|
رد: ديوان الشاعر تركي 2000
قصيدة سلطان يعطي شي - تركي 2000
السلام عليكم ورحمت الله وبركاته الشاعر تركي الميزاني قال قصيده في صاحب السمو الملكي الامير سلطان بن عبد العزيز حفظه الله وفي احد الابيات تعرض لحاتم الطائي بشئ من التهميش لهذا الرمز العربي الكبير وسوف اورد لكم قصيده تركي اولا والتي قال فيها : كريم يانو(ن)هبوبه تقوده لي مدة(ن)وانا عيوني تراعيه اكبر من الغربي ترازم رعوده سيله حقاق والمخايل تباريه اللي وطا حزم البلاد ونفوده عقب المحل ماناش من عرق يحييه ايام وسمه ماتجيك معدوده ثابت على طول السنه من مناشيه هتان ودان ذعاذيع نوده تجلا هموم القلب والجرح تبريه وليا سمك وبله وخيم ركوده تفرح به البيدا وتروا ضواميه فوق البسيطه ماتحدد حدوده مافيه وادي غير تجري مجاريه والعشب انواعه تلاعب وروده طلعه سوا من مدلهم(ن)يساقيه هذي هماليله وهذي شهوده كل(ن)يرحب به وكل(ن)يحييه هذاك سلطان السعد من جدوده غيث(ن)على غيث(ن)يعافيه ياراح قلنا الله علينا يعوده من كثر حبه ود شعبه يخاويه وليا رجع تباشروا في وجوده شيخ(ن)وحنا برض البلاد لمواطيه حنا تحت رايه وحنا جنوده واعمارنا في ساحة الحرب تفديه القايد اللي منبع الجود جوده صار الكرم صرح(ن)للأمجاد بانيه ((خلو كرم حاتم))وماضي عهوده سلطان يعطي شي حاتم مايعطيه خيره على العالم عسا الله يزوده لو جيت ابذكر ماتعدد حسانيه وفاه وصلة لكل دوله وفوده من مد كفه مايبا احد(ن)يكافيه وليا قدح من نار فكره زنوده رايه سديد وكل تايه يقديه وليا بطش ضاعت روابع حسوده من سطوته خصمه يضيع هقاويه هداج تيماء اللي يصدر وروده ياحي ابو خالد وياحي طاريه كنت اتمنى وقفتي في وجوده واليوم انا موجود مابين اياديه :: : : : وهذا هو رد شاعرنا الكبير مرزوق بن محمد الرمالي الشمري : كريم ياقاف(ن)خذته البروده وعلى صفا سلمى تحطم معانيه قدام اجا غصب يتبخر صموده ويصبح سراب(ن)بأوله لين تاليه اصغر من اللي عن سمانا يذوده يقفي وذعذاع الشمال متقفيه ماينثني لأطماع نفس(ن)حقوده ياصار راعيها الخطا من مباديه نفسه عن الكايد عزوم(ن)شروده والا على الذمه كبار(ن)هقاويه حايل غنيه عن نفوس(ن)جحوده وتركي يبي سب الاجاويد يغنيه سيرة سجاح اليوم منه معيوده متفرش(ن)نهجه ونهجه مغطيه لو كان مسلم ماسجد مع سجوده فرض الصلاة اللي نصلي يصليه شرهاتنا بالطيب نثبت بنوده والا الردي ماله علينا مشاريه وتركي عطا الله قام يشعب قعوده يبي كرم حاتم يشيله ويمحيه اكرم رجل يوم الحبال معقوده واطلق شنب يجري كرم مايجاريه تركي جحد والا النبي جاب جوده تركي طعن والمصطفى اللي مزكيه يمكن يشيل جبال حايل لسوده وطويق للصمان يرسي مراسيه دامه لحاتم طي جند جنوده ويمكن فرس حاتم هو اللي مذكيه دام الكلام بلاش يبذل جهوده شاعر وطن يالله عسا الله يخليه شاعر وطن يبغى المشاعر يسوده وعلى حساب الغير يبني مبانيه نعم(ن)بحكام الجزيره واسوده حكام تاخذ حق وافي وتعطيه حكام عدو للمعالي سنوده والكل منهم مانزل عن معاليه الهرج ياجاهم تقيد قيوده يطيب هرج الطيب بلسان راعيه ال سعود احرار جو مهدوده وسلطان منهم ماتردا مداليه والسرد مايغني رجال(ن)سروده لو مانسرد يعجبه سرده بشافيه : : : : وسلامتكم ... |
رد: ديوان الشاعر تركي 2000
قصيدة على طاري المسرى _ تركي 2000
على طاري ..المسرى وكم يبعد .. المشوار انا والله .. اني ناوي لأسري .. الليله الا ياولد .. عكشان قم شغل .. الفكسار ترى خاطري .. قامت همومه .. تغني له من إشبيليه .. حرك شمال وتنصى .. القار طريق يخلي .. مجمع الأبل .. على الزيله أخذ مفرق .. الطوقي وخل .. النفود يسار وحذراك تسرع .. قدمك شوي .. تحويله اخذها وتله .. يالسنافي .. وعطه النار ولا ينقص .. الميتين لا هنت .. من ميله وحول على .. الصمان ديرة .. اهل المقدار ودور .. طريق ل الدريبي .. يودي له |
رد: ديوان الشاعر تركي 2000
قصيدة السلسال - تركي 2000
لي الهون ياجرح المفارق وضيق البال علي الهون ياهم سطابي وقدرته ! اعزك لوانك جرح ومجاهدك قتال وروضت جسمي لاجل سقمك صبرته! لاجل من ملك قبي من الجال لين الجال وفجيت له باب عن الناس سكرته ! وحطيت له عن شمس قيظ الغرام اظلال وشيدت له بيت بقلبي وعمرته ! عشقته ودللته وجريت له موال وتخيرت قربه ليتني ما تخيرته ! رعي ريف قلبي لين صار الحشا مدهال وعن مدهله جنبت غيره وذيرته ! سقيته من عدود الغلا والغرام زلال بعد ماجذب من دم قلبي وصدرته ! اداري عليه من الزعل وازعل العذال وخطاه ان كبر في عين غيري تصاغرته! ترافقت انا وياه من يوم كنا اطفال تكون غلاه بوسط قلبي وكبرته ! قبل مايغطي ليله المنتثر بالشال سرقت الكرى من نون عينيه وسهرته! نقش كل حرف من حروفي على السلسال تباهى بها واغاظ ناس مجاكرته ! وكتبت القصايد في عيونه علي اليامال وليا مرني صوت النواخذ تذكرته تكاثر علي الله يجازيه كيف الحال وانا يوم اسوق العمر له ما تكاثرته ! وبعد كل هالتقدير والحب والاجلال تغير وهقواته عليه مغيرته! لبسته ثياب الغطرسه لين جا يختال وكبر في عيونه يوم الاوهام غررته ! واذالسالفه ضحك ومهازل ولعب اطفال خبطت الغصن لين ابرق الريش طيرته ! خلصنا وقفلنا الصناديق با لاقفال ومن جور حكمه كامل القلب حررته ! |
رد: ديوان الشاعر تركي 2000
قصيدة البارحه يوم كل نام يانايف - تركي 2000
البارحه يوم كل نام يانايف أخوك ماهوب لانايم ولاواعي يحوف قلبه من همومه مية حايف من غير هم قديم بين الأضلاعي هم يزعزع جبال طويق والطايف مخفيه لي مدة مع باقي أوجاعي لاشك ماني من غدر الزمن خايف أعرف دخولي بعد ماأعرف مطلاعي لكن الأيام منها خاطري عايف لو إنها تجربة عمر وتمتاعي يلوفني عن مقاصد خاطري لايف وأمشي مع الدرب وعيوني لمرجاعي لاعاد تنشد عيوني ويش أنا شايف مافي عيوني يسولف لك عن أوضاعي |
رد: ديوان الشاعر تركي 2000
قصيدة ياسعود لاتنشد عن الحال ياسعود- تركي 2000 ياسعود لاتنشد عن الحال ياسعود الحال ولى فالزمان المولي والجسم الاقشر قام ينحل كما العود والهم خاويني معي ثل ظلي لو قلت لك موجود ماني بماجود اظحك واجامل واحدن مافطن لي متبعدن عن كل شاذب ونمرود ومنزحن بين الخلايق محلي ياسعود يوم الهرج له قن وحدود وداني اكتبلك عن الي حصلي والي حصلي له مصادير وورود اقفت صدوره والورود اقبلني من عقب ماسافر على زورق النود عود وجا من سفرته راجعن لي واول جوابه لي مقابيس وزنود ونارن تشل اطراف الاظلاع شلي وان قلت مالك من ورى القلب مقصود وان كان لك مقصود عبر وقلي تال الزمان يبين البيض والسود لاتحسبني راجعن لك تسلي وان قلت وش رجعك لافدت بالفود قال انشد الي جابني من محلي ماجابه الا من يقود الهوا قودقود البعير اليا امتنع لايفلي الصاحب الي دونه الحزم ممدود بقصى جبالن حيدها عارضنلي ارسل مراسيله يبى العلم موكود ياليت مرسوله جلس ماوصلي عقب السنين مشيبة كل مولود اليوم من فرقاه دمعي يهلي ياسعود قلبي راح ماعنه منشود كب الظلوع وراح مرواح خلي |
رد: ديوان الشاعر تركي 2000
قصيدة أستقريت مايدرك الابداع وأدركته _ تركي 2000
أبداع جديد ورائعه من ملك الروائع المبدع شاعر الوطن الشاعر / تركي الميزاني .. استوطنت مملكة شعري جبروتي وأنا سكنت بجبروته ومملكته وأحييت ذكرى معارك عين جالوتي وتحقيق الاهداف معركتي ومعركته وتعاهد الشعر مع صمتي ومع صوتي وقريت مايدرك الابداع وأدركته أحيا معه لا حيا وأيموت من موتي ويومني أحبيت فيه الروح ماأهلكته واللي هواها قفص روحي وتابوتي امنتها محتوى الافكار واملكته في دربها ماشكى ساقي على سبوتي ولامل صبري من الواقع ولانهكته اسكنتها حزني اللي كبل اسكوتي مابين سور الغرام وبين بايكته وذبحت لعيونها ستين طاغوتي واسرفت في كوكب الاسراف واسهكته عزيمتي قوتها وجنونها قوتي اليا حدانا الزمان وقلت بركته |
رد: ديوان الشاعر تركي 2000
قصيدة يا الشعر _ تركي 2000
يا ..الشعر فرشتك من الجوهر ولبستك لباس وصنتك صيانه دايمه في ذاكرة عقلن ذهين وطرقت بك باب التغزل والنصايح والحماس وطرقت بك باب المدايح بالرجال الطيبين كم قست من غبت بحر واملك بحور ماتقاس وفرضت سيطرتي على الاشعار والمستشعرين واذا حصل في مفرداتي ما يسمى الاقتباس انا اقتبس من حكمة العقل ومن رياض الصالحين وهو التقدم بالقصيد الجزل مارضى الانتكاس ولا تدخل دون داعي في شؤون الاخرين واذا دعى الموقف حفرت لقمة الاشعار ساس على الجبال الصم مابنيها على صبخه وطين اقيسها في خاطري واحط للفكرة اقياس وابدي وعالج لي قضايا عالمن متعددين واخدم بفكري ماختلس من فكرة الغير اختلاس واصبر على كل المصايب يامعين الصابرين وانا اتالم من قضايا ناس وافكر بناس واحزن اذا شفت التفكك في صفوف المسلمين اصل التفكك في قوانين الجهاد اكبر عكاس واصل التكاتف عزز الاسلام في بدر وحنين واللي غمرني بالسرور مصالحت فتح وحماس بأرض السلام اللي تخاطفها ايدين العابثين الهم سنين مع المعارك والعنا والابتاس عاشوا معاناة حقيقية لها يندا الجبين مضت عقود من الزمن ماصابهم خيبه وياس رغم انخفاض الاقتصاد وبالحجر متسلحين لكن بعد هذا التكاتف صار فالوضع انعكاس صارت فتنهم بينهم بمشاورات الحاقدين واللي دعاهم لتفاهم لين زال الالتباس خادم بيوت الله زعيم العرب عون المتسعين فاطهر بقاع الارض ساواهم على العلم الاساس لين انتهوا بمفاهمات الصلح والعلم اليقين راي يكفي من صليب الراس ويدخل كل راس لشعوب العرب والقادة المتحمسين مبادرة من خادم البيتين قبل الانغماس في مشكلة تسعد بها الكفار والمسلم حزين حيوا مليك المعجزات اللي على الاخطار داس وصلوا على طه النبي خاتم جميع المرسلين |
رد: ديوان الشاعر تركي 2000
قصيدة يا الله _ تركي 2000
يالله ياللي لا اله الا انت خالق و معبود وبقدرتك تسمع دبيب النمل في الليل الغدر تنشئ السحاب وتامره يمطر ويخضر كل عود وبأمرك تسير الريح واليك المقر والمستقر انك تجملني مع اللي قدرهم عندي يزود حماية التالي هل الوقفات عنوان السطر تجملوبي ووقفوا جنبي عساهم في الوجود في ماقف مافيه ذاك الوقت صد ولاعذر يوم احتزمت بهم وصحت لهم تعزووا بالجدود اربع شهور ماسلوا عني شهر يتبع شهر وتكاتفوا مثل الذيابه و النموره و الاسود ياحي وقفات الرجال اللي على عز وفخر وكلن يقول ابشر ومطلوبك حصل وارق لسنود متكاسبين الطيب والفزعه مقابيس الظفر امن الكويت اليا الحجاز ومن الحدود اليا الحدود ومن الجنوب اليا الشمال ومن البحر لين البحر فزعة بني عم وقرايب وأصدقا وعيال عود ونخوة شغاميم تحييهم على حد النظر الأوله سلام تسليم يعم ال السعود حكامنا وملوكنا الغالين وأولاة الأمر وحنا لهم وعيالهم نبقالهم درع وجنود ولجل الوطن ومن اجلهم نارد على الموت الحمر والثانيه للي لهم مجد مايبغاله شهود أهل الثلاث المعجزات مطير حمران النظر سلام ياربعي سلام يحمله ريح الورود وأيضا سوات العود الازرق للشيوخ وللجبر والله لو أذبح مية ناقه وخمسمئة قعود وأمشي من الحره على رجلي اليا حد الحفر ماوفي جمايلكم علي ياللي تحفظون العهود ياعزوتي وانتم ذرايه لاقربت من الخطر والثالثه مني عدد مالاح برق وهب نود سلام ياجمع القبايل كلها بدو وحضر وختامها ماوالله أنساكم عساكم في الوجود وعودي موصيني على النوماس من سن الصغر |
رد: ديوان الشاعر تركي 2000
قصيدة ودعتك الله _ تركي 2000
ماني مجازيك في صدك وهجرانك ودعتك الله وتلقى واحد ثاني اتعبت الاعيان والاقدام من شانك وانت ولا وشي سويته علشاني فزيت لك يوم قلت اسمك وعنوانك لو كان ماتنتمي لاسمي وعنواني ما جيت ادورك ولا اطق بيبانك ولا اترجاك مثل فلان وفلاني انت اللذي جيتني واعلنت بلسانك بانك على شوفتي جايع وعطشاني صدقت هرجك ولو ما اثبت برهانك واقبلت لك مندفع من كل وجداني ماكنت افكر يجي في يوم نسيانك وانساك وانت معاهدني ما تنساني الا بعد ماقريت الكذب باعيانك حاولت اودعك وانسى كل ما كاني |
رد: ديوان الشاعر تركي 2000
قصيدة عيون السحاب_ تركي 2000
مابين .. توديع اللقاء الحاضر .. وتقبيل الغياب قضيت .. ليلي بين حرمانه .. وهمه وسهره اناجي .. سدول الظلام العتم..وعيون السحاب واحاول ..انسى ماحصل في نظرتي.. واستصغره تاهت ..مسافاتي وطالت لوعتي ..والراس شاب والوقت .. مايرحم يا لونه .. يزين مظهره ياغاية المقصود .. من قال الخطا .. مثل الصواب اعرف .من اللي يكسر العظم ومن .. اللي يجبره طيشك ونكرانك ..ترى ماله ..سؤال ولا جواب عندي .. وقلبك عن كلبشاته .. يعلم مخفره لو تدري .. ان الصد يافتان .. نوع من العذاب قدمت .. لي عذرك مية مره وقلت .. المعذرة ياكثر ماظنيت .. فيك وكل ظن فيك .. خاب في كل ليله .. سيف لوعاتك بوجهي .. تشهره ماهومهم ان زاد جرحي جرح والا منك .. طاب ترى .. المهم انك تعرف الميمنة .. والميسرة ان جيت .. ياخلي فتحت الباب لك عشرين باب وقدمت ..لك في كل خطواتك .. ورود معطرة وان رحت .ما لك عندي الا كلمتين .. في كتاب انا .. الذي ما تنزل دموعه .. على فرقا مراة |
الساعة الآن » 04:53 PM.
|
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
new notificatio by 9adq_ala7sas
HêĽм √ 3.1 BY: ! ωαнαм ! © 2010
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
جميع ما يطرح في منتديات سهام الروح لا يعبر عن رأي الإدارة وإنما يعبر عن رأي كاتبها
ابرئ نفسي أنا مؤسس الموقع ، أمام الله ثم أمام جميع الزوار و الأعضاء على ما يحصل من تعارف بين الأعضاء على مايخالف ديننا الحنيف