي غيروا وش تبوون بهالقنااه فارس ومعه الريمووت : تبي آي قنااه عبدالله : فيلم آي شي فارس: ياأخي مافي ولا شي فهد وهو يسأل نواف : قدمت على آي مستشفى ؟؟ نواف : رحت لأكثر من وحده وبيردون هالأيام بس ماأدري آي وقت فهد : اهاا بس.. قاطعه سلطان : فهوود الله يخليك لا تتكلم عن الشغل عبدالله : إيه والله ياحبك لهسوالف ههههه الشباب : هههههه فهد : ليتك تسكت بس ههه وقام متوجهه للباب سلطان : فهوود على وين فهد وهو يطالع ساعته : خلاص الساعه صارت 2 ونص لازم أروح للبيت وبأخذ الأهل وطلع ودق على أمه وطلعت أمه وجوري خالته ركبوا معاه وراحوا للبيت عند البنات أكثر المعازيم راحوا ومابقى الا البنات وأمهاتهم رؤى تهمس لغلا : يعني بتجلسين غلا : ماأدري بس مستحيل أرجع لبيتكم بعد إهانة أمك لي رؤى : غلا تكفين خليك هنا ولا تطلعين غلا : حاضر من عيوني دانا وخزامى سلموا على البنات وطلعوا لسواويقهم ومعاهم أمهاتهم ووسن وهنادي سمر لحقوهم وماباقي ألا رؤى وغلا رؤى وهي تلبس عباتها : مثل ماقلت لك تجلسين هنا وبكره بجي لك غلا : إن شاء الله رؤى سلمت عليها وطلعت لسواق اللي ينتظرهاا اما غلا نادتها الجده وراحت تجلس عندهاا أم محمد : وش فيك يايمه اليوم ماأشوفك مستانسه مع البنات غلا : لا يمه بس كنت دايخه شووي دخل أبو محمد على كلمتها وتفاجئ بوجود غلا قامت غلا وباست راسه أبو محمد : وشلونك يايبه غلا : تمام الحمدالله أبو محمد : وأنا أقول بيتي منور أثاري بنتي هنا أبتسمت غلا بإحراج : الله يسلمك يبه أم محمد : غلا بتجلس عندنا هاليومين أبو محمد : حياها الله بنتي العين أوسع لها من البيت هي بنتي وبتجلس عندي غلا : الله يخليك يبه أم محمد : سالي ياسالي ( الشغاله ) سالي : نأم مدام ( نعم مدام ) أم محمد : خذي غلا لآي غرفه فوق تنام فيها وترتاح الشغاله طلعت ومشت وراها غلا أم محمد : لحظه غلا غلا : هلا يمه أم محمد : فيه ملابس للبنات فوق إذا جو عندي ينسونها هنا ألبسي منها بيجامه ونامي وأنا أمتس غلا : حاضر يمه وراحت مع الشغاله لوحده من الغرف أول ماوصلت لها رمت نفسها على السرير وضمت المخده وبكت من كل اللي صار اليوووم بكت من القهرر ومن كل شي يصير حولهاا عند رؤى وصلت للبيت ونزلت عباتها وجلست بالصاله رؤى وهي تنزل كعبها : اخخخخ ذبحني هالكعب فهد : متى جيتي رؤى : يمه من وين طلعت فهد : توني جاي لصاله رؤى : توني جايه وبروح أنااام فهد بتردد : شفتك تدخلين ومامعاك أحد رؤى : مين بيكون معاي يعني فهد : رؤى أنتي فاهمه قصدي غلا ماجات معك رؤى بإرتباك : هاه ( طالعت نظرات فهد لها ) : بصراحه لا فهد : وينها فيـه رؤى : بتنام عند جدتي اليووم فهد : اهاا رؤى : يالله أنا طالعه أناام وراحت لغرفتها بسرعه بتنام دخلت لجناحها وفكت التسريحه وزفرت بقووه : اوووف على آخر لحظه كنت بقول لفهد كل شي ههههه سحبت منشفتها ودخلت تأخذ شاور سمع صوتها إيه سمع صوتها تبكي غلا تبكي بنت الغالي تبكي طق الباب عليها ودخل عالطوول أبو محمد : غلا يايبه وش فيك ؟ غلا مسحت دموعها : لا يبه مافيني شي أبو محمد : لا أنا أعرفك قولي لي أحد قايلك شي غلا بقهر ودموع : مو مرتاحه يبه مو مرتاحه قرب منها وضمها : خلاص يابنتي خلاص و لا يهمك اللي تبينه بسويه غلا : بس أبي أرتااح أم أبراهيم : بنتي يافهد بنتي أماانه فهد : إيه أدري وأنا قد الأمانه أم إبراهيم : بنتي مو مبسوطه بنتي مو مرتااحه ريحها يافهد ريحها ولا مابسامحك هذي أمانه قـام من هالحلم بسرعه فهد : بسم الله الرحمن الرحيم دخل الحمام ( أكرمكم الله ) غسل وجهه وعرف إن اللي شافه حلم فهد : أعوذ بالله وش هالحلم تذكر أم إبراهيم بالحلم ونثر على وجهه المويه من جديد يبي ينسى اللي صار جفف وجهه بالمنشفه وطلع لفراشه من جديد رمى نفسه عالسرير وراح بسابع نومه من التعب عند غلا حاول أبو محمد يهديها لحد مانامت وهو مايدري وش فيها بس اللي متأكد منه أنها مو مرتاحه وهذا اللي خايف منه عيوني ماذاقت طعم لنوم ولا تنتظر من يصحيها محروم من راحة البال محروم وتشقي نفسي ذكريات البلا فيها ماذقت لسعاده طعم ولا لون وأـنتظر فرحه من خلي تجيني ويجيها ساعات أحلم وأدعي رب الكون وساعات أبكي ونفسي من يداويها خلاص أنا عرفت اليوم وش هاليوم ضيقة سنين ومانقضت بلاويها بقلمـــي ~ الصبح راحوا الشباب اليوم لشركه متأخرين بسبب تأخرهم بالحفله وأما فهد راح لجده يبيه بموضوع وفهد وهو في السياره ثالث مره يتكرر عليه نفس الحلم ولا يدري وش قصته ساعات يقول بس كوابيس مزعجه وساعات يقوول لا أحسه حقيقي واللي تقوله أم إبراهيم صح غلا مو مرتاحه ولا ذاقت طعم الراحه عندنا وصل لبيت أبو محمد نزل ودخل للبيت أبو محمد كان ينتظر جيته بمكتبه دخل فهد عليه وباس راسه أبو محمد : هلا بولدي فهد فهد : هلا فيك يبه أبو محمد : أشغلت بالي وش فيك يافهد فهد : يبه بصراحه ( قاله عن الحلم ويبي يجيب غلا عندهم ) أبو محمد : لا فهد : ليه يبه أقولك جتني بالحلم وتقول أنتوا مو قد الأمانه أبو محمد : تبي ترجعها للبيت وهي مو مرتاحه عند آي أحد منا ولا هي تحس بالأمان فهد : يايبه أفهمني هذي وصيه وأنا الشخص اللي وصته على بنتها أنا المسؤؤل عنها أبو محمد : دامك الوصي عليها وخايف عليها وماتبي تخون الأمانه مافي ألا حل واحد فهد : وشو ؟؟ أبو محمد : البنت خايفه من كل شي ولا تحس بالأمان لأنها تحس نفسها غريبه عنا ومو محرم لآي واحد منا ماعدا أنا بس أنا مابقى لي بالعمر كثر ماراح خايف أموت وبنت الغالي ( يقصد غلا ) تضيع بينكم فهد : الله يطول بعمرك يايبه بس وشو الحل مافهمتك أبو محمد : تتزوجها ..! أنتهــــــى البارت قرار الجد اللي أتخذه لفهد وغلا بتحقق أو لا ؟؟ مامصير دانا بالبارتات القادمه ؟؟ ومن هي البطله اللي بتغير حياة سيف ؟؟

فارس الشهباء 09-21-2015 10:30 AM رد: رواية رماني وقال ما ابيها   البارت االحادي عشر كذاااا يعني تخيليني كذاا تقسى وتتركني وانا بكل اخلاصي اعطيتك وش الي صار وغيرنا تبدل حالنا احزاان وصار الدمع يطردنا وبكل موقف يبكينااا ابي افهم وش الي صار..!؟ وش الي غير احوالك تبي تبعد وتتركني وتنسنى حبنا الي كان..! ابي افهم قبل ترحل لان رحيل الصمت يجرحني..,,, تكلم وقل وش الي صار وبدل حالتك قاسي عجزت امسك دمع عيني وابين حالي اني بخير وحال الصدق وكل الصدق كسرني غيبااك القاسي..., عند غلا قامت من النووم ومسكت راسها من الألم غلا أستغربت المكان اللي هي فيه : آآه أنا وين .. التفتت للبسها وشافت لبس الحفله عليها إلى الآن ومابدلته تذكرت لليلة أمس اللي كانت صعبه عليها قامت من السرير متوجهه للحمام ( أكرمكم الله ) ووجع راسها إلى الآن ماخف ألتفت للمرايه وشافت الكحل سايل عليها ومرره مخربها تذكرت بكاءها ماوقف ألا بعد ماجاءها أبو محمد غلا : اووف لا يكون خبرت عمي أبو محمد بكل شي وربي بينخرب بيت أم فهد الغريب إني خايفه عليها وهي سبب كل شي صار لي أفتحت الدش ونزلت تحته وهي الآن مانزلت ملابسها كانت المويه بارده يمكن تخفف من حرارة قهر قلبها من اللي صار عند أبو محمد فهد : الله يطول بعمرك يبه بس وشو الحل مافهمتك أبو محمد : تتزوجها ..! فهد قام من الصدمه : أيش أبو محمد : مثل ماقلت وأتوقع سمعتني فهد : يايبه أنت عارف وش قاعد تقوول أبو محمد : إيه أعرف ومتأكد من قراري فهد : بس يايبه أبو محمد قاطعه : إذا تبي رضاي تتزوجهاا وإذا ماتبي براحتك رووح فهد أحتار رضا جده ولا حب حنين وأنه مايتزوج بعدها أحد : بفكر وطلع من مكتب جده بس وقفه صوت جده أبو محمد بحزن على اللي صار ومتأكد أن فهد مو موافق : رووح يافهد ألتفت له فهد وقال بسبب حزن جده : موافق يالغالي وطلع من مكتب جده من دوون كلام زايد له مايدري ليه وافق مايدري ومحتار طلع وعقله مو معاه ولا كأنه هو اللي وافق ولا كأن وراه مصير ينتظره ركب سيارته ومشى ألى مجهووول مايبي يروح الشركه ولا يبي يتذكر اللي صار إلى الآن مايدري وش يبي ليه لأنه مو مصدق شي .. عند غلا اللي ماتدري عن آي شي يصير حولها بدلت لبسها ببجامه لونها برتقالي فااتح وصلت الصلوات اللي فاتتها مشطت شعرها المبلول ورفعته بإهماال ونزلت تحت عند أم محمد دخلت عندها ولقتها تقرأ قرآن وجلست تنتظرها أم محمد حست فيها خلصت من القرايه وألتفتت لها أم محمد : هلا يمه غلا باست راسها : صبآح الخير أم محمد: آي صبآح أذن الظهر له نص ساعه غلا : هههه أم محمد : وراتس تأخرتي بالنوم غلا : مانمت ألا متأخر دخل عليهم أبو محمد وقامت غلا وباست راسه أبو محمد : كيفك يابنتي غلا : تمام الله يخليك يبه عند فهد وصل لشركة أبووه بخبره عن كل شي دخل عنده ولقاه مشغوول باالأوراق اللي معاه أبو فهد : هلا فهد فهد : هلا فيك توني جاي من عند أبوي ( يقصد أبو محمد ) أبو فهد : قالك عن موضوع غلا فهد رفع راسه لأبوه بصدمه: أنت تعرف أبو فهد هز راسه بإيه وكمل : قال لي من قبل وأنا فكرت فيها وموافق فهد : موافق أنا أبي أعرف أنا مالي رأي عندكم أنا اللي أقرر من نفسي والموضوع يخصني أبو فهد : أبوي إذا قال كلمه تصير يافهد فهد : يايبه قاطعه أبو فهد : فكرنا فيها ووافقنا وخلاص أنتهى الموضوع باقي أنت فهد : وش معنى أنا ليش مو نواف ولا عبدالله ولا سلطان ولا آي أحد أبو فهد : أم إبراهيم وصتك أنت عليها وأنت ماتقدر تكون وصي عليها وأنت مو محرم لها والوحيد المحرم لها أبوي بس أبوي خايف عليها والله يطول بعمره فهد نزل راسه وقال : وافقت أبو فهد : كنت حاس إنك بتوافق مهما كان تراها يتيمه ومالها أحد غيرك يافهد ..... ( وبإستغراب ) بس بسألك غلا ليش راحت لبيت جدك ..! فهد : رؤى تقوول إنى جدتي تبيها أبو فهد : اهاا ( محد يدري عن سالفة سبب هروب غلا لبيت الجد ألا رؤى وكلهم يظنون إن الجده تبي غلا عندها هاليومين وأم فهد مادرت إن غلا راحت هناك لأنها طلعت من الحفله بدري ) عند رؤى عجزت تنام ليلة أمس غلا مو عندها وهي متعوده عليها رؤى : اووووف ياربي وينك ياغلا طفشت وقامت من السرير دخلت للحمام ( أكرمكم الله ) أخذت شاور وطلعت بدلت لبسها ونزلت لقت أمها بالصاله مع خلود يسولفون غلا : مساء الخير أم فهد وخلود : هلا مساء النور أم فهد : غريبه تاركه اللي فوق وجايه عندنا مو لك أسبوع مانزلتي تحت رؤى : غلا مو بالبيت أم فهد قامت بسرعه : أجل وينهاا رؤى بنظرات غريبه لأمها : خايفه عليها بعد اللي صار أم فهد مافهمتها بس سكتت ومشت لغرفتهاا خلود بعد ماراحت أم فهد : هيه أنتي في أحد يتكلم مع أمه بهالطريقه رؤى سكتت وماقالت شي بس قالت بنفسها لو تدرين أمي وش سويت بهاليتيمه ياخلود وربي ماتلوميني قامت وراحت لغرفتها عند رؤى وهي ماشيه لغرفتها حست بأحد سحبها معاه رؤى يمه خوفتيني أم فهد: ليه هذي راحت لبيت جدتك أم فهد بحده : تكلمي رؤى : يعني ليه رايحه أكيد بسبب اللي سويتيه أم فهد : وأنا وش سويت وأحترميني أنا أمك صدق ماعرفت أربيك رؤى : لا ولا شي طلعت من غرفة أمها بسرعه قبل آي أسئله زياده لها عند أم فهد خايفه تكون غلا علمت بكل شي لأن كذا بينخرب بيتها وبينفذ أبو فهد تهديده ويطلعها من البيت أم فهد : ياربي الله يستر من يوم جات والمصايب تحاذف علينا من كل مكان دخل أبو فهد عندها أم فهد بسرعه قامت له وبتوتر : هـ هلا أبو فـ فهد أو فهد وهو ينزل شماغه : هلا فيك غريبه بالجناح توقعتك تحت تكلمين وحده من صاحباتك ولا شي أـم فهد : لا بس أنت ليه جاي بهالوقت أبو فهد رفع ساعته وطالعها وقال : على ماأتوقع يانوره الحين وقت غدا أم فهد :إيه صح الحين بروح أقولهم يجهزونه لك طلعت من الجناح بسرعه وهي تتنفس بقووه : الحمد الله شكل أبو فهد ماعرف عن آي شي نزلت تحت بسرعه متوجهه للخدم يجهزون الغدا لأبو فهد في بيت أبو نواف بعد الغدا بجناح نواف نواف : يمه أنتي تتكلمين جد أم نواف اللي كانت عنده بالجناح : إيه وأنا أمك ودي أفرح فيك ولا مستخسر علي هالفرحه نواف : يايمه ودي تكونين دايم فرحانه بس أنا ماأفكر بالزواج حاليآ أم نواف و هي مسويه نفسها زعلانه : لا يكون أعجبتك وحده من الشقر والحمر هناك وقت دراسته نواف : ههههههههههه الله يخليك لي يمه بس أنتي تعرفيني لازم يوافقون على وظيفة الدكتور اللي مقدمها وأفكر بالزواج بعدهاا ( نواف ماكمل كلامه جاه إتصال ورد عليه وباين إنه فرحه حييل كلمه شووي وصكر منه وألتفت لأمه ) أم نواف وهي تبتسم على فرحته : من المتصل؟؟ نواف : أبشرك يمه هذي المستشفى ووافقوا على وظيفة الدكتور أم نواف : ألف مبرووك يايمه نواف : يبارك فيك أم نواف : خلاص عذرك وراح لازم تتزوج نواف : هههههه مانسيتي أم نواف : لا والله وأنا أمك أنتظر هاليووم نواف عشان مايزعل أمه : اللي تشوفينه أم نواف : إيه فرحني وأنا أمك وعندي العروس اللي تقول للقمر قم بجلس محلك نواف : ماشاء الله ولا قين العرووس نواف : إيه وربي لي شهرين وأنا أفكر فيها نواف : نعرفها نعرف عايلتهاا أم نواف : إيه خزامى بنت عمك نواف : خــزامى ؟؟ أم نواف : إيه والله تناسبك أدب وأخلاق وخجل وجمال ماشاء الله عليها الله يحميها نواف : ...... صمت أم نواف : وش قلت يايمه و فيك ساكت نواف : اللي تشوفينه يايمه أم نواف : يعني موافق عليهاا نواف أبتسم : بعد كل هالمدح وماتبيني أوافق هههههه أم نواف مره أنبسطت وبتروح تكلم أم خالد نواف ضحك عليها مره مستعجله أمه وهو ماوافق ألا عشان أمه ودانا لأن دانا وحيده بالبيت وتطفش وبجيب أحد يونسها وتكون معاها داايم وخاصه إن خزامى تحبهاا حييل في بيت أبو فهد بعد الغدا جالسين أم فهد وأبو فهد بالصاله أبو فهد : غلا مو البيت ؟؟ أم فهد : هاه .. إيه صح راحت عند خالتي ( تقصد أم محمد ) أبو فهد : أدري بس ليش ماقلتي لي أول مارجعتي من العزيمه أم فهد بتوتر : كنت مشغوله مع أختي جوري ولا نسيت أنها سافرت من يومها أبو فهد : الحمدالله على سلآمتهاا المهم أبيك بموضوع ضروري أم فهد بخوف : وشو أبو فهد : فهد خطب غلا ووافقناا ( قال إن فهد خاطبها ولا قال إنهم أغصبوه عليها لأن مايبي أحد يدري ويسوي مشااكل ) وقفت أم فهد بصدمه : أيش وش قاعد تقوول أنت وأنا أمه آخر من يعلم تخطبون له من دون ماتقلون لي ولا العرووس اللي ماأتمناها لولدي وهو شلون يخطب وهو رافض الزواج أبو فهد بعصبيه : وش فيك أنفجرتي علي مره وحده خلاص خطبنا ووافقوا وبيعدين وش فيها غلا بنت ولا كل البنات ولا أبي آي نقاش بالموضوع أم فهد : إيه بس هذا ولدي لازم أعرف كل شي أبو فهد : نوره خلاص ولا أبي أسمع ولا كلمه فاهمه ولالا وإذا جاء فهد تكلمي معاه وأسأليه عن كل شي أنا طالع أنام فووق صحيني مع صلاة العصر طلع وتركها بالصااله أم فهد جلست على أقرب كنبه من الصدمه بكرها فهد تأخذه وحده نفس هاذي ( تقصد غلا ) اللي مستغربه منه فهد رافض فكرة الزواج من بعد موت حنين ليه الحين وافق وخطب بنفسه من دون أحد يدري إزداد كرهها لغلا وتعتقد إن غلا هي اللي لفت حول فهد وجابت راسه عند غلا ماأستعوبت الكلآم يرن في أذنها إلى الآن سااكته وبدون آي كلمه هذا طبعها إذا أنصدمت تذكرت كلآم أبو محمد لها من ربع ساعه أبو محمد بدون مقدمات : غلا فهد خطبك وأنا وافقت ( وعلى طول طلع من غرفتها بعد مارمى عليها الخبر اللي مثل السم بالنسبه لها ) جلست على سرير غرفتهاا ومانزلت منها آي دمعه ماتدري صدمه ولا شي ثاني بس اللي متأكده منه أنها تصرخ من جوا وتقوول ماأبيه والله ماأبيه ظلمتوني فيه ودها يطلع صوتها بس مو قادره كبرتني يا هم .. دخيلك قول للدنيا أنا عمري الحقيقي كم ؟ كبرتني يا هم .. تروح سنين من عمري تضيع وما احد مهتم ما عاد لي فيها أمل .. هالدنيا هذي يوم عمري ذبل حلمي انقتل .. فرحي غدا معدوم ابعرف وش سبب حزني .. ابعرف وش سبب لهموم كثير احزان في الدنيا .. سببها دعوة المظلوم أمانه يللي سامعني .. اذا اني ظلمتك يوم تعال و قل مسامحني .. ترى والله جفاني النوم وحالي صار حالي غم .. كأني ما دعتلي أم وكل ليلة تمر أقول .. كبرتني يا هم ! أنا ما عشت ابد سني .. ولا حسيت غير الآه احس عمري رحل مني .. واحلامي ارحلت وياه زماني يروح ويذبحني .. واعاني من التعب و القاه واقول الله يعوضني .. لي الجنــــه بإذن الله وحالي صار حالي غم .. كأني مادعتلي ام وكل ليله تمر اقول .. كبرتني يا هم ! عند أم محمد وأبو محمد أم محمد : وليه قلت لها وماسألتها عن رأيهاا أبو محمد : لإني حاس إنها بترفض وقلت لها وطلعت بحطها أمام الأمر الواقع أم محمد : وراك تغصبهم على بعض حتى فهد مو موافق أبو محمد ألتفت لها وقال : بأمانه قراري صح ولا لا ؟؟ أم محمد : من ناحية صح هو صح لأن الوحيد الوصي عليها فهد وهو مو محرم لها وأنت خايف عليها عشان كذا بتزوجهم أبو محمد : ياليت يفهمون هالشي ويتركون هالعناد أم محمد : طيب فهد وافق مغصوب .....وغلا؟؟ أبو محمد : حتى لو رفضت صار اللي صار وزواجهم بيتم وغلا ماتعرف مصلحة نفسها توها صغيره أم محمد : الله يتمم اللي فيه الخير أبو محمد : آمين عند أم نواف كلمت أم خالد وقالت لها عن كل شي عن خطبة نواف لخزامى وإذا وافقوا بيجونهم رسمي دانا : يمه صدق نواف يبي خزامى أم نواف : إيه وأنا أمك خطبناها له دانا : ياسلآم خزووم بتجي عندناا أم نواف : إيه أنتي أدعي له بس واليوم الحمدالله كلموه المستشفى عن وظيفته عبدالله وهو جاي ن غرفته وبيده كوفي : من تدعي له يمه دانا : اليوم فيه خبرين حلوووين عبدالله : ماشاء الله وأنا آخر من يعلم وشو الخبرين على قولتك دانا : الأول نواف قبلوه بوظيفته والثاني خطبنا له عبدالله : ماشاء الله ومنهي تعيسة الحظ أقصد سعيدة الحظ أم نواف : خــزامى طاح الكوفي من إيدينه بصدمه قال بتردد وصوت متقطع : مـ مــ ـنهـي خـ خزامى ؟؟ أم نواف بإستغراب : ماتعرف خزامى بنت عمك أبو خالد عبدالله عارف أنها خزامى بس وده يتأكد حبيبته راحت لأخوه أنطعن قلبه وأرتجفت إيدينه من سماع خبر فقدان قلبه وروحه وكل شي بالنسبه له ترك دانا وأمه اللي بقمة الأستغراب من تغير حاله فجأه وراح لجناحه وهو يردد أسمها اللي بيربط مع أسم أخووه و مو مصدق دخل لجناحه وطالع فيه كله وكأنه يشوف صورتها بجدارن جناحه البارد توجهه للحمام ( أكرمكم الله ) طالع بنفسه بالمرايا ويصرخ من داخله بلا رش المويه على وجهه يمكن يخفف حرارة القهر اللي فيه وهو حاس بأحد نزع قلبه منه وأستولى عليه خزامى البنت اللي حبها من كل قلبه كانت غير عن كل بنات عمه كان يحب خجلها نعومتهاا ذوقها وو .. كل شي مرتبط فيها يحبه يحبها من خمس سنوات وكاتم الحب بصدره ندم على كتمانه تمنى يرجع الزمن ويعترف لها ويعترف لهم كلهم واللي يصير يصير عشان تكون له وحده بس خلاص ضآعت من بين إيديه وراحت لأخوه وإذا فات الفوت ماينفع الصوت مبروك عرســـك مبروك عرسك يوم جالـك نصيبـك مبروك للي يسعـد بشـوف لقيـاك شفت القـدر ماحقـق انـي اجيبـك ولا حقق اني التقـي يـوم ويـااااك افرح على شوفك ولابغـى مغيبـك وامسي على طيفك واصبح لطريـاك ابـوك وامـك اجبرونـي اسيـبـك وخلوني ارحل من حياتـك ودنيـاك وين انت ؟! ياللي خاطري مهتني بك وزهـرة شبابـي مازهتنـي بليـاك القلـب ياقلبـي ترااهـوو قريبـك سير عليه وشوف تالـي بقايـااااك به صورتك دايـم ودمعـة حبيبـك والقلب ياقف يـوم يفقـد محيـاااك لكن قـدر ربـي وحكمـه يصيبـك تغيب واذكر غيبتك مـع هداايـااك

فارس الشهباء 09-21-2015 10:33 AM رد: رواية رماني وقال ما ابيها   عند أم خالد بجناح خزامى خزامى : هاه أم خالد : أنا أقولك جايين لك خطاب وأنتي تقولين هاه حتى ماسألتيني من خزامى بخجل : ماأدري يمه ماأدري تنهدت أم خالد على حال بنتها وقالت : نواف ولد عمك خطبك دقت علي أمه اليوم ..... وإذا وافقتي بيجون رسمي وش قلتي خزامى بخجل : ماأدري أم خالد بحنان : يايمه ترى نواف ماينرد دكتور ماشاء الله عليه ومن كلام دانا عنه أنه مره طيب وش قلتي ولا تقولين ماأدري .. خزامى بخجل أكثر : اللي تشوفينه أم خالد أنبسطت : إيه هذي بنتي مبرووك يايمه سلمت عليها وباركت لها وهي مبسووطه مره على بنتها عند غلا غسلت وجهها من بعد نوبة البكاء اللي جتها من الخبر التعيس اللي جاها تتسآئل من داخلها ليه فهد خطبها وهي حاسه أنه يكرهها وش يبي فيها << غلا ماتدري إن فهد مغصوب تنهت تنهيده طوووويله وقررت تنزل تحت يمكن تنسى شووي نزلت وشافت أم محمد جالسه بالصاله لحالها أم محمد : هلا يمه تعالي عندي قربت لها وجلست بجنبهاا أم محمد عرفت وش فيها مسحت على راسها وقالت : وش فيك يا بنتي غلا بخفوت : ولا شي أم محمد : تبين ترجعين لبيت عمك أبو فهد ؟؟ غلا بسرعه : لا سكتت أم محمد وهي عارفه اللي في غلا بس مو حابه تزيدها غلا قطعت السكوت بكلمه فاجأتهاا : يمه ماأبي فهد أم محمد : يايمه أنا أدري بس اللي ماتدرين عنه جدتك وصت فهد عليك غلا بدمووع : وصت فهد علي بس ماقالت يتزوجني أم محمد : يايمه هذا نصيبك وأنا ماأقدر أتكلم فيه خلاص جدك وافق مافيه باليد حيله غلا : بس ليه ماأخذتوا رأيي أم محمد : ماأدري وأنا أمك أسألي أبوك سكتت غلا وماقالت شي أساسا ماعاد فيه شي تقوله أنخطبت ووافقوا وخلاص حطوها أمام الأمر الواقع ومحد يقدر يرجع الزمن لوراء عشان تمنع هالشي عند راكان وصآحبه عزاام راكان : هذي ماودها تنزل السعر شووي عزام : من قصدك منال راكان : إيه اووف مدري علي أيش شايفه نفسهاا عزام : ههههه قبل شوي كلمتني و تراها بالطريق أخاف تسمعك خخخخخ راكان : ودي بغيرهاا عزام : أنا أتمنى وسن راكان : ليش وسن بالذات عزام : بس أبيها ماأدري ليه أبيها وماأبي غيرها ودي أطلع معاها بس هي رافضه راكان : حاولت بطرق ثانيه عزام : لا راكان : وليــه .. قطع سواليفهم صوت الباب عزام : يمكن تكون منال قام وفتح الباب وطلعت نفس توقعاته منال منال : مساء الورد راكان وعزام : مسآء الياسمين مشت وجلست على الكنبه وحطت رجل على رجل : وش تبي مني راكان ؟؟ ..عزام قالي تبيني بموضوع ضروري راكان : إيه صح كنت أبي بنات مثلك منال بإستغراب : مثلي ؟؟ عزام : يقصد من نفس طينتك بنات ليل منال : ههههههه مليت مني راكان : لا غلطان عزام وبعدين هو مو ملل بس حاب تكونين مفتاح لنا يوصلنا لبنات غيرك ماقد طلعوا مع أحد نبي جديدات مليت من بنات الليل << شفتوا الوقاحه منال : اووكي بس ليه راكان بلا مبالاه : تغيير عزام غمز له : تعجبني منال : اوكي الجامعه ماباقي لها شي بجيب لكم من بناتها بس بالأول لازم نتفق على السعر ترى هالشي مو سهل ويبي له شغل << الله يأخذهم حثالة المجتمع على فكره ترى في كثيير زيهم وعرفتهم من قصص واقعيه على النت وفي الكتب يعني ماجبت هالشي من عقلي ..! عند رنا واقفه بالمطبخ وتغسسل الصحون تذكرت غلا وتنهدت تنهيده طووويله وينك ياغلا أحساسي يقول إنك مو مرتااحه نشفت إيدينها من المويه وطلعت عند أمهاا رنا : يمه تبيني أحط لك شي تاكلينه أم سعود : لا وأنا أمك ... بس أنتي وش فيك ؟؟ رنا : ولا شي أم سعود : أنا أدري باللي فيك وأرتاحي غلا بنشوفها وبنطمن عليها بعد رنا بفرحه : صدق يمه متى أم سعود : الله وأعلم وأنا أمك بس إن شاء الله نشوفهااا رنا : إن شاء الله ودي أروح لهاا أم سعود حزنت على حال بنتهااا من يوم راحت غلا وهي كذا حالهاا وغلا نفس رنا ودها تشوفها وتطمن عليهاا ودها تفضفض لها كل شي يـضايقـــــــــــــــــــ ــــــــــــــــــك .. لو جيت أطمن خاطري وأسأل : وش اللّي .. مضايقك !؟ لو جيت الملم غيرتي وأقتل بشوفك حيرتي ما كنت أظن .. إني إذا : حبيتك أكثر من كذا يا عمري راح أضايقـك ..! ليه غايب أو عشاني .. مـت .. لين إني عرفتك ودّك تعرف أش بسوي لا فقدتك لا " تطـمن ! " مابي خلاف .. إلا إني : كل ما أسهي لمحتـك ..! لو تعرف : شـ سوت الدنيا بحبيبك ناحل عوده..وساكت ما يتـألم صعبه : لامن كان عنـّك.. يحتمي بك وأصعب : إنـّه مستحي .. حتى يتـكـلم عند فهد كان جالس على البحر ويفكر بقراره وبقرار جده الحين جدي بيقول لغلا ياترى وافقت ولالا يارب ماتوافق طالع بالبحر وأمواجه المتلاطمه نفس مشاعره اللي يحس فيها بهالوقت وقال بصوت مسمووع : آآهـ ياترى خنتك ياحنين ولالا ؟؟ : لا ماخنتها وأنا أخووك قام فهد على الصوت اللي وراه وألتفت له : سلطــان سلطان أبتسم : دريت بالسالفه وكل العايله عرفت فهد : طيب وشلون عرفت إني هناا سلطان وهو يوجهه نظرته للبحر : طبعك إذا كنت متضايق ترووح للبحر فهد : عرفت باللي صار عرفت بخطبتي لغلا سلطان : عمي محمد قال فهد هو اللي خطبها بس أنا ماصدقت وعرفت إن جدي وعمي محمد هم اللي خطبوها لك بس فهد العايله كلها تحسب إنك أنت اللي خطبتها وأنت اللي تبيها مو مغصوب عليها مو عمي وجدي اللي غصبوك عليها فهد : حطوني أمام الأمر الواقع ياسلطان خيروني بين رضاهم وزواجي منها ولا بين أني أرفض وأخسر رضاهم أحترت وماوعيت ألا على كلمة موافق سلطان حط يده على كتف فهد : تراه زواج يافهد صدقني بتتعودين على بعض وبعدين غلا وش فيهاا فهد : سلطان أنا مو رافض غلا أنا رافض الزواج من بعد حنين سلطان : حنين لو موجوده ماترضى باللي قاعد تسويه فهد نزل راسه على ذكراهااا تكلم سلطان مع فهد كلآم كثير قدر يخفف عنه شووي عند أم نواف وأبو نواف بجناحهم أم نواف وهي تجلس على السرير : كلمت أم خالد اليوم عن موضوع خزامى ونواف أبو نواف بفرحه : ماشاء الله الحمدالله إن نواف وافق أم نواف : إيه والله إني أنتظر هاليووم أبو نواف : متى بيردون عليك أم نواف : والله مدري ماقالت لي بس يمكن بعد ثلاث أياام ماهم متأخرين أبو نواف : الله يطرح اللي فيه البركه ياارب أم نواف : آمين سمعوا صرخة عبدالله وهو ينادي بأسم دانا أم نواف : يمه بنتي وركضت طالعه من غرفتها ولحقها أبو نواف في بيت أبو فهد في جناح فارس وخلود رؤى كانت عندهم طفشت لحالها بالجناح وجت عندهم رؤى : وناااسه يعني فهد بيتزوووج خلود : وليه مستانسه لهالدرجه رؤى : لأن فهوودي بيتزوج غلووي أحسن إثنين بالدنيا كلهاا خلود حطت يدها على خصرها : لا والله وأنا وفارس فارس اللي كان بعيد عنهم يلعب سارا قرب لها على كلمتها وباس خدهاا : أنتي تجننين رؤى أستحت منهم وغطت عيونها : هيييه خلاص بطلع فارس وخلود : هههههههه رؤى : اووف منكم تسمى طرده صح فارس : الحمدالله إنك فهمتيها يالله أطلعي وأخذي سارا معك رؤى مسويه نفسها زعلانه أخذت سارونا وطلعت بعد ماطلعت قرب فارس لخلود بيبوسها خلود : لحظه فروسي تتوقع فهد خاطبها صدق يعني وين حبه لحنين فارس : الحين وش دخلك فيهم أنا مشتااق لك ماصدقت تطلع روئ جايبه لي سالفه بوقت غلط خلود بتحاول تهديه : وأنا بعد مشتاقه لك فارس ذايب منها : إيه هذا الكلآآم الصصح رؤى وهي شايله سارا ونازلين شافت فهد وهو توه جاي من براا رؤى : فهــد فهد : هلا حبيبتي رؤى : ووينك اليوووم فهد : كنت مشغوول ( وأخذ سارا منها يلآعبهاا ) رؤى : فهد مبرووووك فهد : يبارك فيك رؤى : تراها تناسبك مررره فديتها أبتسم لها وعلى تحمسها لزواجه قطع سواليفهم أمه اللي كانت تتسمع لهم أم فهد : صدق اللي سمعته تخطب من دون شوري فهد : ماسويت شي حرام وبعدين ليه أستشيركم وأبوي وجدي عارفين أم فهد : بس أنــ,, قاطعها فهد : يمه الله يخليك أنا تعبان وأبي أنام وأرتاح وأجلي كل شي لبكرا نزل سارا من حضنه وعطاها رؤى وصعد لجناحه بيرتااااح طاااح الجوال من أيدها على السرير من صدمة الخبر اللي وصلهااا وسن وهي على الجوال : هنادي ردي علي هناااادي جلست هنادي على الأرض متجاهله صوت وسن على الجوال ودمعها على خدها هنادي : فهد خطب يعني رااح ومن مين من هاااذي غلا بنت القريه أخذته مني وسن : هناادي ردي علي سحبت الجوال من على السرير وقالت بخنقه وبدمووع : ليه ياوسن ليه وسن : هنادي أهدي ماعليك منه هنادي : وشلون ماعلي منه أحبه أحبه أمووووووت عليه يرووح مني وسن : هنادي أنـ .. قاطعتها هنادي بصراخ : راااح مني ليــــــــه بس والله والله ماأتركها والله والله ( وضاع صوتهاا مع دموعها وبكاها ) وسن حزنت عليها : هنادي خلاص الله يخليك وربي مايستاهل تسوين بنفسك كذاا هنادي بس تبكي وتتوعد بغلا في إحدى المقااهي وليد ونواف وليد : افاا بتتزووج من دون ماتقول لي نواف : ههههه هذاني قلت لك بعدين بس خطبه دق جوال نواف ورفعه : هلا عبدالله عبدالله بصرخه : تعاال للمستشفى بسرعه نواف قاام من الصدمه : مستشفى قام معاه وليد عبدالله : تعال بسرعه لمستشفـى الــ.. نواف : طيب طيب وصكر الخط وليد : وش فيه نواف نواف : ماأدري يقول تعال مستشفى وليد : يالله بسرعه نروح وش تنتظر واقف طلعوا بسرعه للمستشفى في بيت سيف وبالتحديد بجناحه رمى الجوال على السرير من القهر هاذي عاشر مره تتصل عليه عبير وتبكي تبيه يستر عليها سيف : اوووف أنا متى أخلص من هالعله ودي أقفل جوالي بس المشكله شركاتي وشلون أتواصل معاهم وجوالي مقفل وإذا فتحته هالعله بتزعجني يااربي متى أفتك قام من سريره بيطلع من جناحه لجناح أخته نوور سيف وهو يطق الباب عليها : نواارتي نور فتحت له وهي متفاجأه : سيف أنت هنا ؟؟ سيف : إيه قلبي ولا ماتبيني نور بفرحه : ألا أبيك تجلس عندي سيف : وش الموضوع اللي تبيني فيه نور : كنت بقولك عن تسجيلي بالجامعه وكنت بسألك عن آي قسم أدخله عشان تساعدني بس خلاص ساعدوني صديقاتي سيف : اهاا .. أهم شي أعجبك القسم نور : إن شاء الله نور كانت مبسووطه هاليوومين سيف صار يقضي معاها وقت كثير ومايتركها بالبيت لحالها وصلوا للمستشفى بسسسرعه نواف شاف عبدالله من بعيد وراح له بسرعه يركض هو ووليد اللي أصر يرووح معااه نواف بخووف : وش فيه عبدالله عبدالله : دانا دخلت لجناحها ولقيتها بالأرض طاايحه نواف هذا اللي مايبيه يصير : وش أخبارها الحين عبدالله : الدكتور طمنا عليهاا وبسبب السكر صار لها كذا وليد : سلآمتهاا عبدالله ونواف : الله يسلمك نواف : وأبوي وأمي وينهم عبدالله : أمي عندها وأيوي رجع للبيت لأنه تعبان وأنا اللي بجلس عندهم نواف : الحمدالله ماصار لها شي عبدالله ووليد : الحمدالله عبدالله : خلاص نواف لا تخاف مافيها شي روح أنت الحين للبيت نواف : لا أنت روح وأنا بجلس عبدالله لأنه تعببان قال : خلاص برجع لها بكرا الدكتور قال لي تطلع بكراا نواف : اووكي راح عبدالله وترك نواف ووليد وليد جلس على الكراسي وقال : خلاص نواف إن شاء الله بخير نواف : أول مره يصير لهاا كذا مو متطمن عليهاا وخاصة أنها بدت ماتتقبل الإبره من أحد وليد : لا تخاف عليها إن شاء الله تتطمنون عليهاا هي قويه وصابره نواف : خايف عليها قلت لك أول مره يصير هالشي وخاصة إني ماعاد أهتم لها هاليومين أنشغلت مره عنها وحتى عبدالله وأبوي وأمي دانا من النوع الضعيف والعنيد والحساس بنفس الوقت وتعودت على أهتمامنا لهاا وليد : لا تخاف بتكون بخير إذا قامت وليد قاله كلآم شويه ريحه وحسسه بمدى حنية وليد وطيبة قلبه عند أم نواف ودانا أم نواف وهي تمسح على شعرها وتبكي : سلآمتك يايمه دانا نايمه ومو حاسه بالشي أم نواف : آآه بس قلبي يتقطع عليهاا بسم الله عليك يايمه الله يشفيك باستها على جبينهاا البارد وجلست على الكرسي القريب منهاا وهي ماسكه يدهاا عند نواف ووليد نواف بعفويه ومن دون قصد : وليد تتزوج دانا وليد ألتفت بصدمه له : أيش نواف : هاه لالا خلآص أنسى بروح أشوف دانا ( قام من كرسيه بس مسكته يد وليد ) وليد بإبتسامه : وبتترك نسيبك نواف : نسيبي ؟؟ وليد : نسيت إني خطيب أختك نواف صدقني أتشرف بنسبكم ولو ماطلبت مني هالشي كان جيت بنفسي وخطبتهاا أبتسم نواف له وهو مستانس لأخته << بتستغربون من نواف بس في ناس كذا تتمنى لخواتها أزواج طيبين مثل وليد ونواف يتمنى دانا تكون لوليد عشان كذا خطبها له بس ماكان وده يعرضها عليه بس طلعت منه عفوووي ومن دون قصد بسبب كلآم وليد اللي أثر فيه أو يمكن قالها بسبب تأثره من دانا ومرضها ووده يريحها بآي طريقه عند عبدالله ماقدر يناام وهو يتخيل إن خزامى توافق على نواف وحتى لو ماوافقت مستحييل تكون من نصيبه قطع الأمل بهالشي وده يكوون اللي صار كابوس وينتظر يصحى منه بآي لحظه عشان يعرف إن حبيبته قريبه وماراحت لشخص ثاني ومن هالشخص أخوووه الوحيــــد نزلت دمعه وحيده من عينه غصب عنه مو بكيفه مسحها بسسرعه ولكن سرعانما تمردت دموووعه ونزلت منه وغصصب عنه مسحهم بسرعه وهو يتنفس بقوووه المفروض يبارك لأخوه بزواجه لكن حدث مالم يكن بالحسباان الحين المفروض يبارك لأخوه وحبيبته عند نواف بعد ماتطمن على دانا رجع للبيت بينام بعد ماوصل صاحبه وليد لبيتهم أنسدح على فراشه وتذكر إنه عرض أخته على صاحبه مايدري اللي سواه صح أو غلط ومايدري ليه سوى كذا يمكن لأن وليد يناسب دانا حييل في شي داخله يقوول أنت عملت الشي الصح ولازم يستمــر خلصت هالليله وهي شاهده على ثلاث خطبات خطبة دانا لوليد ونواف لخزامى وفهد لغلا وماندري أيهم بتم وأيهم لا أنتهــــى البااارت نفس الوقت اللي عرفتوا فيه حبيبة عبدالله هو نفس الوقت اللي راحت منه ؟؟ غلا مصير زواجها من فهد ؟؟ بيتم لأن فهد وافق أو غلا لها رأي ثاااني ؟؟ نواف عرض على وليد دانا ؟؟ هل بيجي يوم ويرفض زواجهم أو دانا هي اللي ترفض وممكن تعرف إن أخوها عرضها لصديقه أو لا ؟؟ وماموقفها من هالشي لو عرفت ؟؟ هنادي وتهديدها لغلا ؟؟ ممكن تسوي شي لها ؟؟ راكان وعزام ومنال وتخطيطاتهم القذره ؟؟

فارس الشهباء 09-21-2015 10:40 AM رد: رواية رماني وقال ما ابيها   البارت الثاني عشر ».°••°•.أتـعـبني غــلاك .•°••°.« ''إشتقتلگ'' يا موسع الصدر وين أنت ؟ عقبگ يمر الوقت ياثقل دمه .. ليتگ تعرف شلون قبلگ أنا كنت ؟ كان الألم همي وأنا كنت همه .. ومن بعد ماشفت الوفا فيگ ماخنت ! وفيت لگ وإسمگ بقلبي أضمه .. الساعه 8 الصبح في المستشفى صحت دانا وراسها مره يوجعها أستغربت المكان اللي هي فيه ألتفت وشافت أمها نايمه على الكرسي بطريقه تدل على عدم راحتها بنومه دانا يصوت مبحوح : يمـه قامت أمها بسرعه على صوتها : هلا يمه صحيتي دانا : أنا وين مسحت أمها على راسها قالت : تعبتي وأخذناك للمستشفى دانا مسكت راسها من الوجع أم نواف : وش اللي يوجعك دانا : راسي مره يألمني أم نواف : سلآمتك يابنتي دانا : يمه متى نطلع تعرفيني ماأحب المستشفيات أم نواف : بكلم نواف يجي عندنا ويفهم من الدكتور متى نطلع في بيت أبو فهد وبالتحديد جناح فهد مانام ليلة أمس أبدآ يفكر بالموضوع مرات يقوول صح قراري ومرات يقول لا قام من سريره ودخل للحمام ( أكرمكم الله ) أـخذ شاور وطلع بدل ملآبسه ودق جواله بهاللحظه فهد : ألو المهندس عمر : السلآم عليكم أستاذ فهد فهد : وعليكم السلآم هلا عمر وش عندك ؟؟ عمر : ممكن تجي للمزرعه اليوم فهد : ليه عمر : سوينا على كافة التعديلآت ونبيك تشوفهاا فهد : اوكي أنا جاي بالطريق الحيين يالله سلام صكر منه ونزل تحت شاف أمه بالصاله وواضح أنها تنتظره أم فهد : فهـد فهد كان معطيها ظهره بس ألتفت لها من دون آي كلمها أم فهد : بتفاهم معاك بموضوع هذي غلا فهد : قصدك زوجتي أم فهد : فهد هي لا زوجتك ولا شي وماأبي الموضوع يتم فهد : خلآآص تممناه على خير يايمه مابي نقاش زايد وطلع من البيت أم فهد : أنا أوريها هالغلا ماصدقت ولدي يوافق يتزوج جت وخطفته رؤى وهي نازله من الدرج : صبآحو مامي أم فهد شافت عيايتها بيدها : على وين من صبآح الله خيير رؤى وهي تتكلم بسرعه : بروح لغلا بس بليييز ماما لا تقولين لا أنا موعده البنت وحرام أخلف بوعـ أم فهد بأنزعاج : خلآص فجرتي أذني طلعت رؤى بسرعه قبل أسئله زايده من أمهاا أم فهد بعد ماطلعت جلست على كنبه وهي تقول : لا بالله هاذي ساحره عيالي وأبوهم في بيت أبو خالد في جناح خزامى أم خالد : أنا بقول لأبوك قبل مايروح الشركه عشان يتقدمون رسمي خزامى : هاه لالا خلآص مو موافقه أم خالد : هو على كيفك هالشي خزامى : يمه خايفه أم خالد حزنت على حال بنتها وقالت : خلآص يايمه خليني أفرح فيك مو أمس قلتي لي موافقه خليني أقول لأبوك عن الخطبه مايصير هذا أبوك لازم يعرف خزامى هزت راسها بإيه أم خالد باست راسها وطلعت من غرفتها وهي تتنهد وضايق صدرها على حال بنتها شافت أبو خالد دخل لجناحهم ولحقته أم خالد وهي تدخل لجناحها : أبو خالد أبو خالد : أمري أم خالد وهي تجلس على السرير بجنبه : خزامى جاي لها خطاب أبو خالد : خطاب ومنهو ياأم خالد أم خالد : أمس كلمتني أم نواف وخطبتها لنواف أبو خالد : ماشاء الله والله هذي الساعه المباركه نواف رجال أم خالد : يعني موافق أبو خالد : والله أنا موافق نواف ماينرد بس القرار الأول والأخير لخزامى أم خالد : لا هي مرتاحه وإن شاء الله بنرد لهم خبر هاليومين يخطبون رسمي أبو خالد : الله يكتب اللي فيه الخير في بيت أبو محمد وصلت رؤى لبيت جدها وشافت جدتها في الصاله باست راسها : صباح الخير يمه أم محمد : صباح النور يايمه هلا فيك رؤى : وين غلا أم محمد : فوق بغرفتهاا ( شافت كيس معاها ) : هذا وشو اللي معتس رؤى طالعت بالكيس وقالت : هذي أغراض لغلا كانت محتاجتهم وجبتها لها أم محمد : روحي لها فوق وأنا أمتس ووسعي صدرها رؤى : حاضر يمه راحت تركض لفوق مشتاقه مره لغلا فقدتها هاليومين حييل فتحت غرفتها وهي تقوول : كوووولوووش ضحكت غلا غصب عنها وركضت لها وضمتهاااا غلا هي ضامتها : رؤى أشتقت لك حيييل فقدتك مرره رؤى : وأنا بعد بس تراك أوجعتيني لا تحسبيني فهد غلا ضربتها على كتفها وبعدت عنها رؤى ماتت ضحك على شكلهاا غلا معطيه ظهرها لرؤى وماتكلمها رؤى : خلآص غلوو ياشينك ترى نمززح غلا ألتفت لها : طيب صدقنااك ... المهم جبتي الأغراض رؤى بإبتسامه : إيه ( وطلعت من الأكياس جوال وبجايم لغلا وشوية ملابس ) غلا بإستغراب : ليه جايبه لي جوال أنا قلت لك بس ملآبس رؤى : أدري هذي هدية بمناسبة الخطوبه وبعد عشان نتواصل أنا وياك وتتعلمين عليه ولا نسيتي طول هاليومين ماتكلمنا مع بعض غلا أخذت الجوال من يدها وكان مره يجنن نااعم حييل ولونه وردي وفيه فصوص فضيه رؤى أبتسمت وعرفت أنه أعجبها : أنا قلت لهم يزينونه لك ويضبطونه ويحطون عليه فصوص فضيه وش رايك فيه غلا : مرره رووعه تسلمين رؤى ماأدري وشلون أشكرك رؤى بمزح : لا تشكريني ولا شي .. ( وقالت بجديه ) أهم شي تعرفين تستخدمينه ؟؟ غلا : تعلمت عليه من جوالك الأول بس مو مره رؤى : اوكي بعلمك عليه وجلست عالسرير وجلست بجنبها غلا وبدت تعلمها شوي شوي عند فهد وصل للمزرعه ونزل يشوف التغييرات اللي حصلت لها بصراحه تفاجئ منها كانوا مرره معدلين فيها وزارعين فيها أنواع الزرع وبدى ينبت شوي شوي المهندس عمر : هاه وش رايك أستاذ فهد فهد : حلو ماشاء الله بس وين أسطبل الخيل المنهدس عمر وهي يأشر على مكان : راح نحطه هناك وهو آخر شي بنسويه فهد : بعدوه شوي عن الأستراحه عشان الأهل المهندس : اوكي حاضرين فهد : متى تنتهون من كل شي المهندس عمر : خلآص ماباقي لنا شي الأستراحه على وشك تخلص والأسطبل بنبدى فيه بكرا والعمال ليل نهار يشتغلون بالتبادل بعضهم يشتغل النهار ويرتاح الليل والثاني العكس فهد : الله يعطيكم العاافيه ومشكورين المهندس عمر : ولو ياأستاذ فهد هذا واجبنا أبتسم له فهد وقال : نص المبلغ اللي أتفقنا عليه بينزل بحسابك اليوم والنص الثاني بينزل بعد ماتنتهون المهندس عمر : ماتقصر على خير إن شاء الله تطمن فهد على المزرعه والأستراحه وركب سيارته ومشى راجع للخبر في المستشفى جاء نواف عندهم بيطمن عليهم نواف : هاه دانا وش أخبارك الحين دانا : زينه نواف : الحمدالله أم نواف : نواف وأنا أمك متى نطلع دانا مزعجتني من الصبح نواف ألتفت لدانا وقال : حافظي على صحتك عشان ماتجين للمستشفى طيب والدكتور قال لي بعد شوي بتطلع إذا ماتعبت دانا : خلآص والله مو تعبانه خلوني أطلع نواف : إن شاء الله ياقلبي .. يمه إذا رجعنا للبيت ذكريني أبيك بموضوع ضروري أم نواف : وش فيه يايمه خوفتني نواف وهو يطالع دانا وبإبتسامه : لا لا تخافين يالغاليه موضوع بيعجبك إن شاء الله أم نواف : ريحتني الله يجيب اللي فيه الخير في بيت أبو وليد أم وليد : تخطب وحده فيها السكر ؟؟ وليد : إيه خطبتها من أخوها وخلآص ( وليد ماحب يقول إن أخوها عرضها علي ) أم وليد : بس يايمه أنت ولدي الوحيد وودي أفرح فيك بأحسن من هالحظ وليد طنشها وقال لأبوه : وش رايك يبه ؟؟ أبو وليد : مبروك ياولدي وليد بإبتسامه : يبارك فيك يالغالي أم وليد وهي توجه الكلآم لأبو وليد : المفروض توقف معي وتمنع هالزواج أبو وليد بحده : الولد ماغلط وخطب من ناس والنعم فيهم ينشرى نسبهم بالذهب والبنت أنتي قد شفتيها وتمدحين أخلآقها أتوقع عقب هالكلآم مافي شي ينقال والأسبوع الجاي بنتقدم رسمي لأهلها أم وليد سكتت ماقالت شي وهي صح قد شافت دانا وتمدح أخلآقها وجمالها وطيبتها بس كانت تبي لولدها أحسن من هالحظ على قولتها .... << صرآحه تفكير غبي وش فيها البنت إذا كان فيها سكر أو آي شي أهم شي الأخلآق عايلة وليد معروفه بين الناس بس مو أغنياء حييل متوسطيين المعيشه أبو وليد طيب وحنوون وأهم شي عنده سعادة عايلته عمره 57 أم وليد طيبه مره وتحب ولدها الوحيد وليد عمرها 53 وليد سبق وعرفتكم عليه عنده أخت وحده أكبر منه أسمها سعاد عمرها 32 متزوجه وعايشه بالكوويت وتجيهم كل شهرين تقريباا عند عبدالله في جناحه بدل ملآبسه ونزل بيروح الشركه وهذي أول مره يصحى من دون أحد يصحيه ويزعجه نزل وشاف أبووه يفطر لحاله باس راسه وجلس معااه من دون آي كلآم أبو نواف : الناس تقوول صبآح الخيير عبدالله : صبآح الخيير .. المهم يبه مارجعت دانا وأمي للبيت أبو نواف : نواف راح يجيبهم عبدالله سكت وماقال شي ماقدر يأكل ماله نفس قام عن طاولة الطعام أبو نواف : على ووين عبدالله : عالشركه يبه أبو نواف : ههه غريبه قبل نقومك غصب لهااا أبتسم عبدالله غصب عنه وقال في نفسه لو تدري يايبه إني رايح لها بس عشان أشغل نفسي فيها وماأفكر باللي صار وحطم قلبي وخلآني حتى أكره البيت ... وطلع من البيت إلى الشركه على طلعت عبدالله دخل نواف للبيت ومعاه أم نواف ودانا اللي طمنهم الدكتور عليها وقال لازم ترتاح وتأكل زيين عشان السكر راحت دانا بسرعه لأبوها وباست راسه وهو حضنها أبو نواف وهو يسأل دانا : هاه وش أخبارك الحين نزاف : ههه يبه ماتشوفها جايه تركض لك أكيييد تزقح ومافيها ألا العافيه أم نواف ضربته على كتفه : قوول ماشاء الله بسم الله على بنتي أبو نواف مات ضححك عليهم دانا بتقهر نواف : اووف تقههر بعلم خزامى عليك نواف أبتسم وماقال لها شي أبو نواف قطع السكوت : نواف دوامك يبدا اليوم بالمستشفى صح نواف تذكر : يووه نسيته صح وطلع بسرعه من البيت من دون مايسلم وعلى شغله على طووول في بيت أبو فهد في جنأح فارس وخلود فارس دخل الجناح وهو ينادي : خلووود ياخلوود خلوود وهي تعلي صوتها : أنا بغرفة سارا تعال دخل فارس لغرفة سارا وشاف خلود تنومهاا قرب وجلس على الكنبه ينتظرها شوي وخلصت خلود من سارا ونومتها وحطتها على سريرهاا وألتفت لفارس خلود : هلا حبيبي تبي شي فارس : ألبسي بنروح المستشفى قامت خلود من الخووف : مستشفى ؟؟ ليه ؟؟ صاير شي فارس أبتسم لها وقرب منها : لا حبيبي مافي شي بس اليوم عندك كشف حمل ولا نسيتي خلود : آهـ ريحتني أوكي ثواني وبكوون جاهزهـ ... بس سارونه من تجلس عنده رؤى مو بالبيت راحت لغلا فارس : البنت نايمه وماراح يصير فيها شي خلود هزت راسها بإيه وهي مو مقتنعه طلعت من غرفة سارونه أخذت عبايتها ولبستها ونزلوا عند رؤى وغلا في بيت أبو محمد رؤى : يالله ياغلو بتصل على رقمك وبيظهر رقمي على شاشة الجوال أحفظيه طيب غلا : طيب أتصلت عليها رؤى أحفظت الرقم غلا وسمته بــ أغلا ناسي رؤى : هاه حفظتيه غلا : إييه رؤى بتفكير : امممممم طيب وش رايك تروحين معااي غلا : وين ؟؟ رؤى : بروح السوق نتقضى للجامعه أنا وسمر وخزوووم ودانا ماتقدر لأنها تعبانه قبل شوي متصله عليهاا غلا وافقت عشان توسع صدرها ولا هي مالها خلق : طيب رؤى : اووكي بتصل عليهم يتجهزوون وأحنا بنطلع للسواق تحت أتصلت عليهم وطلبت منهم يجهزون على مايجونهم ولبسوا عباياتهم ونزلوا تحت متووجهين لسيارة السايق في بيت أبو وسن نزلت وسن تحت ولقت أمها بالصاله وسن : مساء الخير يمه أم وسن : ... صمت وسن قربت منها وهزت كتفها : يمه وش فيك أم وسن بحزن واضح من عيونهاا : هاه لا وأنا أمك مافيني شي وسن بصوت مخنوق : زعلآنه عشان حنين صح أم وسن : لو يحبها ماتزوج غيرها وسن : يايمه خلآص ماتقدرين توقفين بوجه الرجال وبعدين حنين ماتت خلآص الله يرحمها ( كانت تقول هالكلآم ويتقطع قلبها على أختها بس وش تسوي عشان تهدي أمهـا ) في مكتب عبدالله بالشركه ماقدر هالكلمه ينطقها ماقدر ينسى حاول والله حاول بس ماقدر مسك راسه من شدة الألم وهو وده يصرخ ويقوول خلآص كفآيه ندماااااان إنه ماأعترف لهااا بحبه تذكر فهد ولد عمه وشلون كان جريء وأعترف بحبه لحنين قدامهم كلهم آآآهـ ليتني في مثل جرائتك يافهد كان الحين خزامى لي بس بعد هالتفكير عنه بمجرد أنه تذكر أنها خلآص خطيبة أخووه حاول يشغل نفسه بالأوراق اللي بين يديه وهو مايدري أصلآ وش مكتووب فيهااا ودي أنســـــــــــاك هاك ذكراك من ذكراك ويش أستفيـد كافـي أن المشاعـر هايمـه كلـهـا ودي انساك والنسيـان ماهـو اكيـد كيف ابنسى عيون(ن) رمشهـا ظلهـا من هك اليوم وانت اللي بعيني وحيـد ماخبرت العيـون تمـل مـن خلهـا مير نفسي عزيزه وانت رايـك عنيـد والنفـوس العزيـزه ماتبـي ذلـهـا ليه تعطيني الدافـع واقـول القصيـد ليه صفحـه غرامـي ترجـع تفلهـا ليه ترجع على الماضي تزيـد وتعيـد وانت من عـام الاول عاجـز تحلهـا مابرى الجرح الاول كيف يبرى الجديد شوف حالي نزيف جروحهـا سلهـا كل ماشفت لك ذكرى وربـي شهيـد كـن نـزاع روحـي بالحفـا تلهـا اندفعـت لغرامـك يالغـزال الفريـد والغـلا لـه دروب خاطـري دلهـا فرحتـي بالقـا رغـم انهـا ماتفيـد فرحـه القـاع لامـن المطـر بلهـا وش بقى يالسراب اللي قريب(ن) بعيد المحبـه وراحـت وانتهـى حلـهـا لو كـل بكيفـه ياخـذ اللـي يريـد كان ماشفت ناس تمـوت فـي غلهـا هاك فرقاك خذها خـل قلبـك شديـد خلهـا ماشيـه بحمولـهـا خلـهـا كـل مـازاد تعذيبـك ذنوبـك تزيـد الله اعلـم صلاتـك باطـلـه كلـهـا في المستشفى عند نواف ووليد اليوم أول دوام لهم بعد ماخلصوا من أغلب شغلهم أجتمعوا بكوفي بجنب المستشفى وليد : آآه وهذا أول الدوام تعبنا أجل عقبها وش بيصير نواف ضحك عليه غصب وقال : إيه والله صادق وليد أبتسم فجأه بعد سكووت نواف : وش فيك أنهبلت تضحك لحالك وليد وهو واضح أنه يفكر : تتذكر يوم كنا صغار تقريبا عمرنا 14 وقلت أنت لي وليد ترى أنا وياك بنخطب بنفس اليووم هههههههههههه وصار هالشي وحنا مادرينا عنه نواف : ههههههههه إيه والله تصدق ماحسيت وليد : عالعمووم الأسبوع الجاي بنجيكم أنا والأهل أبتسم نواف وقال : حياكم الله بآي وقت في السوووق عند البناااات غلا طفششت من السوق وماشرت شي أبد ودها ترجع بس البنات شكلهم مطولين سمر : بنات خلونا ندخل هالمحل دخلوا المحل وبدت خرابيط البنوتات سمر : تعاالي خزووم شوفي هالبنطلون السكيني الأسود بيطلع عليك جنااان رؤى : احنا جايين نشتري لجامعتنا مو خرابيط بلييز سموور خلونا نخلص بسسرعه سمر : عااتي خزووم خذيه بيطلع عليك رووعه خزامى : امممم ماأدري مو حيل عاجبني أحسه ضييق حييل سمر : هذا السكيني يالخبله جد فاااضيه رؤيانه ( عيارة رؤى خخخ ) تعالي خوذي السكيني رؤى : ماأبي تبينه وعاجبك أشبعي فييه بس يالله قسم طفشششت وحتى غلو صح غلا بقهههر : صحيـن مو صح البنات ماتوا عليها ضححك واضح أنها مقهووووره سمر : خلآآص حيل الله أقوى بنرجع للبيت بس فيه طلعه ثانيه طيب رؤى : طيب بس خلونا نرجع بمووت من النووم ( دانا وخزامى السنه ذي رايحين لثاني كليه وقسمهم إنجليزي وسمر ورؤى توهم مخلصين الثانوي ورايحين لأول كليه وقسمهم أحياء سمر ماكانت تبي أحياء بس أجبرتها رؤى عشان يبقون مع بعض .. وهنادي ووسن في ثالث كليه وقسمهم جغرافيا ) رفع جواله ورد على الأتصال من دون مايشوف مين جاه الموال اللي كل يوم ينعاد عليه أكثر من مره وأكثر من بنت ؟؟ : سيف الله يخليك أستر علي حرام اللي سويته فيني والله لو يــ .. وصكر الخط بوجهها من دون حتى مايقول مع السلآمه أو حتى ألو هالموال دايم يجيه ومن مختلف البناااات بس الأيام هذي ماصار يكلم ولا يطلع مع أحد عشان نور أخته قطع تفكيره دخولها : سيف من كنت تكلم ؟؟ سيف تعلثم خاف أنها سمعت شي وقال : هـ هلا قلبي تعالي عندي قربت منه نور وجلست جنبه أبتسم لها : وش عندها نواره جايه عندي نور : امممم ولا شي بس سيف : قولي اللي عندك نور : امممم سيف أنت قبل قلت لي أنك بتتزوج صح سيف : رجعنا خلآص إذا بتزووج بقوول لك طيب نور : إيه بـ قاطعها سيف : نوااره ترى أطلع من البيت نفس قبل نور : لالا خلآص بسكت سيف رحمها حييل ودها تفرح فيه وهو ماعنده نيه لزواج أبد عايش حياتي وش يبي أكثر من كذا

فارس الشهباء 09-21-2015 10:43 AM رد: رواية رماني وقال ما ابيها   في المستشفى عند فارس وخلود كانوا ينتظرون التحاليل حقت الحمل لخلوود خلود : حبيبي فارس : هلا روحي خلود : خلينا نرجع للبيت شكلهم مطولين فارس : لا مو مرتاح لحتى أشوف التحاليل خلود : ودي أتطمن على سارا فارس : لا تخافين الشغاله عندها خلود : مشكلتي ماأتطمن وهالشغاله عندها فارس : خلــ ... قاطع كلآمه منادات الدكتوره لهم قاموا راحوا لها وفارس يتمنى خبر سعيد يسمعه الحين وخلود خااايفه وشاكه الدكتور وهي تشر على الكنبات : تفضلوا فارس وخلود جلسوا وبدا فار كلآمه : هاه دكتوره بشري الدكتور : التحاليل تثبت وجود حمل بس بالشهر الأول وأحنا متأكدين بس لازم يبلها كشف ثاني بعد شهر نشوف هو كيس حمل ولالا فارس : أنتي متأكده بوجود حمل ولالا مافهمت شي منك الدكتوره : من ناحية وجود حمل أيه حامل بس ماظهرت عليها الأعراض لأنها لسه بالشهر الأول ويبلها كشف ثاني لتأكيد على الحمل وعدم وجود كيس حمل فارس قرب لخلود وضمها وهو مستانش حييل لحملها مع أنهم مو متأكدين من الحمل وعدم وجود كيس حمل أبتسمت الدكتورة لهم تقابل كثييير ناس يسوون كذا من فرحتهم في بيت أبو محمد فهد كان عندهم يتكلم مع جده : رحت لها اليوم والحمدالله مضبطينها كلها بس بااقي أسطبل الخيل أبو محمد : وأنا أبوك ماله داعي الخيل فهد : لا يبه أنا أحبه والشباب بعد يحبونه أبو محمد : مدامه كذا على بركة الله .... ألا بسألك يافهد فهد : أمرنـي أبو محمد : متى تبي ملكتك نزل راسه على هالسالفه وقال : أنتوا اللي سويتوا كل شي كملوها علي وحددوا الملكه أبو محمد : أبيها قبل الدوامات فهد : بس الدوامات ماباقي لها ألا أسبوعين أو أقل بعد أبو محمد : ماعليه أنا أبيها قبل دوامات البنات وش قلت فهد عارف إن الموضوع بتم وخلآص عشان كذا وافق ... هز راسه بإيه وقام بيطلع من البيت باس راس جده وطلع من بيتهم على طلعته شاف بنتين نازلات من سيارة السايق وبيدخلن البيت رؤى ومعاها غلا توهم جايين من السووق رؤى قربت من فهد : هلا فهد فهد وهو يطالعا ثم ألتفت لغلا اللي تركتهم ودخلت البيت وقال : هلا فيك منين جايه رؤى : توني أنا وغلا جينا من السووق فهد الله يخليك قول لبابا وماما بجلس اليوم وبنام عند غلا كنت بتصل عليهم بس جوالي مافيه شحن فهد : اووكي بقولهم حبيبتي بس تعالي بكره زين رؤى بإبتسامه : زين عند غلا دخلت للبيت وهي تفسخ عباتها تذكرت رؤى وفهد وكيف كان يطالعها بعدت هالأفكار من عقلها وقربت لجدها وجلست بجنبه أبو محمد : هلا ببنتي هاه أنبسطي وأنا أبوك غلا : الحمدالله أبو محمد : وأنا أبوك أبيك تعرفين إن ملكتك على فهد بعد أسبوع وشوي غلا قامت بصدمه وتعلثمت وقالت : أيش بس أنا . أبو محمد : خلآص جاني وأتفقت معاه غلا أخذت أغراضها ورقت فووق لغرفتها وهي تبكي رؤى دخلت البيت وشافتها وهي تصعد فوق وراحت وراهااا أبو محمد هز راسه بعدم أقتناع من اللي يسونه فهد وغلا رؤى قربت منها وقال لها : وش فيك وش صاير ليه تبكيين ؟؟ غلا وهي تمسح دموعها : ولا شي مافيني شي رؤى جلست عالسرير وقالت : غلا أنا أعرفك قولي لي وش صاير غلا وهي تبكي : ملكتي بعد أسبووع رؤى : وعااادي تبكين عشان هالشي مافي شي يخووف غلا ألتفت لها وعرفت أنها مو فاهمه شي وقالت : أنا ماأبيه في بيت أبو فهد عند فهد قال لأبوه إن رؤى بتنام عند جدها اليوووم وقاله عن ملكته أبو فهد : ماشاء الله ألف مبرووك ياولدي فهد : يبارك فيك أم فهد جالسه عندهم وتهز رجلها من القههر بس ماتقدر تفتح فمها بكلمه وحده مدام أبو فهد فيه وفهد موجود نزل فارس لهم وقطع سكووتهم : السلآم عليكم الجميع : وعليكم السلآم أبو فهد بحده : وينك أنت اليوم ماأشوفك في الشركه فارس : افا ياأبو فهد وأنا جاي لك بخبرك خبر رهييب رحت للمستشفى أنا وخلود وأبشرك بيجيك حفيد ثاني أبو فهد : ماشاء الله خبرين حلووين اليوم أخوك ملكته الأسبوع الجاي وخبر حمل خلود الله يديم هالفرحه يارب فرحوا للخبر مره وباركوا له بس أم فهد مو مره فرحت تقول خايفه إن فارس يكبرها هههههه تفكير غبي عند بيت من زمااان مارحنا له أبطاله غايبين بآخر باارت ريم بدمووع وإنكسار : مالي ذنب والله والله مالي ذنب عادل قرب لها وباسها على خدها وبعد شوي ورجع يبوسها على شفتها شاف دموعها نزلت زياده مسحهم بإيده وضمهااا أرتفع صوت بكاءها وشهقاتها بحضنه عادل مسح على ظهرها : بس حبيبي خلاص ريم وهي تخبي وجهها بصدره : عادل الله يخليك ودي أرتااح عادل سحبها معاه للكنبه وجلس وجلسها بحضنه وقال : ليه مو مرتاحه بحضني حطت راسها على صدره وهي تمسح دموعهاا وبصوت يالله ينسمع : ألا أرتاح كثيير مسك يدها وصار يداعب أصابيعها الصغار ويدها بالنسبه ليده باس راسها ومسح عليه وقال : روحي أخذي لك شاور بارد يا قلبي وبدلي ملابسك عندي لك مفاجأه يالله ياعمري قوومي قام عادل ونزلها من حضنه وهي دخلت تاخذ لها شاور يبرد حرة قلبها شووي ( اللي صار لريم إن أم سلطان كانت عازمه أختها وبنت أختها اللي خاطبتها لعادل وعادل مايبيها المهم ريم كانت جايه تسلم عليهم بس سمعت أم سلطان تتكلم عنها وتسبهاا وتسب شغلها ونظافتها حتى ... أم سلطان هدفها من هالشي إن إذا خطبت بنت أختها لعادل على طول توافق من دون ماتقوول عادل متزوج ماأبيه .. بس ريم سمعتها ودموعها بعينها ودها تدافع عن نفسها بس كالعاده أم سلطان بتقلب السالفه على ريم اللي ماتدري عنه ريم إن هنادي كانت تشوفها وهي تتسمع لأنها كانت بالمطبخ وبترجع لأمها بس شافت ريم وراقبتها وعرفت أنها تتسمع وبعد ماراحوا المعازيم هنادي خبرت أمها باللي شافته من ريم وأم سلطان أستغلت الفرصه أنها تبرد حرتها من ولدها ورفضه لزواج وراحت لريم بجناحها وهزءتها وغسلت شراعها وكانت بتضربها بس تراجعت ورجعت لغرفتها بعد ماشبعْت ريم من التهزيئ وعادل عرف بالسالفه لأنه كان داخل جناحه وسمع ريم تشتكي لصاحبتها العنود من اللي صاار سحب منها الجوال وسألها بس ماجاوبته بس هو غصبها تعترف بكل شي وأنهارت ريم عنده وقالت اللي صار ومانقصت حرف ولا زادت وقالت له عن إزعاجات أم سلطان لها هالأيام وماقدرت تخبي عنه آي شي ...! ) في بيت أبو نواف وبالتحديد في الصاله كانوا أم نواف وأبو نواف ونواف موجودين فيها ويسولفون أم نواف بإستغراب : وليد خطب دانا ؟؟ نواف : إيه يمه جاء لي وخطبها مني وطلب مني أوصلكم الخبر وإذا وافقتوا بتقدم رسمي إن شاء الله << نواف ماحب يقول إني عرضتها عليه يدري أن أبوه بيقوم الدنيا عليه أبو نواف : والله والنعم فيه وليد وش رايك ياأم نواف أم نواف : ماأدري إذا دانا موافقه أنا موافقه نواف : خلآص أخذوا برأي دانا ويمه أنتي تعرفين وليد زين وتعرفين أخلاقه أم نواف : والنعم فيه يايمه ماقلت شي بس دانا لها القرار الأول والأخير نواف : خلآص أجل قولي لدانا هاليومين طيب دخل عليهم عبدالله وهو توه جاي من برا كان الشماغ على كتفه وماسك الطاقيه بيده وفاتح أول زرارين من ثوبه وواضح إن عيونه ماذاقت طعم النووم .. جلس على الكنبه وهو مانطق بآي كلمه أم نواف : يمه عبدالله وش فيك ؟؟ عبدالله : ولا شي يالغاليه بس مانمت أمس نواف : سلآمتك لا يكون حاس بشي طالع أخوه بنظره غريبه وكأنها حقد من سرقة حبيبته منه قام من مكانه ورد عليه من دون نفس : لا مافيني شي أستغرب نواف لهجة أخوه له بس ماعلق عذره لأنه تعبااان صعد عبدالله لغرفته وهو تاركهم بحيره صعد وهو مو مركز بشي تعبااااان من كل اللي حوله مالي ذنب ،! غير أني حبيته [ شوي ] لا وربي مو شوي ‘, كنت { أحبـِـه كثر نبضات القلوب ... كثر ما بـ الكون هذا من ذنوب ... كثر ما قلت " والله .. والله .. والله من حبـِـِه أتوب ولا أتـــوب { عند رؤى وغلا رؤى قامت من الصصدمه : أيش وليه ماقلتي أنك ماتبين الزواج ليه سكتي ليه ماقلتي لي أنا طيب غلا وهي تمسح دموعها : ماقدرت والله ماقدرت أبوي قال لي وراح حتى من دون مايسألني قلت لأمي بس تقول ماباليد حيله يعني خلآص تم كل شي وأنا ساكته كنت أتوقع أنه حلم وأنتظر أصحى منه بس طالت نوومتي وحلمي حقيقه موجوده ..! قربت لها رؤى وضمتهاا : فهد ماخطبك إلا أنه يبيك صدقيني فقدنا الأمل أنه يتزوج من بعد حنيـ .. ( رؤى حطت يدها على فمها وسكتت كانت بتقول أسمها بس في شي يمنعها تقوله لغلا ) غلا بعدت عنها وقالت : من بعد ميـن ؟؟ رؤى : هاه لا ولا شي ( بتغير السالفه ) : نسيت أقولك أنا بنام عندك الليله غلا فرحت : والله رؤى أبتسمت على فرحتها وقدرت تنسيها : أيه ياروحي في جنآح خلود وفارس كانت تطالعه فيه وواضح الفرحه تشع من عيونه وهي مبسووطه عليه حيييل بس اللي مضيق خلقها شي واحد قربت منه ومسكت يده وقالت : فارس حبيبي بطلب منك شي فارس بحب : أمريني خلود : امممم مانبي نفرح بالحمل كثير أخاف يكون كيس حمل وبعدين تتحطم فارس : هههههههههههه فديتك غلاتي الدكتوره قالت بالنسبة أقل من 20 % يعني لا تخافين الحمل مؤكد إن شاء الله تنهدت خلود وهي خايفه شوي من أنها تنصدم من عدم وجود حمل حس فيها فارس وقرب لها وضمها : قلبي صدقيني ماراح أزعل إذا ماكان فيه حمل خلود بعدت عنه وقالت : أخاف أتعلق فيه ويروح مسح فارس على راسها وضمها من جديد بهدووء بحسسها بوجوده دايم جنبهاا أرتاحت خلوود بحضنه شووي وهي تحاول تبعد فكرة فقدان جنينهاا عند عادل وريم وهم في سياره طول الطريق كانوا ساكتيين وهدوووء عادل مل من هالوضع ومسك يد ريم وقال : ماسألتيني حبيبي وين بنروح ريم : امم راح عن بالي السؤال عادل : خلآص أنا أقولك غلاي عازمك على فندق فخم وبنام فيه الليله ريم : ليه ننام عادل : ماتبين ترتاحين شوي من البيت وأنا بريحك أخذت لنا فندق يبعدنا عن الأزعااج وأهم شي بنكون لحالنا ( وغمز لهاا ) ريم أستحت يوم عرفت قصدك وبنفس الوقت أنبسطت على الطلعه عند جنى وسلطاان طالعين يتعشون بمطعم جنى : اممممم سلطان سلطان بهيآآم : روحه وقلبه وعمره جنى أبتسمت له بحب : ودي أقولك شي وأخاف تزعل مني سلطان وهو يقلد صوتها : مدامم بزعل لا تقولين شي جنى بطفش : سلطااااااااااان سلطان : ههههههه قولي اللي عندك أمريني جنى مسكت يده وقالت : مافكرت تقول لأهلك عني سلطان : حبيبي الموضوع هذا ماغاب عني ولا لحظه بس قاعد أفكر فيه والله.. أنتظري إلين تهدا الأمور ببيتنا جنى عشان سلطان قالت : اووكي من عيوني سلطان : تسلم لي عيونك ياقمر أبتسمت له جنى بعفويه وهو بينجن عليها من حركاتهاا ودلعها سلطان بذوبااان : حبيبي وش رايك نرجع للبيت جنى بدلع : لا قلبي تونا خلينا نجلس الله يخليك سلطان : ماشاء الله من اليوم قاعده تتدلع وبالأخير ماترجع قوومي بس أمشي يالله ضحكت عليه ومشت معااه غصب ...! عند عادل وريم يالفندق عادل : هاه حبيبي وش رايك ؟؟ ريم : يجنن قرب منها وقال : أنتي تجننين أستحت ريم من نظراته وماقالت شي عادل : حبيبي لا تزعلين من اللي صار بينك وبين أمي ريم أبتسمت له : لا مو زعلآنه عادل قرب لها وقال : أكيـد ريم : أكيدين باس خدها وألتفت وباس خدها الثااني وهي ذايبه فيـه عند رؤى وغلآ منسدحين بجنب بعض ويسولفون رؤى : خزووموه الزفت يوم كنا بالسوق ليه ماقالت لنا إن نواف خطبها غلآ : هههههه تصدقين سمعت الخبر من أبوي بالصدفه كان يكلم عمي أبو نواف رؤى : هييين إن ماذبحتها مسويه نفسها تستحي غلآ ميته ضحك على رؤى واضح أنها مقهوووره بعد سكووت شووي رؤى : غلو أنتي مو راجعه بيتنا ؟؟ غلآ : لا ماأفكر بعد اللي صاار رؤى : اممممم الله يخليك وربي تعودت عليك غلا : أنتي كل يووم تعالي عندي هناا رؤى : ماأدري أقدر أو لآ مر هالأسبوووع سريع لبعض أبطالنا وبطـيء للبعض الآخر مختصر هالأسبووع فهد وغلآ : مايبون الأسبوع يمشي لأن في نهايته أرتباط أسمهم ببعض جنى وسلطان : عايشين مرتااحين بحياتهم وجنى بتحضر الملكه غصب من سلطاان عادل وريم : هالأسبوع أسعد أسبووع مر عليهم أنبسطوا حييل بالفندق وجلسوا فيه ثلآث أيام ومقفلين جوالاتهم بعييد عن الأزعاجات نور وسيف : روتين دائم يمر عليهم لا تخلوا من أتصالآت البنات على سيف وطلبهم الداائم منه خزامى ونواف : تمت خطبتهم على خير وتقدموا رسمي ووافقوا وينتظرون موعد الملكه بعد ملكة فهد بكم يووم عبدالله : أنهااار بعد ماعرف بخطبة أخووه رفض يروح معاهم في الخطبه الرسميه بحجة أنه مشغول بس غصبه أبوه على هالشي وقاله أجل شغلك دانا ووليد : تمت خطبتهم بعد وينتظرون الملكه ودانا ترددت بالموافقه بس نواف مدح لها صاحبه ووافقت لأنها واثقه من نواف بس مادرت إن أخوها عرضها على صاحبه ولا أحد يدري غير نواف ووليد بس .. وسن وهنادي : كالعاده لا تخلوا مكالماتهم من الكلآم في النااس وباقي البنات يجهزوون للملكه قبل يوم من ملكة فهـد & غـلا أنتهـى البارت

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف